Европа
Нови санкции од САД, експлозии во Киев
Седми ден од руската инвазија на Украина.
Руските напади врз украинските градови продолжуваат. Руските војници влегоа во Херсон, а во текот на ноќта продолжија нападите врз Харков и предградијата на Киев.
Украинските новински агенции објавија снимки во кои се наведува дека ги прикажуваат последиците од синоќешните борби во градот Бородинка кај Киев.
Во текот на ноќта рекетиран бил и Житомир, а ракетите, како што соопшти Украина, наместо во соседниот аеродром, погодиле куќи, при што загинале четири лица, меѓу кои и едно дете.
Денеска е нов ден за преговори.
Клучни настани:
Русија објави дека нивната војска го освоила Херсон, најголемиот град досега;
Преговорите меѓу Русија и Украина треба да продолжат денеска;
Нов ракетен напад врз Харков, погодена е главната полициска зграда, најмалку 4 лица загинале;
Руски падобранци слетаа во Харков и нападнаа воена болница, соопшти Украина;
Обраќајќи ѝ се на нацијата, Бајден порача дека Путин не знае што го чека и дека руските авиони повеќе нема да летаат над САД;
Градот Житомир бил гранатиран, четири лица загинаа, меѓу кои и едно дете;
Голем руски конвој пристигна на околу 25 километри од Киев.
❗️Наслідки боїв у місті Бородянка Київської області.
Без бою брати українські міста не виходить, тому їх перетворюють на руїни. pic.twitter.com/GnEhVK0kXo
— Ukrinform (@UKRINFORM) March 2, 2022
Најнови настани од минута во минута:
22:30 Шевченко: Не знам дали да заминам во војна или да продолжам да помагам од далечина
„Многу сум горд што сум Украинец. Ова се тешки времиња за мојата земја, мојот народ и моето семејство. Мајка ми и сестра ми и натаму се во Киев, а таму се случуваат страшни работи“, вели од Лондон легендарниот напаѓач на украинската репрезентација и нејзин поранешен селектор
22:14 Херсон сепак е под руска контрола?
Градоначалникот на Херсон, на југот од Украина, во објава на „Фејсбук“ сугерираше дека градот е под руска контрола.
21:51 Нови информации за напади на Киев
Руски проектили наводно целеле на украинското Министерство за одбрана, но противвоздушната одбрана запрела проектил чии остатоци паднале во близина на железничката станица.
21:47 САД воведуваат нови санкции за Русија
„Новите санкции ќе ја опфатат Белорусија, имајќи предвид дека Вашингтон ја смета за одговорна за овозможување на инвазијата на Украина“, соопшти Белата куќа.
21:40 (Видео) Украина ги повика мајките на заробените руски војници да дојдат по нив
Украинската армија денеска ги повика мајките на руските војници заробени на украинска територија да дојдат по нив, наведувајќи дека од почетокот на руската инвазија на земјата биле заробени десетици војници, пренесува „Ал Џазира“.
21:20 Жители на гранатираниот Харков: Улиците се полни со загинати, Путин и Лавров се бандити
„Бомбардираа станбена зграда, истрелаа ракети кон неа. Многу цивили загинаа. Имам видео снимки од најмалку четири мртви луѓе кои лежат на земја“, изјави Виталиј Рибас, жител на Харков. „Покрај нас лежи мртво лице. Лавров и Путин се бандити. Тие треба да бидат изведени пред лицето на правдата“, додаде тој.
20:15 Русија: Ќе разговараме со Украина за прекин на огнот
Прекинот на огнот ќе биде на дневен ред на новите руско-украински преговори кои треба да се одржат рано наутро, соопштиja руските претставници.
19:30 Русија тврди дека загинале околу 500 нејзнини војници, според Украина тој број е 7.000
Руското Министерство за одбрана денеска соопшти дека за време на специјалната воена операција во Украина загинале 498 руски војници, а 1.597 се ранети
18:17 Генералното собрание на ОН усвои резолуција со која се осудува нападот врз Украина
За резолуцијата гласаа 141 од 193 членови на Генералното собрание, пренесува „Ројтерс“.
Mеѓу државите кои ја поддржаа резолуцијата е Македонија, но и Србија.
17:34 Белорусија ја објави локацијата за втората рунда преговори
Белоруското министерство објави слики од т.н „Ловечка куќа“ и тврди дека таму ќе се одржи втората рунда преговори меѓу Русија и Украина.
⚡️??????“Hunter’s house” is ready to host second round of Russia-Ukraine negotiations pic.twitter.com/RkPVHBbAEF
— Belarus MFA ?? (@BelarusMFA) March 2, 2022
Советник на украинскиот претседател за украинската телевизија изјави дека разговорите ќе се одржат, додавајќи: „Мислам дека работите ќе останат исти. Ништо нема да се промени. Ние ќе се држиме до нашиот став“.
