Европа
(Видео) Полска воведува вонредна состојба на границата со Белорусија
Претседателот на Полска неодамна објави декрет со кој се воведува вонредна состојба на границата со Белорусија на 30 дена поради мигрантската криза.
Како што истакна полскиот претседател во својата одлука, вонредна состојба се воведува на 183 места лоцирани во три километарскиот појас по должина на границата со Белорусија, што многумина го оценија како потег без преседан во посткомунистичката историја на Полска.
„Ситуацијата на границата со Белорусија е тешка и опасна. Полска, како држава одговорна за нејзините граници, но и за границите на Европската Унија, мора да преземе мерки за да ја обезбеди безбедноста и на полските држави и на Европската Унија”, изјави портпаролот на полскиот претседател Блажеј Спичалски.
?? PM @IngridaSimonyte, ?? PM of Poland @MorawieckiM, ?? PM of Latvia @krisjaniskarins, and ?? PM of Estonia @kajakallas have issued a joint statement condemning the hybrid attack by ?? Belarus against state borders ➡️ https://t.co/1tXNw0FDVk pic.twitter.com/1EGtkzcv63
— Lithuanian Government ?? (@LithuanianGovt) August 23, 2021
Според полските власти, вонредната состојба на границата со Белорусија е воведена првенствено поради поголемиот прилив на мигранти од арапските земји кои преку Белорусија се обидуваат да стигнат до земјите од Европската Унија.
Портпаролот на полскиот претседател изјави дека во последните неколку месеци илјадници мигранти се обиделе да побегнат од Белорусија во земјите од Европската Унија, од кои Полска, Литванија и Летонија беа најпогодени.
Според властите, само во август околу 3.200 мигранти илегално сакале да ја преминат границата меѓу двете земји, а ситуацијата ескалирала особено по кризата во Авганистан, кога голем број граѓани ја напуштиле земјата поради талибанските освојувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.