Свет
Истрагата откри како се урнал „боингот 737“ во Етиопија
Пилотите на авионот на „Етиопија ерлајнс“ се бореле со автоматскиот систем во авионот речиси цело време во текот на шестминутниот лет, стои во денешниот прелиминарен извештај од истрагата, објави Си-ен-ен.
Тие не можеле да го стабилизираат авионот, дури и по препорачаните постапки за вакви ситуации, се обиделе со заеднички сили да го подигнат носот на авионот за време на последниот момент од летот.
Пилотот трипати повикал „повлечи кон горе“ со цел копилотот да го подигне носот на авионот, но ниту едниот ниту другиот пилот не успеал да ја поврати контролата над леталото.
Седумдесет секунди по полетувањето од меѓународниот аеродром во Адис Абеба, еден од сензорите испратил погрешни информации до системот во авионот укажувајќи им на пилотите на неизбежно губење енергија. Поради тоа, автоматскиот систем внатре во авионот го спуштал носот на леталото четири пати за време на летот оневозможувајќи им на пилотите да го решат проблемот. Тие се обиделе рачно да воспостават рамнотежа, но авионот пребргу летал, па рачното местење било физички невозможно. Помалку од 2 минути подоцна летот „302“ на „Етиопија ерлајнс“ се урна, при што загинаа 157 патници и членови на екипажот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Мамо, не те оставам“: oсумгодишно дете од Минесота убиено додека ја бранело мајка си од насилниот сопруг
Осумгодишно дете од Минесота било убиено додека ја бранело мајка си од сопругот насилник, минатата недела, соопшти семејството на детето, пренесува Law and Crime.
Амир Демарион Харден починал на 9 јуни од компликации откако бил застрелан во главата и вратот на 6 јуни, се вели во соопштението издадено од Канцеларијата на медицинскиот преглед на округот Хенепин.
Според медиумот, на денот на пукањето, таткото на момчето, Денер Харден, бил ослободен од затвор откако платил кауција по обвиненијата за семејно насилство. Тој се вратил во семејниот стан бесен и се обидел да ја убие сопругата.
„Неговиот татко се обиде да ме убие, но мојот син беше застрелан поради мене. Амир се обиде да му го одземе пиштолот од рацете на татко му. Му викав да оди кај соседите. Тој одби и рече – мамо, не те оставам!“, напиша Чериш Едвардс“, ожалостената мајка на Амир.
Кога видел дека го застрелал синот, таткото си пукал во глава, велејќи пред тоа дека „случајно пукал“ во детето, изјави Едвардс. Мајката на момчето додаде дека четирите браќа и сестри на Амир биле сведоци на шокантното насилство.
Европа
Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва
Украинскиот претседател Володимир Зеленски смета дека мировната конференција за Украина, што се одржува во Швајцарија, ќе го зголеми притисокот врз Москва, но другите учесници на форумот не се толку оптимисти, јави ДПА.
-На дводневниот состанок, на кој присуствуваат 92 земји и осум меѓународни организации, беше повторено дека со заеднички напори може да се стави крај на војната и да се постигне мир, рече Зеленски денеска непосредно пред делегациите да почнат да разговараат на оваа тема.
Меѓутоа, швајцарската претседателка Виола Амхерд нема толку големи очекувања, забележува ДПА.
-Нашите цели се скромни, рече таа, објаснувајќи дека целта на конференцијата е да се поттикне почеток на процес за постигнување траен и праведен мир.
Важноста на меѓународното право како основа на меѓународниот поредок е клучна за ова, рече Амхерд.
-Нападот на Русија го нарушува тоа на најнагласен начин, рече Амхерд.
Русија не беше поканета да учествува на конференцијата, а не учествува ниту Кина, важен сојузник на Москва.
На средбата станало збор и за добивање на најширока можна меѓународна поддршка за украинскиот мировен план, кој предвидува целосно повлекување на Русија од украинска територија.
Свет
Страшна глетка: 28 луѓе висат надолу откако се заглавија во забавен парк во САД (ВИДЕО)
Едно лице е превентивно пренесено во болница, но нема повреди, а 28 се спасени во инцидент во забавен парк во Орегон, САД.
„Пожарникарите успеаја да спасат 28 лица кои беа заглавени на височина од 30 метри, висејќи наопаку, за време на возењето во забавниот парк Оукс .Едно лице е превентивно пренесено во болница, но нема повредени„, соопштија од паркот.
За среќа, брзата реакција на вработените во паркот и пожарникарите спречија сериозни повреди.
Според очевидци, се се случило ненадејно. Прво слушнале татнеж, а потоа и соопштение од огласувачкиот систем внатре во забавниот парк.
Крис Рајан, посетител на паркот, опиша како тој и неговата сопруга се подготвувале да се возат панорамското тркало кога забележале дека возењето е заглавено. Слушаа луѓе како викаат, кога го кренаа погледот, останаа без зборови.
People left dangling upside down for half an hour on Oregon theme park ride. https://t.co/OkVjDTuyJa pic.twitter.com/WWGTRQRWIt
— Sky News (@SkyNews) June 15, 2024