17:30 Украина: Убиени 21 дете, 55 ранети
Украина извести дека од почетокот на инвазијата загинале 21 дете, а 55 се повредени.
Оваа информација ја објави украинската правобранителка.
Украинските безбедносни служби претходно соопштија дека во Украина досега се убиени повеќе од 2.000 луѓе.
17:23 Министер на Луксембург: Русите треба да го убијат Путин
„Не треба да им кажуваме на луѓето дека дипломатски ќе успееме да направиме пресврт со Путин како претседател“, вели министерот за надворешни работи на Луксембург, Жан Аселборн.
16:21 Руските власти велат замрзнувањето на „Северен тек 2“ неповратно ќе им наштети на односите
Руското Министерство за надворешни работи соопшти дека одлуката на Германија за замрзнување на сертификацијата на гасоводот „Северен тек 2“ е неприфатлива и ќе предизвика непоправлива штета на нивните билатерални односи.
16:19 Руската делегација тргнала на преговори?
Руската делегација тргнала на преговори со украинската страна, јави белоруската новинска агенција „Белта“, додавајќи дека локацијата и натаму е непозната за медиумите.
Официјални лица од градот Мариупол, во југоисточна Украина, недалеку од границата со Русија, велат дека стравуваат од голем број жртви по повеќечасовното руско гранатирање.
15:40 Проектил погоди училиште во Харков
Украинскиот Парламент објави слика на Твитер на која се гледа училиште во Харков погодено од проектил.
15:35 Русите ги опколија клучните градови во Украина
Руските сили во Украина ја засилија опсадата на клучните градови, вклучително и главниот град Киев и јужното пристаниште Мариупол, откако градоначалникот им кажа на жителите дека добил ултиматум да се предаде или градот ќе биде уништен со гранатирање.
15:30 Псаки: САД ќе вложат уште напори за да го казнат Путин
Глобалното единство на НАТО и другите земји има за цел да го повика претседателот Путин на одговорност, изјави портпаролката на Белата куќа, Џен Псаки, наведувајќи го воведувањето санкции и други најавени потези, пренесува Си-Ен-Ен.
15:29 Украински тенисер со закана до Путин: Ќе ти танцувам на гробот!
Тој облечен во воена униформа се појави во емисијата „Добро утро Британија“ и му порача на Владимир Путин дека ќе танцува на неговиот гроб.
15:25 Руските судии добија црвен картон од УЕФА
Европската фудбалска унија (УЕФА) воведе нови снкции кон Русија. Откако, попушти под притисокот и ги суспендираше клубовите и репрезентацијата од меѓународните натпревари, УЕФА воведе уште една санкција.
УЕФА им „покажа“ црвен картон на руските судии.
15:20 Во ЕУ почна забраната за емитување на „РТ“ и „Спутник“
Советот на ЕУ одлучи од денеска да ја прекине дистрибуцијата на руските државни медиуми „Русија денес“ и „Спутник“ на територијата на цела ЕУ.
14:55 САД ќе додадат уште богати Руси на листата на санкции
Соединетите Држави се подготвуваат да ги прошират санкциите воведени против руските олигарси, нивните компании и членови на семејствата поради рускиот напад врз Украина, објави денеска Вашингтон пост, повикувајќи се на три лица запознаени со мерките.
14:45 Свадба во болница во Киев
❗️In #Kyiv, doctors decided to get married right in the hospital pic.twitter.com/IfUD928PrI
— NEXTA (@nexta_tv) March 1, 2022
14:40 Реакции за новата насловна страница на „Шарли Ебдо“ – на удар рускиот претседател
Насловната страница се однесува на тековната руска инвазија на Украина Која влезе во седмиот ден, а на неа е мајмун со ликот на рускиот претседател Владимир Путин, чија урина капнува на нуклеарно копче, додека траат стравувањата за можен нуклеарен конфликт.
?Charlie Hebdo magazine will be released with this cover tomorrow pic.twitter.com/crJ1MZ1MVX
— NEXTA (@nexta_tv) March 1, 2022
14: 29 Украина: Досега 2.000 цивили се убиени во руската инвазија
Украинските власти соопштија дека досега се убиени повеќе од 2.000 цивили во руската инвазија која започна пред речиси една недела.
Украинската амбасада во Турција ја објави бројката, цитирајќи ја Државната служба за итни случаи на Украина.
14:00 Нов напад на Харков: Погодена зградата на локалниот градски совет
Руски крстосувачки проектил ја погоди зградата на локалниот градски совет во Харков. Оваа вест ја потврди заменик-гувернерот на регионот Роман Семенука.
