Свет
(Видео) Украина доби најмодерно оружје, кое германската војска сè уште го нема
Германија ѝ испорача на Украина најмодерен противвоздушен ракетен систем – кој германската армија – Бундесверот сè уште го нема.
IRIS-T SLM е произведен во Германија и е наменет за заштита на помалите градови и војската. Од вторникот Украина поседува еден од најмодерните системи за воздушна одбрана во светот. Ракетниот систем треба да ја заштити Украина од руски крстосувачки ракети.
Украинскиот министер за одбрана, Алексеј Резников, ја поздрави првата испорака пишувајќи на „Твитер“ дека почнала нова ера во украинската воздушна одбрана и дека слични системи од САД се на пат.
Системот е произведен од компанијата Diehl Defense со седиште во Иберлинген на југот на Германија и е наменет да им обезбеди противвоздушна заштита на малите градови и војската. Погоден е за одбрана од авиони, хеликоптери, беспилотни летала, крстосувачки ракети и балистички ракети.
Секој систем се состои од три возила: ракетен фрлач, радар и интегрирана логистика и поддршка.
Се вели дека проектилите, кои користат инфрацрвено топлинско зрачење за да бараат и идентификуваат цели, имаат дострел од 40 километри и достигнуваат максимална височина од 20 километри. Тие се опремени со радар со дострел од 250 километри. Ракетите може да се постават и во круг од 360 степени околу фрлачот.
Иако овие ракетни системи се во развој од 90-тите и претрпеа неколку модификации, верзијата на IRIS-T SLM испорачана во Украина е сосема нова.
Секој од овие ракетни системи за противвоздушна одбрана чини приближно 140 милиони евра. Конечните тестови на најновата верзија на ракетниот систем биле извршени на крајот на 2021 година. Постарите верзии на системот ги купија Шведска, Норвешка и Египет.
Украина сега го доби првиот од четирите IRIS-T SLM-системи. Остатокот се очекува да ѝ биде испорачан на Украина до крајот на следната година.
Според написот во германскиот неделник „Велт ам зонтаг“, објавен во јули, Украина побарала од германската влада дозвола да купи 11 од овие противракетни системи и финансиска помош за да ги плати – значи околу 1,5 милијарда евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.