Европа
Искусeн капетан на подморница запрепастен од она што го видел на снимката од внатрешноста на Титан: „Постои еден голем проблем“
Подморницата „Титан“ се уште не е лоцирана, а според предвидувањата на експертите – залихите со кислород биле потрошени во четвртокот околу 13 часот. Доктор Кен ЛеДез вели дека самата помисла „да бидат заробени во морските длабочини“ е застрашувачка, но дека во зависност од условите, некои можат да преживеат подолго од очекуваното. Во исто време, капетанот Рајан Ремзи вели дека бил шокиран од она што го видел внатре во подморницата.
„Зависи од тоа колку им е ладно и колку се ефикасни во зачувувањето на кислородот“, рече тој, додавајќи дека треперењето троши многу кислород, додека побавното дишење може да помогне во зачувувањето на кислородот.
„Исчезнувањето на кислородот е постепен процес, тоа не е како исклучување на светлото, тоа е како искачување на планина – температурата станува поладна и метаболизмот се забавува. Значи, се зависи од тоа колку брзо ќе се искачите на таа планина“, нагласува експертот.
Лекарот предупредил дека недостатокот на кислород не е единствената опасност со која се соочуваат оние во подморницата.
Екипажот најверојатно изгубил струја, што ќе влијае на количината на кислород и јаглерод диоксид во капсулата. Како што се намалува нивото на кислород, јаглерод диоксидот што го вдишува екипажот ќе почне да расте, а тоа, според него, може да има фатални последици.
„Како што се зголемува нивото на јаглерод диоксид, тој станува седатив, станува како гас за анестезија и човекот заспива. Премногу јаглерод диоксид во крвотокот, познат како хиперкапнија, може да убие човек“, објасни ЛеДез.
Поранешниот капетан на подморницата на Кралската морнарица, Рајан Ремзи, изјави дека гледал видеа од внатрешноста на „Титан“ и не го видел системот за отстранување на јаглерод диоксид, познат како чистач.
„За мене тоа е најголемиот проблем од сите“, вели Ремзи.
Во исто време, екипажот е во опасност од хипотермија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.