?RUSKA INVAZIJA / U #Kharkivu, okupatori uništavaju zgradu gradskog vijeća ⤵️ #Kharkiv #BREAKING #Ukriane #UkraineRussiaConflict pic.twitter.com/IErc7uDDYx
— Dnevni avaz (@DnevniAvaz) March 2, 2022
13:57 Бегалците од Украина добиваат право на престој и работа во ЕУ до три години
Европската комисија предложи активирање на Директивата за привремена заштита на украинските бегалци.
Со тоа ќе се овозможи издавање дозволи за престој, право на работа, социјална и здравствена заштита и образование. Претседателката на ЕК, Урсула фон дер Лајен изјави дека секој што бега од бомбите на Путин е добредојден во Европа.
„Ќе обезбедиме заштита за оние кои бараат засолниште и оние кои бараат безбеден пат до дома“, изјави фон дер Лајен.
13:55 Русија: Исклучувањето на сателитите е причина за војна
Русија ќе го разгледа хакирањето на кој било од нејзините сателити како оправдување за војна, изјави шефот на руската вселенска агенција, два дена откако претставник на НАТО рече дека сајбер напад врз земја-членка може да го покрене член 5, клаузулата за колективна одбрана на членка на НАТО.
13:45 Киев потврди: Преговорите продолжуваат вечерва
Втората рунда преговори меѓу Русија и Украина ќе се одржи вечерва, потврди денеска советникот на шефот на кабинетот на украинскиот претседател Алексеј Арестович. Според него, делегациите на двете страни ќе останат непроменети.
Претходно, портпаролот на Кремљ, Дмитриј Песков, најави можност за продолжување на разговорите вечерва.
13:22 (Видео) Маж вее украински знамиња пред руските тенкови во Керсон
Откако Русите објавија дека го зазеле Керсон, најголемиот град досега, на „Твитер“ се појави видео на кое се чини дека маж вее украински знамиња пред руските тенкови.
13:15 Русите тврдат дека ја окупирале најголемата нуклеарна централа во Украина
Руските сили сега ја контролираат најголемата нуклеарна централа во Украина, изјави шефот на Меѓународната агенција за атомска енергија (МААЕ), цитирајќи информации од Москва.
12:55 Нека се подготви Одеса: Дали Русите го подготвуваат најголемиот десант во оваа војна?
Генералштабот на вооружените сили на Украина информираше дека Русија подготвува поморски десантни операции во Црното Море.
12.54 Објавено е видео на кое се гледа дека руските војници влегле во Керсон
Додека Русите упорно тврдат дека го зазеле Керсон, Украинците тоа го демантираат, но на видео објавено на Јутјуб, а кое го објави и Би-Би-Си, се гледа руската војска во центарот на градот
12:50 „Визер“ нуди бесплатни летови за украинските бегалци
„Визер“ објави дека ќе ги поддржи украинските бегалци со тоа што ќе им понуди 100.000 бесплатни места на сите летови на континентална Европа што поаѓаат од граничните земји на Украина (Полска, Словачка, Унгарија, Романија).
Од компанијата велат дека се посветени да им помогнат на бегалците да стигнат до крајните дестинации, каде и да е тоа. Како што наведуваат, веќе додадени се поголеми авиони и дополнителни летови од граничните земји кон Европа за да помогнат во поддршката на движењето на бегалците доколку е потребна.
12:40 САД: Руските трупи намерно ги саботираат сопствените возила за да избегнат борби
Тие се предаваат поради слабиот морал и недостигот на храна и гориво, а некои намерно ги саботираат сопствените возила за да избегнат да се борат со Украинците, изјави денеска за Њујорк Тајмс висок функционер на Пентагон.
12:20 Кличко: Ќе се бориме за секој плоштад, за секоја улица во Киев
„Стоиме пред една од најсилните армии во светот. Волјата да бидеме независни е врвен приоритет за нас. А ние ги браниме нашите семејства, нашиот град, нашата земја и нашата иднина“, изјави поранешниот светски шампион во тешка категорија во бокс.
12.15 Песков: Русија е подготвена да ги продолжи преговорите вечерва
„Нашата делегација ќе биде таму доцна попладне. Ќе ги чекаат украинските преговарачи. Нашата делегација ќе биде подготвена да го продолжи разговорот вечерва“, рече Песков.
Протерувањето на 12 дипломати од ОН го сметаме за намерна и цинична ескалација на руско-американските односи, што беше испровоцирано од Вашингтон со кршење на неговите обврски – напиша Захарова
Ги координираме новите санкции против Русија поради нејзината варварска агресија врз Украина, како и чекорите да ги затвориме сите дупки и да не оставиме на Русија никакви шанси да ги заобиколи сегашните и идните санкции
11.58 Дали Лукашенко случајно откри уште една цел на Путин?
