Европа
Ерупција на подводен вулкан кај остров во Пацификот
Подводниот вулкан Ист Епи, кај островот Вануату во Пацификот, еруптира исфрлајќи пепел во височина до 100 метри.
Воспоставен е безбедносен периметар од 10 километри околу подводниот вулкан, кој се наоѓа на речиси 68 километри северно од Порт-Вил, главниот град на оваа пацифичка нација.
Најпрвин над местото е забележана пареа, а потоа вулканот утрово почна да исфрла пепел, пренесуваат медиумите.
Властите велат дека бродовите и авионите треба да ја избегнуваат областа.
„Го повикуваме локалното население да внимава на можни силни експлозии бидејќи ерупциите сè уште траат“, изјави за АФП Рикардо Вилијам, специјалист за вулкани во Одделот за метеорологија и геолошки опасности во Вануату.
Вулканската активност почна околу 8 часот по локално време (23 часот вторник по средноевропско време), според локалниот метеоролошки оддел.
Претставник на владата изјави за АФП дека земјата почнала да се тресе, а чад се надвива над местото од почетокот на ерупцијата. Тој рече дека почнале и експлозии, а сè уште се чувствува непријатниот мирис на сулфур.
Жителите на околните острови Епи и Тонгоа се повикани да избегнуваат излегување на брегот.
Официјалните лица во соопштението изјавија дека иако центарот за предупредување за цунами лоциран во Алјаска, САД, нема регистрирано никаква активност во регионот на Вануату, таквите ерупции може да ги создадат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.