Свет
Ердоган смета дека без Турција, програмата Ф-35 е осудена на пропаст
Турскиот претседател, Реџеп Таип Ердоган, смета дека американската програма на борбен авион „локид мартин Ф-35″ е осудена на неуспех, ако Турција не е вклучена во неа.
Вашингтон предупредува дека одлуката на Турција за купување руски ракетен одбранбен систем С-400 ќе го загрози учеството на официјална Анкара во програмата на авионот Ф-35.
САД веруваат дека С-400 претставува ризик за Ф-35 и сака Турција да се откаже од купување на ракетниот систем.
Од друга страна, Турција сака заедничка комисија да ги утврди можните ризици за кои Вашингтон е загрижен.
„Турција не прифаќа никакво наметнување на полето на одбраната, ниту, пак, ќе прифати во иднина”, рече Ердоган, според „Ројтерс“.
Тој најави дека Турција ќе преземе чекори за производство на сопствени борбени авиони и планира да произведе беспилотни борбени летала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.