Белорускиот претседател и најголем сојузник на Путин, Александар Лукашенко, вчера се обрати во живо пред Советот за безбедност преку видео врска. Лукашенко застана пред мапата и употреби стап за да го прикаже планираното движење на војниците и цели во Украина
11.55 Алексеј Навални ги повикува Русите секојдневно да протестираат против војната
Рускиот опозициски лидер Алексеј Навални, кој е во затвор во Русија, ги повика Русите да организираат секојдневни протести против воената кампања на Москва во Украина
11:50 ЕУ наметнува нови санкции кон Белорусија
Дипломатите на Европската Унија одобрија нови санкции против Белорусија поради нејзината поддршка во руската инвазија на Украина.
Се наведува дека санкциите особено ќе влијаат на некои економски сектори, оние поврзани со дрвото, челикот и калиумот.
11:48 Лавров: Третата светска војна ќе биде нуклеарна и деструктивна
Рускиот министер за надворешни работи Сергеј Лавров денеска изјави дека Третата светска војна ќе вклучи нуклеарно оружје и ќе биде деструктивна, како и дека Русија нема да дозволи Украина да се здобие со нуклеарно оружје.
11:20 Невооружени Украинци го блокираат влезот во градот со најголемата нуклеарна централа во Европа
Невооружените жители на Енерходар, град во југоисточна Украина, го блокираат влезот во градот од руски војници, вели градоначалникот Дмитриј Орлов. Енерходар е дом на Запорожје, најголемата нуклеарна централа во Европа.
11:10 Украина објави податоци: убиени 5.800 Руси, уништени 200 тенкови, куп возила
Украинските власти објавија нов извештај за руските жртви и загуби. Украинците тврдат дека руската страна во конфликтот досега загубила најмалку 5.840 војници.
11:06 Навални од затвор: Ако сакаме крај на војната, треба да ги наполниме затворите со сопствените тела
Противникот на рускиот претседател, опозиционерот Алексеј Навални кој моментално се наоѓа во руски затвор, на Твитер објави преглед на војната во Украина и ситуацијата во Русија.
„ Не можеме да бидеме кукавици кои се преправаат дека не ја гледаат агресивната војна на лудиот император. Ние – Русија – сакаме да бидеме нација на мирот. За жал, малкумина можат да нè наречат така сега. Но, во најмала рака можеби нема да станеме нација на исплашени, замолчени луѓе. Кукавици кои се преправаат дека не ја забележуваат агресивната војна што ја водат луд цар против Украина“, напиша Навални.
Русија и Украина најверојатно нема да одржат втор круг разговори во Белорусија во среда, изјави извор за Интерфакс.
Децата кои избегаа од конфликтот во Украина се снимени како ја минуваат границата со мајките на пешаците, за да се обединат со своите семејства, роднини и пријатели од другата страна.
10.20 Украина: Руските сили постојано го гранатираат Мариупол
Руските сили континуирано го гранатираат пристаништето Мариупол во југоисточна Украина, соопштија украинските власти
10.15 Би-Би-Си: Зошто окупацијата на Керсон е важна за Русија?
Контрола на Керсон значи и контрола на голем извор на вода. Украина го блокираше северниот дел на Кримскиот канал откако Русија го окупираше полуостровот Крим, така што најголемиот дел од снабдувањето со свежа вода за Крим беше прекинато, што предизвика недостиг на вода во анектираниот регион
10:10 Британскиот министер за одбрана: Инвазијата на Путин во Украина ќе стане брутална
Инвазијата на рускиот претседател Владимир Путин на Украина ќе стане уште побрутална, изјави британскиот министер за одбрана Бен Валас.
09: 30 Спречен атентат врз Зеленски, Чеченцитe онеспособени
Според странските медиуми, елитните единици на чеченската паравојска се обиделе да го убијат Зеленски, а нивниот обид бил спречен.
09:20 Зеленски: 6000 Руси загинаа, не можат да не победат со нивните бомби и ракети
Украинскиот претседател Володимир Зеленски и се обрати на украинската јавност на седмиот ден од инвазијата.
09:15 Украинец снимал тенк од зграда, подоцна тенкот пукал кон станот од каде се снимало видеото
Агенциите пренесуваат видео во украинскиот град Бороѓанка на кое, како што пишуваат, се прикажани сите ужаси на војната во оваа земја. На видеото објавено на социјалните мрежи се гледа како камерманот, за кој се тврди дека е цивил, снима руски тенк додека минува низ градските улици.
09.10 Украинско МНР: Русите уништија родилиште – ако ова не е геноцид, што е?
Министерството наведува дека уништеното родилиште е последица на рускиот напад. – Ако ова не е геноцид, што е тоа? – се наведува во соопштението
09.05 САД: Го затвораме американското небо за сите руски летови
САД воведуваат забрана за летање на руски авиони во американскиот воздушен простор, како одмазда за руската акција во Украина, изјави американскиот претседател Џозеф Бајден
09.00Московската полиција приведе пет деца додека протестираа против војната
Московската полиција приведе пет деца на возраст од 7 до 11 години додека тие и нивните родители протестираа против руските напади врз Украина
08:55 Путин ги преместува членовите на семејството во нуклеарен бункер во Сибир, тврди политиколог
Според руски политиколог претседателот Владимир Путин во последните денови ги преселува членовите на семејството во „подземен град“ во Сибир.
