Свет
Во САД уапсен 71-годишник поради 100 обвиненија за силување деца
Во американската сојузна држава Луизијана уапсен е 71-годишен маж поради 100 обвиненија за сексуална злоупотреба на деца. Тој е обвинет за силување деца во својот роден град и околината, кои ги извршил пред неколку децении, објави Си-ен-ен.
Харви Џозеф Фонтејн е уапсен осум дена откако едната од наводните жртви, сега веќе возрасна личност, им рекла на властите дека Фонтејн ја силувал кога била дете, соопштиле од канцеларијата на шерифот во округот Рапидес Периш.
Истражителите собрале докази кои ги поддржуваат тврдењата на жртвите.
„Силувањата наводно се случиле од 1970 до раните 1980-ти години, а во секој случај на сексуална злоупотреба, детето било помладо од 13 години“, рекол поручникот Стивен Филипс.
Тој додал дека засега не може да открие колку деца биле силувани.
На силувачот му е одредена кауција од еден милион долари. А силувањето како кривично дело во Луизијана, на деца помлади од 13 години, е казниво со смрт или доживотна казна затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.