Осомничениот за убиството на Чарли Кирк е идентификуван како 22-годишниот Тајлер Робинсон, објави ФБИ денес на вонредна прес-конференција. Веста ја потврди гувернерот на Јута, Спенсер Кокс, кој кратко рече: „Го фативме“.

Клучна трага за истражителите им даде член на семејството на осомничениот, кој го информираше шерифот преку посредник дека Робинсон признал или алудирал дека го сторил злосторството.

Според гувернерот, истражителите утврдиле со преглед на видео снимки дека Робинсон пристигнал на местото на настанот на 10 септември околу 8:29 часот по локално време во возило Доџ Челинџер. Кога полицијата го пронашла и го уапсила денес, 12 септември, тој носел облека што одговарала на онаа на видеото.

Кокс, исто така, рече дека член на семејството им кажал на истражителите дека Тајлер Робинсон станал „политички поактивен“ во последниве години. Тој, исто така, се сетил на неодамнешна вечера пред 10 септември, на која Робинсон го споменал пристигнувањето на Чарли Кирк на Универзитетот Јута Вали и зборувал за тоа зошто „не го сака и неговите ставови“.

Гувернерот на Јута, Спенсер Кокс, тврди дека текстуалните пораки меѓу Тајлер Робинсон и неговиот цимер откриле детали за наводниот заговор.

Во пораките, додаде Кокс, се споменувале и изгравирани куршуми, а Робинсон наводно рекол дека морал да се пресоблече.

Како што објави Кокс, пронајдените куршуми имале напишани пораки на нив: „Еј фашисто! Фати!“, „О, бела чао, бела чао, бела чао, чао, чао“, „Ако го читаш ова, тогаш си геј. Смешно.“, „OWO. Што е ова?“.

Гувернерот на Јута, Спенсер Кокс, потврди дека осомничениот е 22-годишниот Тајлер Робинсон, кој разговарал со членовите на семејството на вечера за доаѓањето на Кирк на универзитетот. Тие разговарале за тоа како Кирк ширел омраза.

Осомничениот за пукањето на Чарли Кирк е уапсен, а неговиот татко одиграл клучна улога во неговото предавање, откри тој.

Според изјавите на полицајците, таткото го препознал својот син на фотографиите објавени во јавноста и веднаш го повикал да се предаде на властите. Тој го повикал и пасторот за помош, кој потоа контактирал со американската полиција, по што осомничениот бил приведен.

Осомничениот беше уапсен во четвртокот вечерта околу 23 часот по локално време во јужна Јута. Тој живеел во куќа со шест спални соби вредна 600.000 долари во Вашингтон, околу 420 километри јужно од местото на злосторството.

Неговата мајка, Амбер Робинсон, работи во „Интермаунтејн Спојкер Координејшн Сервисис“, која соработува со државата Јута за да обезбеди грижа за лицата со попреченост.

Цимерот на убиецот ги открил пораките

Спенсер Кокс рече дека клучните информации доаѓаат од пораките што осомничениот ги разменил со својот цимер.

Според Кокс, истражителите разговарале со цимерот кој им кажал што се случува.  Гувернерот ја опиша содржината на спорната комуникација подетално.

„Содржината на тие пораки вклучувала пораки поврзани со контактирање на Тајлер во кои се наведува потребата да се извади пушката од складиштето, оставање на пушката во грмушка, пораки поврзани со визуелно набљудување на просторот каде што била оставена пушката и порака поврзана со оставање на пушката завиткана во пешкир.“

Во пораките, додаде Кокс, се споменуваат и куршуми, како и наводната изјава на Робинсон дека треба да се пресоблече.

Кокс, исто така, се осврна на политичките ставови на Робинсон, цитирајќи изјава од член на семејството. Според таа изјава, Тајлер Робинсон „станал политички поактивен во последните години“.

Претседателот на САД, Доналд Трамп, беше гостин во ток-шоуто „Фокс и пријатели“ на „Фокс њуз“. Претседателот беше прашан дали има некакви вести за осомничениот за убиството на Чарли Кирк. Трамп одговори: „Мислам дека го имаме во притвор со висок степен на сигурност. Работите можат да се променат, но фактите се факти – го имаме лицето што го бараме“, рече Трамп. Осомничениот за убиството на Чарли Кирк има 28 или 29 години, рече Трамп.

BREAKING: President Trump on Charlie Kirk suspected assassin: "I think, with a high degree of certainty, we have him in custody." pic.twitter.com/wAAGegrrWI

— Fox News (@FoxNews) September 12, 2025

Тој не сакаше да открие за кого станува збор, но потврди дека ќе има нови информации во текот на денот. Додаде дека слушнал дека осомничениот бил уапсен „пет минути пред да влезам во студиото“ и дека „некој многу близок“ до осомничениот го известил осомничениот. Додаде дека станува збор за свештеник, кој го препознал осомничениот и отишол кај неговиот татко. „Таткото го уверил својот син. Отидоа во полициската станица и тој е сега таму“, рече Трамп.

Два извори рекоа дека уапсениот маж му признал на својот татко дека тој е стрелецот.

„Се надевам дека ќе добие смртна казна“

Тој ги пофали локалните власти, велејќи дека „одлично си ја завршиле работата, сите соработувале“. „Сè испадна добро“, рече тој. Додаде дека се надева дека убиецот на Кирк ќе добие смртна казна. „Кирк беше најдобрата личност и не го заслужуваше ова“, рече тој.

„Тој беше брилијантен човек кој ми помогна со „Tик-ток“, рече Трамп, додавајќи: „Никогаш не сум видел млади луѓе да се собираат околу една личност како што се собираа околу Чарли“.
Трамп рече дека не сака да го гледа видеото од пукањето, додавајќи дека не сака да се сеќава на Кирк на тој начин. Рече дека слушнал дека видеото е „ужасно“.

Подоцна во интервјуто, Трамп додаде дека гувернерот на Јута, Спенсер Кокс, исто така, сигнализирал дека ќе бара најстрога казна за напаѓачот на Кирк. „Во Јута, тие имаат смртна казна, а таму имате многу добар гувернер“, рече Трамп. „Гувернерот, го запознав, гувернерот е многу цврст во врска со смртната казна во овој случај“.

Фото: принтскрин