08: 40 Бајден направи нов гаф: Украинците станаа Иранци
Американскиот претседател Џозеф Бајден за време на годишното обраќање пред Конгресот за состојбата на нацијата направи гаф кој ги разбранува социјалните мрежи. Зборувајќи за ситуацијата во Украина, тој ги помеша Украинците со Иранците, пишуваат медиумите.
08.30Руско Министерство: Го окупиравме Керсон
Руското Министерство за одбрана соопшти дека нивните војници го окупирале јужниот украински град Керсон, пренесе Би-Би-Си.
08.25Драматично обраќање на Бајден до нацијата: Путин не е свесен што му следи
„Војната на Путин беше однапред испланирана и неиспровоцирана. Тој ги отфрли тековните дипломатски напори. Мислеше дека Западот и НАТО нема да одговорат. И мислеше дека може да не подели. „Путин згреши, ние останавме обединети“, рече Бајден во едночасовното обраќање пред Конгресот
08.22 Неизвесно е дали ќе има нови преговори меѓу Украина и Русија
Нова рунда преговори меѓу делегациите на Украина и Русија се очекува денеска на територијата на Белорусија, во нејзината западна област на шумата Бјаловиеза, дознава ТАСС. Сепак, сè уште ништо не е сигурно за овој настан, како што беше случајот со преговорите на 28 февруари во регионот Гомел во Белорусија.
08:20 Во гранатирањето на Харков загинаа 21 лице, а 112 се ранети
Најмалку 21 лице загина, а 112 се ранети во гранатирањето на градот Харков во источна Украина во последните 24 часа, изјави регионалниот гувернер Олег Синехубов, пишуваат украинските агенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Речиси 800 останки од бебиња пронајдени во септичка јама во ирски дом за невенчани мајки и бебиња управуван од калуѓерки
Екипи во Ирска почнаа со работа оваа недела на ископување на местото на поранешен дом управуван од црква за невенчани жени и нивните бебиња за да ги идентификуваат остатоците од речиси 800 доенчиња и мали деца што починале таму.
Според властите, многу од остатоците биле пронајдени во септичка јама, објави „Фокс 11“.
Домот „Бон Секурс“ во Туам, во западна Ирска, кој бил управуван од ред на католички калуѓерки и затворен во 1961 година, бил една од многуте такви институции во кои биле сместени десетици илјади сирачиња и невенчани бремени жени, кои биле принудени да се откажат од своите деца во текот на поголемиот дел од 20 век.
Во 2014 година историчарката Кетрин Корлес пронашла посмртници за речиси 800 деца, кои починале во домот во Туам помеѓу 20-тите и 1961 година, но можела да најде запис за погреб само за едно дете.
Истражителите подоцна пронајдоа масовна гробница со остатоци од бебиња и мали деца во подземна канализација на земјиштето на домот. ДНК-анализата покажа дека возраста на починатите се движела од 35 недели стари плодови до 3-годишни деца.
Обемната истрага во домовите за мајки и бебиња покажа дека вкупно 9.000 деца починале во 18 дома за мајки и бебиња, а главните причини вклучуваат респираторни инфекции и гастроентеритис, познат и како стомачен грип.
Сестрите што го водеа домот во Туам понудија длабоко извинување и признаа дека не успеале да го заштитат вроденото достоинство на жените и на децата сместени таму.
„Тоа е многу, многу тешка, потресна приказна и ситуација. Мораме да почекаме да видиме како ќе се одвива сега како резултат на ископувањето“, рече ирскиот премиер Мајкл Мартин во понеделникот.
Даниел Мексвини, кој ја води ексхумацијата на останките од бебињата во Туам, рече дека преживеаните и членовите на семејствата ќе имаат можност да ги видат работите во наредните недели.
„Ова е уникатно и неверојатно комплексно ископување“, рече тој.
Форензичките експерти ќе ги анализираат и ќе ги конзервираат останките пронајдени на локацијата. Сите идентификувани останки ќе им бидат вратени на членовите на семејството во согласност со нивните желби, а неидентификуваните останки ќе бидат погребани со достоинство и почит, соопштија официјални лица.
Се очекува работите да траат две години за да се завршат.
Европа
Финските медиуми објавија сателитски снимки: „Русите градат воен град во близина на нашата граница“
Нови сателитски снимки добиени од финскиот медиум Yle покажуваат дека Русија минатата зима почнала обемни градежни работи во затворен воен град преку границата од финска Лапонија.
