Европа
Да се прогласи Путин за лудак е банализирање на војната, велат психолози
Од почетокот на руската инвазија на Украина, многу медиуми и објави на социјалните мрежи го доведуваат во прашање психолошкиот профил и менталното здравје на рускиот претседател Владимир Путин како можни клучеви за разбирање на одлуките и потезите на официјална Москва.
Дури и некои политичари, како Ангела Меркел, тврдат дека Путин во последно време многу се променил. Некои медиуми, пак, објавија исцрпни психолошки профили на Путин. На некој начин тоа е разбирливо бидејќи јавноста, исплашена од можноста потезите на Путин да предизвикаат Трета светска војна, сака да знае колку тој може да се смета за здрав.
Од друга страна, експертите предупредуваат дека прекумерните анализи на психата на Путин, а со тоа и индиректно војната во Украина, всушност се банализирање на инвазијата и страдањето на Украинците. Исто така, велат тие, тоа е навреда за луѓето со вистински проблеми со менталното здравје.
Се истакнува дека аргументот за ментална болест речиси традиционално се користи за да се толкува, па дури и да се оправда насилството што го вршат некои луѓе, особено мажите.
„Но, дури 30 отсто од луѓето во одреден момент од својот живот се соочуваат со состојба која е доволно сериозна за да се опише со јасна психијатриска дијагноза“, вели за хрватски „Индекс“, Хелена Рашиќ, раководителка на психолошкото советувалиште „Бура“ во Загреб.
Таа потсетува дека војните започнуваат од повеќе политички, економски и други причини.
Појаснува и дека тоталитаризмот дозволува еден човек да ја преземе власта и да ги носи најважните одлуки во една земја речиси сам, но Путин не е сам. Како и повеќето лидери, тој има круг на луѓе кои го поддржуваат.
„Путин е апсолутно одговорен за ужасите на војната, но и целиот негов кабинет, како и многу луѓе од светската политика кои досега го поддржуваа неговото однесување“, објаснува психологот.
„Освен тоа, на овој начин се стигматизираат сите оние кои бараат помош бидејќи се ставени во позиција секој да се доживува себеси како ‘бомба која оттчукува’“, предупредува таа.
Рашиќ вели дека секој човек е способен за најлошите ужаси и за најголемо добро.
„Тоа е потенцијал што сите го носиме во себе. Прашањето е што избираме и што можеме да избереме во некои околности што ни се наметнуваат. Ние, по правило, не сме такви да им наштетиме на луѓето околу нас. Помошта што им се дава на бегалците од Украина и сите што го трпат тоа, покажува дека луѓето првенствено се способни за сочувство и кон тоа тежнееме“, објаснува таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.