Свет
Гутереш: Светот е на чекор од нуклеарно уништување
Генералниот секретар на Обединетите нации (ОН), Антонио Гутереш, денеска предупреди дека „човештвото е само едно недоразбирање и една погрешна процена од нуклеарното уништување“.
Гутереш го изјави ова на отворањето на долго одложуваната конференција на високо ниво за ревидирање на историскиот 50-годишен договор за нуклеарно неширење (НПТ) со цел, конечно, да се постигне свет без нуклеарно оружје, пренесува АП.
Генералниот секретар на ОН особено ги наведе војната во Украина и заканата од нуклеарно оружје во конфликтите на Блискиот Исток и Азија како ризици, два региона „што се на работ на катастрофа“ и посочи дека средбата се одржува „на критичен момент за нашиот колективен мир и безбедност“ во време на нуклеарна опасност невидена од екот на Студената војна, пренесува „Танјуг“.
Според него, конференцијата е „можност да се усвојат мерки што ќе помогнат да се избегне катастрофа и да се постави човештвото на нов пат без нуклеарно оружје“.
Гутереш рече дека речиси 13.000 нуклеарни оружја се наоѓаат во арсенали во светот и дека земјите што бараат „лажна безбедност“ трошат стотици милијарди долари на „оружје на судниот ден“.
„Сето ова се случува во време кога растат ризиците од ширење, а механизмите за спречување на ескалацијата слабеат. „Кризи со нуклеарни призвук тлеат од Блискиот Исток и на Корејскиот Полуостров до Украина“, рече Гутереш.
Тој ги повика учесниците на конференцијата итно да го зајакнат и реафирмираат 77-годишниот договор против употребата на нуклеарно оружје, да работат неуморно на елиминирање на нуклеарното оружје со нови заложби за намалување на арсеналот и да ја промовираат мирољубивата употреба на нуклеарната технологија.
„Идните генерации сметаат на вашата посветеност да нѐ држите од работ на бездната. Ова е нашиот момент да се соочиме со овој фундаментален тест и еднаш засекогаш да ставиме крај на заканата од нуклеарно уништување“, им порача Гутереш на учесниците на конференцијата, пренесуваат светските агенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Свет
Трамп казнет со 9.000 долари
Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.
Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.
Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.
Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.