Извршени се обемни ископувања и изградени се неколку нови згради во гарнизонот Лупче-Савино, кој е дел од градот Кандалакша. Според администрацијата на регионот Мурманск, се гради воен град за нова артилериска бригада и нејзиниот персонал. Покрај тоа, Русија планира да смести барем дел од инженерска бригада на локацијата.
Според Yle, во последните години руската војска го користела ова подрачје само за складирање.
Досега не се објавени информации за градежните работи во гарнизонот Лупче-Савино надвор од Русија.
Сателитски снимки добиени од Yle исто така откриваат промени на руските воени локации. Новата опрема е особено видлива во гарнизонот Сапјорное, кој се наоѓа во поранешната општина Сакола. Покрај тоа, Русија продолжи со воените подготовки во Петрозаводск, најголемиот град во Република Карелија.
Русија сега може да ги зајакне силите на својата источна граница
Според Yle, Русија има две причини за зголемување на воената активност во близина на Финска.
Првата и поитна причина е обука на воен персонал и сервисирање постара опрема за да може да се користи во војната во Украина, што е очигледно од претходните наоди на Yle врз основа на сателитски снимки, како што се евакуацијата на гарнизонот Алакурти, изградбата на складишта во Алакурти и Петрозаводск и поставувањето голем шаторски камп на Карелиската Теснина.
Russia builds up military forces near the borders of Finland and Estonia
🔵 According to The New York Times, Russia is increasing its military presence near NATO borders in Finland and Estonia. Satellite images confirm that Moscow is building new military infrastructure,… pic.twitter.com/KR2rVvLlFx
— Sprinter Observer (@SprinterObserve) May 19, 2025
Спротивно на тоа, новите сателитски снимки од Лупча-Савина добиени од Yle се доказ за нов развој: Русија сака трајно да ги зајакне своите сили веднаш до финската граница.
Според еден воен експерт, обемот на градежниот проект покажува дека Русија чувствува потреба да ја зајакне својата војска во регионот.
„Доколку единствената цел беше да се испратат сили во Украина, секако немаше да има потреба од таква инфраструктура таму“, вели Марко Еклунд, кој ги анализира сателитските снимки за Yle. Пензионираниот мајор Еклунд имаше долга кариера во финската воена разузнавачка служба и ги следи руските вооружени сили повеќе од 20 години.
Двете бригади во Лупче-Савино ќе донесат малку повеќе од 2.000 војници во областа, проценува Еклунд. Гарнизонот Лупче-Савино се наоѓа во северозападниот дел на градот Кандалакша, околу 110 километри од финската граница. Кандалакша е клучна сообраќајна точка на врвот на Белото Море, а Лупче-Савино е затворена административна област – воен град до кој може да се пристапи само со посебна дозвола.
Сателитските снимки покажуваат дека е исчистен дел од шумата во должина од 1,4 километар и дека се извршени ископувања. Пред тоа, старите згради веќе биле срушени, а новите биле изградени во текот на изминатата зима.
Според планот за изградба, во областа треба да се изградат десетина нови згради, од кои ниедна нема темели на најновите сателитски снимки. Еклунд истакнува дека стратешката важност на областа за Русија е очигледна – токму во Кандалакша руската територија е најтесна, а растојанието од финската граница до Белото Море е кратко, што Русија го смета за ризик.
„Доколку овој тесен премин се изгуби во некоја ситуација, копнената врска помеѓу полуостровот Кола и руската Северна нуклеарна подморничка флота со остатокот од Русија би била прекината“, вели Еклунд. „На снимката изгледа како таму да има барем редови камиони“, додава тој.
Нова воена опрема на Карелиската Теснина
Сателитските снимки од Yle исто така покажуваат промени во гарнизонот Сапјорное на Карелиската Теснина, на 70-ина километри од финската граница.
Промените почнаа минатиот ноември, но зимските сателитски снимки се со слаб квалитет, па затоа за споредба беше избрана постара снимка. Разновидноста на опремата во Сапјорное укажува на инженерска сила, а Еклунд верува дека најголемите возила се понтонски мостови. „Тоа е како двор за изнајмување градежна опрема, со секакви машини“, вели Еклунд.
Развојот на настаните во Сапјорное може да се поврзе со поголемиот гарнизон во Каменка, 50-ина километри југозападно од Сапјорное. Русија надградува моторизирана пешадиска бригада во Каменка во дивизија. Руската бригада обично има речиси 4.000 војници, а дивизијата има нешто помалку од 10.000.
At the same time, Russia is expanding its existing brigades into divisions and bringing entirely new troops into Finland’s neighboring regions. For example, the 138th Guards Motor Rifle Brigade from Kamenka was recently transformed into the 69th Motor Rifle Division. 3/ pic.twitter.com/B7qRKCg2U9
— Emil Kastehelmi (@emilkastehelmi) May 2, 2025
„Како што расте бројот на војници во Каменка, може да стане неопходно да се отвори втор гарнизон. Тој втор би можел да биде Сапјорное бидејќи има стара воена инфраструктура и добри полигони за обука“, вели Еклунд.
