Свет
Италијански десничар: Со фашистички поздрав може да се избегне коронавирусот
Користењето на фашистичкиот поздрав наместо ракувањето е најдобар начин за превенција од ширење на коронавирусот, порача Игнацио Ла Руса, потпретседател на италијанскиот Сенат и член на крајната десна партија „Браќа на Италија“.
Ла Руса, поранешен министер за одбрана и моментално претседател на Сенатот, подоцна рекол дека сакал да биде саркастичен.
„Не се ракувајте со никого, заразата е смртоносна. Користете римски поздрав, тоа е антивирусно о антимикробно“ напишал Ла Руса на Твитер.
Иако објавата многу брзо била отстранета, многумина ја забележале.
Alfonso ha messo sui miei social un post ironico ma forse sul virus l ironia potrebbe suonare fuori luogo e gli ho detto di toglierlo
— Ignazio La Russa (@Ignazio_LaRussa) February 3, 2020
„Лицето задолжено за мојата социјална мрежа објави саркастичен твит на мојата социјална мрежа, но можеби сарказмот за вирусот е несоодветен па му реков да го тргне“ објасни Ла Руса.
Неговиот натпис наиде на критики во јавноста и меѓу полтичарите во Италија. За некои е крајно несериозно тоа што Ла Руса го користи коронавирусот за да се пошегув со неговиот предлог за Римски поздрав, честитка што ја користат фашистите и нацистите, забранети со законот на државата што произлегува од антифашистичкиот устав.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Рама: Планирам да се кандидирам за четврти мандат, има уште работа
Албанскиот премиер Еди Рама изјави дека планира да се кандидира за четврти мандат, бидејќи, како што рече, „има уште работа“, пренесува А2.
„Планот е да се кандидирам за функцијата. Но, дотогаш има уште време. Верувам дека морам да се кандидирам, бидејќи има уште работа“, рече Рама и додаде дека во текот на неговите три мандати како шеф на албанската влада се направени големи работи, пренесува „Косово онлајн“.
Според него, Албанија не била ниту на картата, а земјата се спомнувала во лош контекст.
„Ја надминавме бројката од 10 милиони туристи во земја во која туризмот беше идеја и сон, но не и реалност. Има борба против корупцијата која мора да стане неповратна. А, со цел да се вее нашето знаме во Брисел во текот на оваа деценија, вреди да се кандидираме за уште еден мандат. Тогаш граѓаните ќе одлучат“, рече Рама.
Свет
Арагчи: Иран ги прекина индиректните преговори со САД поради растечките регионални тензии
Иранскиот министер за надворешни работи Абас Арагчи изјави дека индиректните разговори меѓу Иран и САД, со посредство на Оман, се прекинати поради ескалација на тензиите во регионот.
Говорејќи за време на посетата на главниот град на Оман, Мускат, Арагчи рече дека преговорите, познати како „Процесот Мускат“, биле прекинати „поради специфичните околности во регионот“.
„Оман секогаш играше значајна улога во решавањето на регионалните прашања и активно го олеснуваше дијалогот меѓу Иран и САД“, истакна Арагчи.
Сепак, тој нагласи дека сегашните регионални превирања засега ги оневозможуваат понатамошните разговори.
„Не гледаме никаква основа за овие разговори додека не ја надминеме сегашната криза“, рече тој, оставајќи ја вратата отворена за продолжување на процесот во подоцнежна фаза.
Запрашан дали била пренесена порака до САД за време на неговата посета, Арагчи рече: „Ниту една порака не беше испратена до други земји за време на ова патување“.
Арагчи рече дека американските и европските нации, како и регионалните актери, мора да ја препознаат позицијата на Иран за неодамнешните случувања.
„Нашиот став е кристално јасен“, рече Арагчи.
„Ние не бараме војна или конфликт, но сме целосно подготвени за тоа. Сметаме дека дипломатијата мора да се искористи за да се спречи ескалација“.
Прекинот на разговорите дојде во време на зголемени тензии откако Иран лансираше низа проектили кон Израел на 1 октомври, како одмазда за убиството на водачот на Хезболах, Хасан Насрала и командантот на иранскиот корпус на гардата на исламската револуција во Бејрут, анализираат медиумите. Израел го нападна лидерот на Хамас Исмаил Ханије во нападот врз Техеран два месеци претходно.
Додека Израел ветува дека ќе одговори, загриженоста за поширок регионален конфликт се зголемува, заклучува Си-Ен-Ен.
Свет
Британец се качил на мост за да се слика, па трагично го загубил животот
26-годишен Британец загинал откако паднал додека се качувал на мостот Кастиља-Ла Манка во градот Талавера де ла Реина во централна Шпанија, јавува Sky News.
Макарена Муњоз, советник за безбедност во кабинетот на градоначалникот на Талавера де ла Реина, рече дека Британецот бил придружуван од 24-годишен маж, исто така од Велика Британија, и дека двајцата отпатувале во градот за да снимаат содржина за социјалните мрежи на мостот.
– Дознавме дека дошле во Талавера за да се искачат на мостот и да создадат содржина за социјалните мрежи, што доведе до овој несреќен и тажен исход – рече Муњоз.
Таа додаде дека искачувањето на мостот не е дозволено, а тоа градските власти го споменале неколку пати.
Мостот Кастилја-Ла Манка се наоѓа на реката Тагус и е отворен во 2011 година. Висок е 192 метри и содржи 152 јажиња.