Свет
Ердоган: Турција не би купувала руски „С-400“ ако можеше да купи „Патриот“
Турскиот претседател Реџеп Таип Ердоган ги отфрли тврдењата дека турското купување на рускиот одбранбен систем „С-400“ го загрозува НАТО и посочи дека Анкара дури и нема да мора да ги купи тие системи доколку Американците ѝ го продадат одбранбениот систем „Патриот“.
„Њујорк тајмс“ објави дел од интервјуто во кое Ердоган зборува за купување на рускиот одбранбен систем „С-400“. Текстот е објавен по веста за вчерашната средба на Ердоган со неговиот руски колега Владимир Путин во Сочи, пренесува „Анадолија“.
Ердоган ги отфрли сите тврдења дека турското купување на системот „С-400“ го поткопува воениот сојуз на НАТО.
„Турција купува оружје за себе“, рече Ердоган потсетувајќи дека правото на Турција да избере снабдувач со оружје го потврдија генералниот секретар на НАТО, Јенс Столтенберг, а потоа и американскиот претседател Доналд Трамп.
Потсетувајќи дека Турција претходно побара од САД да ѝ го продадат одбранбениот систем „Патриот“, Ердоган рече дека неговата земја нема да мора да купува системи „С-400“ доколку Американците ѝ го продадат „Патриот“.
Во интервју за Си-би-ес, Ердоган рече дека Турција ќе продолжи да купува одбранбени системи од Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.