Русија основа армиски корпус во Карелија
Како дел од своето засилување во близина на Финска, Русија основа сосема нов 44-ти армиски корпус во Република Карелија, што во пракса значи речиси 15.000 дополнителни војници зад нејзината источна граница. Значителен дел од опремата на корпусот веројатно доаѓа од голем магацин во Петрозаводск, каде што е достапен поголемиот дел од опремата.
Во магацинот се сместени стари советски оклопни возила, артилерија, камиони и друга специјална опрема. Опремата веројатно е обновена во салите на магацинот, а потоа е испратена со железница за поддршка на војната во Украина. Најновите снимки покажуваат дека количината опрема повторно се зголемува, со тоа што е завршена четвртата нова сала за опрема.
Според администрацијата на Република Карелија, во Петрозаводск е формирана и бригада на железнички трупи, а нејзината команда и еден баталјон – неколку стотици војници – веќе се во функција.
Even though the Russians have moved some equipment from the Petrozavodsk storage site during the full-scale invasion, it’s far from empty.
Similar halls have also been constructed a bit further north, in Alakurtti, home for the 80th Separate Arctic Motor Rifle Brigade. 9/ pic.twitter.com/3Ep99LX729
— Emil Kastehelmi (@emilkastehelmi) May 2, 2025
Воспоставувањето на штабот во Петрозаводск значи дека воените операции сега се насочуваат сè поблиску до финската граница.
Повеќекратното зголемување на бројот на тенкови во близина на Финска од страна на Русија го оправдува нејзиното воено засилување во близина на финската граница со пристапувањето на Финска и Шведска во НАТО.
Минатата година Русија го воспостави Ленинградскиот воен округ веднаш зад финската граница. Покрај создавањето нов армиски корпус, засилувањето на трупите е видливо и во претворањето на бригадите од регионот на Санкт Петербург во дивизии, со што се удвои или дури и тројно се зголеми бројот на персоналот.
Пред инвазијата на Украина, Русија имала приближно 30.000 војници во областа на сегашниот Ленинградски воен округ, но Еклунд проценува дека според сегашните планови, во иднина би можело да има речиси 100.000. Тој додава дека единиците распоредени во близина на Финска пред војната во Украина имале помалку од сто главни борбени тенка.
Доколку Русија целосно ги спроведе своите планови, тој број набргу би можел да се зголеми многукратно.
Европа
Кинеските компании ја престигнуваат германската индустрија во традиционално силните сектори
Германската индустрија ја губи трката од кинеската конкуренција, а високите трошоци за енергија се нејзина најголема пречка, предупредуваат економистите и експертите од индустријата.
Германскиот извоз се намали за 1,7 процент минатата година, според статистиката, на речиси 1,65 милион милиони евра.
Вредноста на кинескиот извоз во странство се зголеми за 7,1 проценти минатата година, на 25,4 билиони јуани (3,04 милион милиони евра).
Кинеските компании водат жестоки ценовни војни на својот домашен пазар, а нивниот вишок капацитет претставува значителна закана за германската индустрија, предупредуваат економистите и експертите.
„Кинеските конкуренти го намалуваат јазот и се сè поактивни во сегментите на производи и индустриските сектори во кои германската индустрија традиционално била многу силна“, вели Филип Боинг, економист и професор по емпириско истражување на иновациите на Универзитетот „Гете“ во Франкфурт.
Во области, како што се дигитализацијата и генерираната вештачка интелигенција, кинеските компании „во некои случаи веќе ги надминаа технолошките можности на германските конкуренти“, додаде Боинг.
Германското индустриско производство е во опаѓање веќе десет години, предупредува Јенс Бурхарт, експерт за индустријата и партнер во меѓународната консултантска куќа BCG.
Според Бурхарт, енергетски интензивните сектори, како што е производството на основни хемикалии, се изложени на најголем ризик.
Високите трошоци за енергија исто така го загрозуваат автомобилскиот сектор и се главната причина за слабеењето на конкурентноста на германските компании, нагласува тој.
„Германските производители (на автомобили) ќе ја задржат својата сегашна позиција ако изградат позиција во сегментот на електрични погонски системи, што може да се совпадне со нивната традиционална позиција во сегментот на мотори со внатрешно согорување“, рече тој.
Покрај хемискиот и автомобилскиот сектор, сè пожестоката кинеска конкуренција исто така им дише во вратот на германските компании во сектори, како што се машинството и електроиндустријата, сметаат во BCG.
