Европа
Германски климатолог предупредува: Времето истече, одиме кон катастрофа
Веќе е предоцна да се ограничи глобалното затоплување на максимум еден и пол степен во споредба со прединдустрискиот период, предупредува германскиот метеоролог и климатолог Моџиб Латиф во пресрет на форумот за климата што се одржува во Берлин.
Метеорологот и климатологот рече дека со денешните емисии на стакленички гасови ќе го надминеме ова ниво за нешто помалку од десет години.
„Ако се земе предвид она што го прават политичарите сега низ светот, ние сме повеќе во насока на три степени“, продолжи Латиф.
Тој додаде дека се приближуваме до точка кога треба да признаеме дека времето за промени на подобро поминало.
Три степени на глобално затоплување би биле „катастрофа“, нагласи Латиф, истакнувајќи дека секогаш се чинеше дека има поитни прашања од заштитата на климата за решавање.
Министрите од околу 40 земји ќе разговараат за следните чекори што треба да се преземат во борбата против климатските промени на климатскиот дијалог во Санкт Петербург, што денеска и утре се одржува во Берлин. Домаќини на средбата се Германија и Египет. Предвидено е да се обратат германскиот канцелар Олаф Шолц и египетскиот претседател Абдел Фатах ал Сиси.
Драстичното намалување на употребата на фосилни горива, обновувањето на шумите и намалената потрошувачка на месо се само дел од чекорите потребни оваа деценија за да се одржи глобалното затоплување на 1,5 степени Целзиусови над прединдустриските температури“, се наведува во извештајот.
„Го напуштивме COP26 во Глазгов со наивен оптимизам, заснован на нови ветувања и обврски“, рече генералниот секретар на ОН Антонио Гутереш по објавувањето на извештајот.
Во овој момент, само сериозното намалување на емисиите оваа деценија во сите сектори, од земјоделството до транспортот, енергијата и градежништвото, може да ги сврти работите, се вели во извештајот. Дури и тогаш, владите ќе треба да ги зголемат напорите за засадување повеќе дрвја и развивање технологии за отстранување на дел од јаглеродниот диоксид кој веќе е во атмосферата по повеќе од еден век индустриска активност.
„Тоа е сега или никогаш“, изјавил копретседателот на извештајот, Џим Скеа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.