Свет
Грчкиот гувернер: Израелско-палестинскиот конфликт може да ја поттикне инфлацијата во ЕУ

Војната меѓу Израел и палестински Хамас може дополнително да ја забави економската активност во еврозоната и да ја поттикне инфлацијата, предупреди грчкиот гувернер Јанис Стурнарас во интервју за „Фајненшл тајмс“. Конфликтот, според него, може да предизвика нарушувања на енергетските пазари и да предизвика нов бегалски бран.
„Еврозоната останува голем нето-увозник на енергија и конфликтот, веројатно, ќе има стагфлациски ефект доколку стане проблем“, рече Стурнарас.
Стагфлацијата подразбира економска стагнација и силен раст на цените. Кризата на Блискиот Исток го промени балансот на силите и поборниците за дополнително заострување на монетарната политика сега се во малцинство, ги цитира лондонскиот весник зборовите на Стурнарас.
На седницата во септември ЕЦБ повторно ги зголеми каматните стапки за четвртина процентен поен, но со оглед на забавувањето на економската активност, сигнализира дека циклусот на зголемување на трошоците за задолжување можеби го достигна својот врв.
„Врз основа на досегашната оценка, Управниот совет смета дека клучните каматни стапки на ЕЦБ достигнаа ниво што во подолг период значително ќе придонесе за навремено враќање на инфлацијата на целното ниво“, пишуваат тие во соопштението од седницата.
Според анализите, конфликтот меѓу Израел и Хамас силно ја зголеми цената на нафтата во изминатите денови, а барел утрово во Лондон се тргуваше по цена за 2,5 долара повисока од синоќешното затворање бидејќи трговците стравуваат од ескалација и прелевање на непријателствата на регионот на целиот Блиски Исток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израелски војници забележани во градот Газа

Палестински очевидци тврдат дека во градот Газа забележани се израелски војници.
Според нив израелските војници биле забележани во населбата Сабра, во близина на зграда во која порано се наоѓало училиште.
Израелските војници наводно се заблежани во градот Газа откако израелскиот премиер Бенјамин Нетанјаху одобри план за преземање на градот, во кој живеат околу еден милион луѓе.
Израелската армија не ги коментираше палестинските наводи, истакнувајќи оти не ги открива позициите на своите војници.
Претходно Израел соопшти дека планира да евакуира околу еден милион жители од градот пред офанзивата, која се очекува да почне најрано во септември.
Свет
Зеленски вели дека постои вистинска можност да заврши војната во Украина

Претседателот на Украина, Володимир Зеленски синоќа најави дека следните денови ќе бидат готови безбедносните гаранции за неговата земја.
Тој, по телефонскиот разговор со премиерот на Холандија, Дик Шуф, на платформата Икс објави дека „во моментот тимови на Украина, САД и европските партнери работат на решение“.
Според Зеленски постои „вистинска можност да се заврши оваа војна“, додавајќи дека Украина е „подготвена за конструктивни чекори што можат да доведат до вистинскиот мир“.
– Русија од своја страна не покажува намера за мир и продолжува да ги гранатира нашите градови. Сите сигнали што доаѓаат од Москва овие денови ги толкуваме на ист начин. Ни треба притисок за промена на нивниот став, како и состанок на највисоко ниво за да се разговара за сите прашања, посочи Зеленски.
Свет
Северна Кореја тестираше нови ракети

Северна Кореја вчера истрела два нови противвоздушни проектили за уништување на различни воздушни цели, меѓу кои дронови и крстосувачки ракети. Тестирањето на новото оружје го надгледуваше севернокорејскиот лидер Ким Џонг-ун.
Како што јави Корејската централна новинска агенција (КЦНА) новото оружје има „супериорна борбена способност“ и користи „единствена технологија“.
Тестирањето на ново оружје се одвива во време на зголемени тензии со Јужна Кореја. Официјален Сеул вчера соопшти дека на 19 август јужнокорејски војници отвориле предупредувачки оган кон припадници на севернокорејската армија, кои накратко навлегле во Демилитаризираната зона.
Исто така во регионот се одржува заедничка воена вежба помеѓу Јужна Кореја и САД, а за утре е предвидена средба на американскиот претседател Доналд Трамп со новоизбраниот јужнокорејски претседател Ли Џае-мунг.