ПРП терапијата за пациентите од пожарот во „Пулс“ е достапна во Кочани, нема да мора да патуваат до Скопје
Десет лица повредени во трагедијата во „Пулс“, за првпат во болницата во Кочани, биле третирани со ПРП терапија (плазма збогатена...
Сообраќајна расправија причина за бодењата со нож во Чаир, повредени тројца меѓу кои и малолетник
Скопското обвинителство победе постапка против 18-годишно момче за инцидентот што се случи синоќа во Чаир. Од тука информираа дека постапка...
Одбраната побара ослободителни пресуди за Кешишев, Манев, Видевски и Ѓорчевски за убиствата на Вања и Панче
Одбраната побара ослободителни пресуди за Влатко Кешишев, Велибор Манев, Боре Видевски и Александар Ѓорчевски за убиствата на Вања и Панче....
(Видео) Нов напад на Израел врз Иран
Израелската армија соопшти дека Техеран повторно е нападнат. Израелските одбранбени сили (ИДФ) објавија дека нивните воздушни сили напаѓаат воени цели...
Преспанци ќе добијат можност сами да предложат како да се уредат 30 локации на кои досега на диво трупаа ѓубре
Купишта ѓубре безмалку на секоја улица и силна смрдеа ги пречекуваат и оние малкумина туристи што ќе одлучат да ја...
Новиот министер за хаосот со паркингот на Клинички: Имаме идеи, сè уште немаме решение
Краткорочно имаме идеи, сè уште немаме решение, но работиме на тоа и веруваме дека за кратко време ќе бидете известени,...
Молк од државата за барањата за отстранување на новиот хотел на Горица, реагира „Фронт 21/42“
Законите не важат во Охридскиот Регион. Прекршувајќи го и Законот за постапување по претставките и предлозите, по претставката со која...
Од денес до петок – пороен дожд, грмежи и засилен ветер
Од денес до петок во попладневните и во вечерните часови ќе биде нестабилно со пороен дожд, грмежи и засилен ветер,...
Шефот на иранската атомска енергија: Нуклеарните централи се во добра состојба и покрај нападите
Иранските државни медиуми денес објавија неколку кратки изјави од страна на службеници задолжени за нуклеарната и за енергетската инфраструктура. Шефот...
Арсовска: Не биди ѓубре, не биди криминалец, не биди Јулијана
Ако се прашувате зошто со месеци и години има проблеми со собирање на комуналниот отпад во Скопје, одговорот е поради...
Евакуирани првите македонски државјани од Израел
Министерството за надворешни работи и надворешна трговија информира дека првата група македонски државјани, кои побараа евакуација од територијата на Израел,...
МОН го зголемува бројот на ученици во средните стручни училишта
МОН го зголемува бројот на упис на ученици во средните стручни училишта. Од речиси 28.000 места во учебната 2025/2026 година...
Филипче за Мицкоски: Слаб говор, лоши пораки
Лидерот на СДСМ, Венко Филипче, оцени дека премиерот Христијан Мицкоски, на 35-годишнината од основањето на ВМРО-ДПМНЕ, имал слаб говор и...
Мицкоски: Сите функционери во нашата партија мора да бидат свесни дека ова што го работиме не е лична игра, туку служба
ВМРО-ДПМНЕ е продолжение на историското ВМРО, основано во 1893 година, кога нашиот народ, иако под туѓи потчинувања и под притисоци,...
Уште еден случај на семејно насилно – скопјанец со возило се обидел да ја прегази сопругата, па ја истепал
Уште еден случај на семејно насилство во Скопје, сопруг се обидел да ја прегази сопругата со автомобил, кога не успеал,...
Трамп: Нема да го убиеме иранскиот лидер, барем не засега
Претседателот на САД, Доналд Трамп, објави низа пораки на социјалните мрежи во врска со Иран, вклучувајќи една во која бара...
Кремљ: Руската понуда сè уште е на маса, но Израел засега не е заинтересиран за мирно решение
Кремљ изјави дека гледа дека Израел не сака посредништво во конфликтот со Иран, кој влегува во својот петти ден по...
40-годишен скопјанец ја истепал мајка си: со тупаници ја удирал по лицето и телото и ја гризел, предложен притвор
Основното јавно обвинителство Скопје поведе постапка против 40-годишен скопјанец за кого постои основано сомнение дека извршил кривично дело – Телесна...
Шефицата на американската разузнавачка служба: Иран не гради нуклеарно оружје; Трамп: Не ме интересира што кажала
На летот при враќањето од самитот на Г7 во Канада американскиот претседател Доналд Трамп повторно инсистира дека Иран е многу...
Опасна најава од Израел: „Ќе видите некои изненадувања што операцијата со пејџерите ќе ви се чини едноставна“
Израел сè уште има некои изненадувања во ракавот во борбата против Иран, изјави израелскиот амбасадор во САД, Јехиел Лајтер. Тој...
