Свет
Компанијата „Хајнц“ го бара човекот што преживеа 24 дена на море јадејќи кечап, ќе му подари брод
Елвис Франсоа, кој поминал недели изгубен на море во јануари преживувајќи главно поради кечапот што го носел со себе, би можел да добие нов брод ако производителот на кечап „Хајнц“ го пронајде, јавуваат американските медиуми.
На 14 февруари компанијата објави покана на социјалните мрежи со надеж дека ќе му влезе во трага на морнарот од островот Доминика.
Компанијата апелирала и до владата на централноамериканската островска држава, од каде што е Франсоа, како и до колумбиската морнарица што го спасила северозападно од Пуерто Боливар, Колумбија.
Но, досега ниту еден од обидите да се најде Франсоа не бил успешен, според компанијата „Хајнц“.
Затоа, продавачот на кечап побара „општата јавност да се обиде да помогне во потрагата“.
„Ги бараме сите веродостојни информации за контакт со Елвис за да можеме да му помогнеме во финансирањето нов брод опремен со технологија за навигација за да избегне нова катастрофа во иднина“, додаде компанијата.
Франсоа (47) во декември поправал чамец во близина на холандскиот дел на островот Сент Мартин кога неговиот брод бил извлечен од морето.
Тој им рекол на колумбиските власти дека му недостигале навигациски вештини за да се врати на брегот и дека поминал 24 дена на море.
Тој преживеал со шише кечап, лук во прав и коцки за супа измешани со вода.
Бил спасен кога авион го забележал неговиот брод со знак „помош“, пишуваа колумбиските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Филипинка се породила на крузер и го сокрила бебето: тоа починало
Истражен судија во Гросето, Италија го отфрли обвинението за убиство против Чан Џенсел Пиа Салахид, 28-годишна Филипинка која се породила на бродот за крстарење „Сребрен шепот“ на 17 мај, а потоа беше уапсена за смртта на детето.
Истражниот судија го потврдил приведувањето, а младата жена останала во затвор, но под обвинение за напуштање дете со смрт. Нејзините двајца колеги, кои ја делеле кабината со неа и кои исто така биле уапсени поради смртта на бебето, биле ослободени.
Тие и помогнале да се породи и биле соучесници во прикривањето.
Како што пишува „Rai News“, по добивањето на резултатите од обдукцијата, судот ги отфрли обвиненијата за убиство. Засега не се знае за што точно ќе биде обвинета жената освен за напуштање на детето.
А, таа цело време пред истражителите, според италијанските медиуми, тврдела дека не сакала да го убие својот син, кого го нарекла Тејлор.
Само се плашела дека ќе остане без работа, па го сокрила. Секогаш кога можела, доаѓала да го дои, според исказите. Бебето го оставала во плакарот со подотворена врата за да не падне од креветче и никој да не го види или слушне неговиот плач.
Свет
Путин: Русија ќе разговара за мирот во Украина само со легитимните лидери во Киев
Рускиот претседател Владимир Путин денеска изјави дека мировните преговори во Украина мора да се обноват, но дека Москва ќе соработува исклучиво со легитимните лидери во Киев.
На прес-конференција во Белорусија, Путин истакна дека преговорите мора да ја одразуваат „реалноста на теренот“, пренесува Ројтерс.
Русија го доведува во прашање легитимитетот на владата во Киев и претседателската позиција на Володимир Зеленски, откако Украина објави дека нема да одржи избори оваа година поради војната со Русија.
Зеленски го доби претседателскиот мандат во 2019 година кога го победи поранешниот претседател Петр Порошенко, а следните избори требаше да се одржат во март или април годинава, пренесува Танјуг.
Свет
Трамп: За жал, многу од заложниците што ги чекаме не се меѓу живите
Поранешниот американски претседател и кандидат на Републиканската партија за претстојните претседателски избори во САД, Доналд Трамп, денеска изјави дека многу од заложниците киднапирани од членовите на палестинската милитантна група Хамас во нападот врз јужен Израел во октомври „веќе не се меѓу живите“.
За време на предизборниот митинг во Бронкс, тој зборуваше за меѓународни прашања, а кога е во прашање војната во Газа, рече дека „знаел дека многумина нема да се вратат“ кога видел снимки како се однесувале со заложниците за време на нападот на Хамас, пренесува „The Times of Israel“.
„Меѓу вас гледам многу знамиња на Израел. Тоа е страшна работа, но морам да кажам, верувам дека многу од заложниците што ги чекате и сите ги чекаат, многу од нив се мртви. Некои ќе бидат живи, но многумина се мртви“, рече Трамп, додавајќи дека ништо од ова немаше да се случи доколку претходните претседателски избори, на кои тој загуби од актуелниот американски претседател Џозеф Бајден, не беа „украдени“.
Тој зборуваше и за лидерските способности на Бајден, наведувајќи дека лидерите на Кина, Русија, Унгарија и Северна Кореја ја извршуваат својата работа „на највисоко ниво“, за разлика од Бајден.
Трамп најави и дека доколку биде избран за втор претседателски мандат на изборите на 5 ноември, ќе ги стави САД во позиција „светот повторно да ги почитува“.
Тој вети дека ќе ја подобри транспортната инфраструктура и ќе ја обнови „најголемата економија“, говорејќи во метрополитенската област Бронкс во Њујорк, каде што мнозинството гласачи традиционално одат за демократските кандидати.