Свет
Почна доставата на лекови од СЗО во Авганистан

Амбасадорот на Пакистан во Кабул, Мансур Ахмед Кан, изјави денеска дека пакистанската национална авиокомпанија почнува да доставува медицински материјали од Светската здравствена организација (СЗО) до градот Мазар-е-Шариф во северен Авганистан.
Амбасадорот Кан на „Твитер“ објави дека државната компанија „Пакистан интернационал ерлајнс“ (ПИА) ќе организира хуманитарен воздушен мост во соработка со меѓународните агенции, пренесува агенцијата АП.
First PIA Cargo flight with WHO medical supplies from Islamabad to Mazar Sharif today. A humanitarian air bridge for essential supplies to Afghanistan in coordination with international agencies. Thanx PIA. @SMQureshiPTI @ForeignOfficePk @fawadchaudhry @PakinAfg @Official_PIA
— Mansoor Ahmad Khan (@ambmansoorkhan) August 30, 2021
Не беше јасно кога ќе почне транспортот на медицински материјали.
Најновиот развој на настаните доаѓа неколку дена откако СЗО побара помош од Пакистан за транспорт на медицински помагала во Авганистан по смртоносниот напад минатата недела на аеродромот во Кабул.
Главниот град на провинцијата Балк, Мазар-е-Шариф, беше заробен од талибанците на 14 август, ден пред да го заземат Кабул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.