Европа
(Видео) Џјинпинг со „Црвено знаме“ до Путин – Луксузен автомобил за Џјинпинг во Москва
Кинескиот претседател Шји Џјинпинг слета денеска на меѓународниот аеродром Внуково, со што започна тридневната посета на рускиот претседател Владимир Путин.
Во моментот на пристигнувањето на Џјинпинг на московскиот аеродром имало возило кое било подготвено да го пречека кинескиот претседател, пренесуваат медиумите.
Xi Jinping llega a #Moscú para reunirse con #Putin
Xi Jinping inicia su visita oficial de tres días que Pekín ha promocionado como un “viaje por la paz” en su intento de jugar a mediador en la guerra.
Detalles en 👉🏻 https://t.co/Xs2cFaESml#China #Rusia #XiJinping #Asia pic.twitter.com/Rr8zkMjnmI
— DescubriendoChina (@Descubre_China) March 20, 2023
Имено, според написите, се работи за луксузен кинески автомобил наречен „Hunci“, кој е производ на кинескиот концерн „FAV“ и е претседателски модел на автомобил.
Првиот автомобил „Хунчи“ е произведен во 1959 година, што го прави најстариот кинески бренд за патнички автомобили.
Зборот „Хунчи“ на кинески значи „Црвено знаме“.
Најпознати модели се „E-HS9“ и три седани „H5“, „H7“ и „H9“, како и „Q“ – автомобил од типот „SUV“.
Серијата L се автомобили од репрезентативна класа, кои се направени по индивидуални нарачки и се користат за големи светски настани.
Овој автомобил е аналог на рускиот претседателски автомобил „Аурус“.
Повеќе од 89.000 луѓе ја следела последната етапа од летот на Боинг 747-89Ј „Ер Чајна“ со кој Џјинпинг пристигна во Москва.
Ова е јасен показател дека интересот за посетата на кинескиот претседател Џјинпинг на Москва ги надминува сите очекувања, се наведува во новинарските извештаи.
Очите на целиот свет, како што стои во написите, се вперени кон кинескиот лидер, а неговата посета започнува во моментот кога Меѓународниот кривичен суд во Хаг го обвини рускиот претседател Владимир Путин за киднапирање и исчезнување на 17.000 украински деца.
Поради ова е распишана потерница за негово апсење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.