Европа
Меркел и Оланд со осуда за нападот во Истанбул

Германската канцеларка Ангела Меркел изрази сочувство во врска со нападот за време на новогодишната прослава во ноќниот клуб во Истанбул, во кој беа убиени 39 и ранети 70 лица, нагласувајќи дека „терористите извршиле нехуман напад врз луѓе, кои заедно сакале да ја прослават Новата година“.
„Моите мисли денеска се со жртвите, нивните семејства и пријатели“, рече Меркел.
Министерот за надворешни работи на Германија Франк Валтер Штајнмаер исто така упати сочувство до оние кои ги загубиле своите блиски.
Тој осудувајќи го овој „суров и кукавички напад“ нагласи дека неговата земја „стои до Турција во овие тешки мигови“.
Претседателот на Франција, Франсоа Оланд упати порака за солидарност со народот на Турција по нападот, соопшти Елисејската палата.
„Претседателот на републиката остро го осудува терористичкиот напад, во кој загинаа најмалку 39 лица за време на новогодишната забава во истанбулската дискотека“, се вели во соопштението.
Оланд нагласи дека е неопходно да се обединат силите и со заеднички напори да се води борбата против тероризмот насекаде во светот.
Италијанскиот министер за надворешни работи Анџелино Алфано смета дека е потребно единство меѓу државите и континентите за да се води борба против тероризмот. Тој на
Твитер наппиша дека новогодишниот напад во Истанбул е показател дека борбата против тероризмот не запира за време на празниците./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Знамиња со кукасти крстови се појавија во Стокхолм на роденденот на Хитлер, полицијата започна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.
Европа
Објавени првите фотографии од телото на папата Франциско: во рацете има бројаница

Ватикан утрово ги објави првите фотографии од телото на папата Франциско. Неговото тело е положено во едноставен дрвен ковчег, со бројаница во рацете, митра на главата и облечен во црвена литургиска одежда, ден откако почина од последиците од мозочен удар во неговиот дом.
Телото на папата Франциско се уште се наоѓа во неговиот дом Санта Марта, каде што тој се опоравуваше откако помина повеќе од еден месец во римската болница Гемели поради билатерална пневмонија.
Според планот, утре, 23 април, среда, телото ќе биде преместено во базиликата Свети Петар за да можат верниците да им оддадат почит.
Европа
Украина: Соборивме 38 руски дронови, лансираа 54

Во текот на ноќта Русија лансираше 54 беспилотни летала, од кои 38 беа соборени, додека останатите 16 не стигнаа до целите. Регионите на Одеса и Киев беа нападнати во текот на ноќта, а во утринските часови започнаа нова непријателска акција, соопшти денеска Авијацијата на вооружените сили на Украина, пренесува УНН.
Според извештајот на Авијацијата на вооружените сили на Украина, Русите синоќа нападнале со 54 нападни беспилотни летала (UAV), а зоните за лансирање биле Милерово, Курск, Брјанск, Приморско-Ахтарск (Русија) и Чауда (Крим).
Воздушниот напад е одбиен со помош на воздухопловните сили, противавионски ракетни единици, опрема за електронско војување и мобилни огнени групи на украинската одбрана, соопштија тие.
До 9 часот потврдено е дека биле соборени 38 нападни беспилотни летала Шахед на истокот, северот, југот и центарот на земјата, објави Военото воздухопловство на социјалните мрежи.
„Поради непријателскиот напад беа погодени регионите на Одеса и Киев“, се вели во извештајот.
„Нов бран руски напади започна во 8 часот! Групи ударни беспилотни летала влегуваат од север над областа Суми“, нагласија од воздухопловните сили на вооружените сили на Украина.