Свет
Иран ги предупеди Саудијците и ОАЕ: Не сте непобедливи, не минувајте ја црвената линија
Заменик-командантот на Исламската револуционерна гарда, генералот Хосеин Салами, ги предупреди Ријад и Абу Даби не ги преминуваат црвените линии на Техеран, пренесува „Ројтерс“.
„Ако ги преминете нашите црвени линии, сигурно ќе ги преминете и своите. Знаете каква бура може да создаде иранската нација. Престанете да создавате заговори и тензии, не сте непобедливи. Седите во стаклена куќа и не можете да се справите со одмаздата на иранската нација. Досега бевме воздржани“, рече Салами по петочната молитва.
Салами исто така побара САД да престанат да ги поддржуваат терористите предупредувајќи дека Вашингтон ќе ја плати цената ако не го стори тоа.
Забелешките на Салами доаѓаат од коментарите на иранскиот врховен лидер, ајатолахот Али Хамнеи, обвинувајќи ги Саудиска Арабија и Обединетите Арапски Емирати за финансирање на извршителите на саботниот терористички напад во Ахваз, во кој загинаа најмалку 25 лица и беа повредени повеќе од 60 други. Хамнеи ги опиша нападите како продолжување на заговорот на регионалните држави, кои се кукли на САД, додавајќи дека целта на таквиот тероризам е да создаде несигурност во Иран.
Иранската разузнавачка служба идентификува и уапси 22 лица за кои се верува дека се вклучени во заговор за нападот. Петмина вооружени лица, кои отворија оган врз воениот персонал и цивилните набљудувачи за време на парадата посветени на годишнината од Иранско-ирачката војна, беа убиени. Патриотското арапско демократско движење и ИСИС ја презедоа одговорноста за нападот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.