Европа
Гутовски: Папата Јован Павле Втори ја прикриваше педофилијата во Полска кога беше кардинал
Починатиот папа Јован Павле Втори, додека сè уште бил кардинал во Полска, знаел за злоупотребата на децата во полската католичка црква години пред да стане поглавар на Римокатоличката црква и помогнал да се прикрие, објави порталот „Франс 24“ повикувајќи се на приватната телевизија ТВН.
Кардиналот Карољ Војтила знаел за случаи на педофилија во полската католичка црква пред да биде избран за папа во 1978 година, објави полскиот канал ТВН.
Како кардинал и епископ на Краков, Војтила знаел за случаи на педофилија извршени од свештеници во неговата епархија, па ги преместувал од парохија во парохија – еден дури и во Австралија – за да избегне скандал, според авторот на истрагата, Михал Гутовски.
За свештеникот што го испрати во Австрија, идниот папа ги изоставил обвинувањата за педофилија во писмото со препорака до кардиналот Франц Кениг од Виена.
Според извештајот на АФП, во рамките на истрагата Гутовски разговарал со жртвите на свештеникот педофил и со нивните роднини и вработени во епархијата.
Тој тврди дека Архиепископијата во Краков одбила да му дозволи пристап до архивата, а француската агенција посочува дека тоа не ја спречува полската црква да одбие да обезбеди пристап до бараните документи, дури и кога тоа го бараат судските тела или надлежните комисии на истражни случаи за педофилија.
Еден од сведоците на настанот, кој зборуваше под услов да остане анонимен, потврди дека лично го информирал тогашниот кардинал Војтила за случаите на педофилија извршени од свештеникот во 1973 година.
„Војтила првин сакаше да се увери дека тоа не е лага. Ме замоли никому да му не кажувам за тоа и рече дека ќе се погрижи“, рече сведокот тврдејќи дека кардиналот јасно го прашал дали аферата може да се прикрие.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Словачкиот министер: „Словачка на работ на граѓанска војна“
Словачкиот министер за полиција, Матуш Шутај Ешток, изјави дека Словачка е на работ на граѓанска војна, пишува „Њуз.аз“.
„Од она што се случи, каква омраза посеаја многумина, денес се појави бура и практично сме на прагот на граѓанска војна. Веднаш престанете со ова“, рече тој.
Slovakia 'on brink of civil war' – Interior Minister
Matus Sutaj Estok insisted the assassination attempt on PM Robert Fico was carried out for political reasons
While Prime Minister Robert Fico is expecting a new surgical operation.
— Vexwift (@vexwift) May 16, 2024
Според последните информации, лекарите ја стабилизирале состојбата на словачкиот премиер Роберт Фицо за време на петчасовната операција.
Европа
Атентаторот што го застрела Фицо се соочува со доживотен затвор: полицијата му го пребарала автомобилот
Јурај Цинтула (71), кој вчера трипати го застрела словачкиот премиер Роберт Фицо, е обвинет за обид за убиство со умисла поради одмазда против заштитено лице, објавија словачките медиуми.
Според порталот „ТВ новине“, на Цинтула му се заканува казна од 25 години затвор до доживотен затвор. Истражител од Националната агенција за криминал го обвинил за убиство со умисла, а тој ја поминал ноќта во ќелија.
⚠️Robert Fico shooter says he 'disagreed with government policies' — local media
📢 He did not do this alone. He was sent to do this by the globalists pic.twitter.com/u79vPVStcP
— The Dibster (@richarddibX) May 15, 2024
Цинтула, кој инаку е во пензија, испукал пет куршуми кон премиерот Роберто Фико, од кои три го погодиле.
Полицијата веднаш го уапсила напаѓачот, а бил претресен и неговиот автомобил, во кој бил пронајден телефон.
Се сомнева дека мотивот за убиството е несогласување со политиката на актуелната власт и измените што се направени или најавувани.
Доколку вината се докаже, за ова дело му се заканува казна затвор од 25 години до доживотен затвор.
Како што пренесува „ТВ Маркиза“, напаѓачот во полиција изјавил дека нападот го планирал неколку дена порано. Планирал да го повреди премиерот, но рекол дека не сака да го убие. Тој легално поседувал оружје повеќе од 30 години.
Фицо со хеликоптер бил префрлен во болница, каде што бил опериран повеќе од пет часа.
Европа
Деветмесечно момче од Велика Британија се задави од шпагети во градинка: мајката ја предупредила воспитувачката дека не може да јаде цврста храна
Мајката на деветмесечното момче од Велика Британија, кое почина кога се задави од храна во градинка, се обидела да го предупреди персоналот дека не може да јаде цврста храна.
Малиот Оливер Стипер почина во болница шест дена откога се задави од храна во градинка во Кент. Според британските медиуми, работничката во градинката истовремено хранела четири деца со болоњезе-тестенини кога малиот Оливер се задавил.
Оливер имал само два предни заба поради што дома јадел пасирана храна, пренесува „Скај њуз“.
Работниците во градинката ги уверувале неговите родители дека цврстата храна може да се испасира пред да му биде дадена и тие претпоставиле дека тоа ќе биде направено затоа што тој „не можел правилно да џвака“, беше кажано на судот.
Мајката пред судот рекла дека има намера да ги потсети вработените во градинката дека цврстата храна не му одговара, пренесува „Скај њуз“.
Размислувала веднаш да испрати имејл во градинката, но не сакала да биде напорна.
„Во градинка му дадоа овошна салата, јасно беше дека не е пасирана. Реков дека ќе разговарам со вработените следната недела“, изјави мајката во судот.
Подоцна едно утро, таа добила повик од дневниот престој и ѝ кажале дека син ѝ учествувал во инцидент и дека се задавил од храна.
Кога пристигнала во градинката, видела болничар како трча со син ѝ во рацете додека вршел компресија на градите.
Оливер бил пренесен во болница, но скенирањето на мозокот покажало дека нема да преживее, а момчето починало шест дена подоцна.
Полицијата во Кент истражувала што се случило, но не било преземено ништо.
Родителите решиле да го праќаат Оливер во градинка само неколку дена во неделата бидејќи таа била на 20 минути од нивната куќа и изгледала како семејна градинка.
Судењето продолжува.