Свет
Лавров откри кој е виновен што немало преговори со Украина
Москва беше подготвена да преговара со Украина во првите месеци од војната, но САД и другите западни земји го советуваа Киев да не го стори тоа.
Ова денеска во Преторија го изјави рускиот министер за надворешни работи Сергеј Лавров.
„ Познато е дека го поддржавме предлогот на украинската страна да се преговара на почетокот на специјалната воена операција и дека двете делегации се договорија за принципот за решавање на овој конфликт до крајот на март. Познато е дека нашите американски, британски а некои европски колеги и рекоа на Украина дека е рано за договор, а аранжманот што беше речиси договорен никогаш не беше разгледан од режимот во Киев“, рече Лавров.
Слични изјави минатата година имаше и рускиот претседател Владимир Путин, кој рече дека Москва е за преговори, но дека западните сојузници на Украина ги спречиле да се случат.
САД и другите западни земји рекоа дека Русија не е сериозна во преговорите за завршување на војната, која започна со рускиот напад врз Украина пред 11 месеци.
Лавров денеска во Преторија разговараше со шефот на јужноафриканската дипломатија Наледи Пандор, како дел од напорите на Русија да ги зајакне врските со најразвиената африканска земја и нејзиниот историски сојузник, во екот на конфликтот во Украина.
Јужна Африка се смета за најзначајна од неколкуте африкански држави кои зазедоа неутрален став за војната во Украина и одбија да ја осудат руската инвазија, на разочарување на САД и другите западни земји кои исто така ја гледаат како централна во нивните планови, за градење односи во Африка.
Посетата на Лавров на Јужна Африка е негова втора посета на африканскиот континент во последните шест месеци, во време кога Русија се обидува да обезбеди поддршка од други земји. Се очекува Лавров да посети и други африкански земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.