Свет
Илјадници луѓе на Парадата на гордоста во Берлин, во Москва уапсени над 30 демонстранти
Полицијата проценила дека денеска на Парадата на гордоста во Берлин, која се одржа како замена за откажаната традиционална, во организација на ЛГБТ заедницата, се собрале околу 3.500 луѓе, а во германската престолнина истиот ден е одржан и антирасистички протест.
Прајд Парад обично има и до милион посетители а беше планиран за 25 јули, но оваа година е откажан поради пандемијата на ковид-19.
Манифестацијата под слоганот „Берлински Прајд: Спасете ја нашата заедница, спасете ја нашата гордост“ почнала на пладне на температури од 30 степени, од југозападната населба Шоенберг, а учесниците потоа прошетаа низ центарот на градот.
Организаторите ги повикале учесниците на парадата меѓу себе да одржуваат растојание и да носат маски цело време додека трае парадата.
Во Москва пак денеска полицијата уапсила над 30 луѓе, повеќето жени, на протест во центарот на градот поради обвинувања за ширење на порнографии против истакнати ЛГБТ активисти.
Претходно овој месец полицијата ја обвини лгбт активистката Јулија Цветкова дека со нејзините фотографии шири порнографија. Ако судот ја прогласи за виновна, може да биде осудена на затворска казна од шест години.
На протестите во Москва учесниците протестираа индивидуално, оддалечени едни од други. Индивидуалните протести во Русија обично се легални, но во бројни случаи има приведени демонстранти.
Западните влади и активисти за заштита на човековите права ја критикуваат руската влада поради односот кон припадниците на ЛГБТ заедницата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.