Поранешниот руски претседател Дмитриј Медведев предложи можност за натамошна анексија на територија на Украина, јави германската новинска агенција ДПА.

На партискиот конгрес на партијата Единствена Русија во Кремљ, Медведев во петокот рече дека е неопходно да се развијат регионите кои се веќе присоединети кон Москва – Доњецк, Луганск, Запорожје и Керсон.

„Тоа искуство, инаку, би можело да биде од помош доколку кај нас се појават уште нови региони кои се многу блиску“, вели Медведев.

Медведев останува влијателен како претседател на партијата Единствена Русија и заменик-шеф на Советот за национална безбедност на Русија.

Русија, која започна војна против Украина во февруари 2022 година под изговор дека го штити цивилното население на Донбас што зборува руски, досега само делумно ги окупираше четирите региони, но бара нивно предавање од Киев како предуслов за мировни преговори.

Москва постојано се заканува со дополнителни анексии доколку Украина не го прифати барањето.

Младиот Емин Дувњак од Босна и Херцеговина, кој утрово загина во трагичен инцидент на граничниот премин Каменско, најпрвин ја поминал контролата на тој премин, но подоцна побегнал кон Хрватска.

Имено, 22-годишниот доставил документи до граничната полиција. Тие побарале дополнителна проверка, но младиот човек ги оставил документите и побегнал во Хрватска, пренесуваат хрватските медиуми.

На видеото кое е споделено на социјалните мрежи се слушаат два удари, од кои едниот е звукот на пробивањето на рампата. Како што можете да видите на видеото, полицајците побегнале кога сфатиле дека возачот нема намера да запре.

„Ноќта меѓу петокот и саботата, околу 01:50 часот, на граничниот премин со лично возило се приближил маж, државјанин на Босна и Херцеговина, за кој полициските службеници при граничната контрола утврдиле дека не ги исполнува условите за влез во Хрватска. Полициските службеници му наредиле да го паркира возилото на излезната лента за да ја спроведе постапката за одбивање влез во Република Хрватска, по што мажот кој бил сам во возилото одбил да ја испочитува издадената наредба и со возилото побегнал од граница премин во правец на Република Хрватска“, го опишаа текот на настаните од сплитската полиција.

vozač Golfa je probio rampu na ulazu u Bosnu i Hercegovinu i bez zaustavljanja je nastavio kretanje. pic.twitter.com/hJCbtr7nh9

— hercegovina.info (@hercegovinainfo) December 14, 2024

Полициски службеници се обиделе да го сопрат, издале наредба за запирање на возилото, што возачот го игнорирал и продолжил да вози во правец на Триље, а потоа и на Ловриќ.

„Полициските службеници со возила го следеле на безбедно растојание и се обиделе да го спречат, така што возачот во еден момент се вратил на граничниот премин Каменски каде возејќи со голема брзина ја пробил рампата на граничниот премин и продолжил со возење кон граничниот премин на Босна и Херцеговина“, соопшти ПУ на Сплит-Далмација.

Момчето удрило во полициската блокада на делницата Томиславград – Присоје и починало.

Швајцарија планира да инвестира 250 милиони долари во обнова и надградба на својата мрежа на стари нуклеарни засолништа, мрежа која сѐ повеќе се смета за предност во време на растечка глобална несигурност, особено додека продолжува конфликтот во Украина.

Благодарение на законот од 1963 година, Швајцарија е веќе пред соседите како Германија. Секој од нејзините 9 милиони жители, вклучувајќи странци и бегалци, има безбедно место во засолниште кое ќе ги заштити од бомби и нуклеарно зрачење.

„Во наредните години (на Швајцарија), Конфедерацијата сака да отстрани некои работи од сегашните правила и да обнови некои од постарите засолништа“, изјави за Ројтерс Луис-Анри Деларагез, командант на цивилната заштита за кантонот Вауд.

„Тоа не значи дека се подготвуваме за конфликт, тоа не е пораката, но имаме мрежа на засолништа и мораме да ги одржуваме и да се погрижиме да бидат функционални“, додаде тој.

Деларагез, исто така, рече дека неговата канцеларија забележала зголемен број повици од загрижените жители за засолништа откако Русија ја нападна Украина во 2022 година.

„Одеднаш бевме навистина многу барани, а луѓето сакаа да знаат каде се засолништата, каде им е местото, дали нивното засолниште е подготвено…“, рече тој.

Ројтерс пишува дека повеќето Швајцарци имаат приватни засолништа, но некои се потпираат на комунални бункери.

Заедно со Швајцарија, Финска е втора земја по бројот на изградени засолништа во Европа. Во нејзините јавни засолништа можат да се сместат повеќе од 4,5 милиони граѓани од вкупно 5,6 милиони, а по потреба во нив може да се смести и целото население. Финските закони наведуваат дека секоја зграда поголема од 1.000 квадратни метри мора да има засолниште.