Во своето инаугуративно обраќање, претседателот Доналд Трамп вети златно доба за Америка, неколку минути откако по вторпат положи заклетва како претседател во извонредно политичко враќање по два обиди за атентат, кривично дело и обвинение за обид да го поништи неговиот изборен пораз во 2020 година.

„Златното доба на Америка започнува сега“, рече Трамп, нагласувајќи дека под негово водство земјата „ќе процвета и ќе биде почитувана“.

Тој тврдеше дека победата му дала мандат да го смени „ужасното предавство на американскиот народ“.

Тој ја осуди администрацијата на поранешниот претседател Џо Бајден и нејзиното справување со мигрантската криза, велејќи дека земјата има криза на „доверба“ во сопствената влада.

Потсетувајќи се на обидот за атентат што го преживеал за време на кампањата, тој рече дека Бог го спасил за да „ја направи Америка повторно голема“ и заклучи дека денот на неговата инаугурација е денот на ослободувањето на земјата.

Ќе прогласи вонредна состојба на јужните граници и ќе бидат стопирани сите нелегални влезови и ќе започне депортацијата на илегалните мигранти, што беше поздравено со аплауз од толпата. Тој повторно ќе ја воведе антиимигрантската политика „престој во Мексико“ и ќе испрати војска да „одбие деструктивна инвазија на земјата“.

Тој ќе ги прогласи нарко-картелите за терористички организации со цел да го спречи влезот на дрога во земјата, а најави и жестоко сузбивање на криминалот во земјата.

Тој најави и промена на енергетската политика.

Америка повторно ќе има производство, вклучително и автомобилската индустрија, и ќе произведува енергија што ќе се извезува низ целиот свет, рече Трамп.

Џо Бајден помилува членови на неговото семејство во последните минути од неговиот претседателски мандат.

„Моето семејство беше подложено на немилосрдни напади и закани, мотивирани исклучиво од желбата да ме повредат – најлошиот вид на партиска политика. За жал, немам причина да верувам дека овие напади ќе престанат“, рече тој во изјавата објавена неколку минути пред церемонијата на инаугурација на која Доналд Трамп стана нов американски претседател, пренесува Си-Ен-Ен.

„Затоа, според Уставот, јас го користам моето овластување да ги помилувам Џејмс Б. Бајден, Сара Џонс Бајден, Валери Бајден Овенс, Џон Т. Овенс и Френсис В. Бајден“.

Тој веќе го помилува својот друг син, Хантер, минатиот месец пред неговата пресуда за федерално кривично дело за оружје и данок.

Тој, исто така, издаде превентивно помилување за јавни функционери на кои претходно им се закануваа Трамп и други републикански функционери.

Доналд Трамп положи заклетва и официјално стана 47-ми претседател на САД.

„Свечено се колнам дека ќе го поддржам и бранам Уставот на Соединетите Држави против сите непријатели, странски и домашни; дека ќе бидам верен на истото; дека оваа обврска ја преземам слободно, без никаква ментална резерва или намера за затајување и дека совесно и верно ќе ги извршувам должностите на функцијата што ќе ја преземам, затоа Бог помогни ми, гласи заклетвата штоТрамп ја прочита на две библии.

Инаку, иако првично беше планирано Трамп да положи заклетва пред Капитол пред 200.000 луѓе, како што беше најавено, церемонијата беше преместена во зградата поради екстремно студеното време, поточно на  делот од Капитолот под најголемата централна купола на зградата.

Овој простор содржи скулптури, релјефи и слики на најважните американски претседатели и други значајни личности или оние кои оставиле најголем белег во историјата на таа земја. Со претседателите Хари Труман, Двајт Ајзенхауер, Џејмс Гарфилд, Улис Грант и други, како и Мартин Лутер Кинг, Елизабет Кејди Стентон, Сузан Ентони.

На заклетвата и претходеше свечен дел кој се состоеше од:

Музички вовед изведен од комбинираните хорови на Универзитетот во Небраска-Линколн;

Воведен дел: Мелодија „The President’s Own“ во изведба на Бендот на американскиот маринци;

Кардиналот Тимоти Долан, архиепископ од Њујорк, и свештеникот Френклин Греам од Samaritan’s Purse и Евангелистичкото здружение Били Греам, принесоа молитва;