Свет
Најбогатите во САД не плаќаат речиси никаков данок
Информации кои откриваат колку малку данок на доход плаќаат американските милијардери протекоа на веб-страницата ПроПублика.
Веб-страницата наведува дека ги видела даночните пријави на некои од најбогатите луѓе во светот, вклучувајќи ги Џеф Безос, Илон Маск и Ворен Бафет. Како што се наведува, Безос, сопственикот на „Амазон“, не платил данок во 2007 и 2011 година, додека Маск, сопственикот на „Тесла“, не платил ништо во 2018 година.
Портпаролката на Белата куќа го нарече протекувањето на информациите „незаконско“, а ФБИ и даночните власти истражуваат.
ПроПублика соопшти дека го анализира она што го нарече „огромна количина на податоци од Даночната управа“ за даноците на милијардерите и ќе објави други детали во текот на следните недели.
Протекувањето на овие информации се јавува во време на растечка дебата за износот на данокот платен од богатите и проширување на нееднаквоста.
ПроПублика наведува дека најбогатите 25 Американци плаќаат помал данок или во просек 15,8% од прилагодениот бруто приход, за разлика од повеќето мејнстрим работници во САД.
„ Бевме мошне зачудени од тоа дека можете да го намалите [данокот] на нула ако сте мултимилионер. Ултра богатите луѓе можат да го заобиколат системот на целосно легален начин“ изјави Џес Ајзангер, уредник во ПроПублика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ја откажа посетата на Германија поради ураганот Милтон
Американскиот претседател Џозеф Бајден го одложи планираното патување во Германија и Ангола за да остане во Белата куќа поради ураганот Милтон на брегот на заливот на Флорида, соопшти денеска Белата куќа.
Портпаролката на Белата куќа Карин Жан-Пјер рече дека промената е неопходна „со оглед на проектираниот пат и силата“ на бурата.
Таа не прецизираше кога патувањето би можело да биде презакажано. Бајден претходно вети дека ќе оди во Африка за време на неговиот мандат, кој завршува во јануари.
Свет
(Видео) Напaднат унгарскиот премиер Виктор Орбан
Членот на Унгарската демократска коалиција Мартон Џекички денеска го нападна унгарскиот премиер Виктор Обран за време на прес-конференција во Европскиот парламент.
На видеото објавено од Corriere della Sera се гледа како човек, кој обезбедувањето го крева од подот, му вика на премиерот.
🔵#Strasburgo Protesta solitaria durante la conferenza stampa del premier ungherese. Pochi minuti dopo l’inizio, un giovane ha fatto irruzione in sala, si è avvicinato a #Orban urlando parole in ungherese e gettandogli addosso fogli e cartacce. L’uomo è stato subito immobilizzato pic.twitter.com/ajmNhPFQVu
— Rai Radio1 (@Radio1Rai) October 8, 2024
Орбан не е повреден во инцидентот, а обезбедувањето брзо го совлада Џекички и го фрли на подот, по што беше изнесен од собата.
„За колку ја изневери државата, премиере?“, го праша Џекички Орбан додека неговите телохранители го водеа надвор од салата.
Орбан по инцидентот коментираше дека „унгарскиот е директен јазик и дека комуникацијата може да биде груба“, пренесува унгарски Телекс.
„Кога еден политичар ќе му каже на друг дека е негативец, во нашата култура тоа значи „не се согласувам со тебе“, рече Орбан.
Како што потсетува Телекс, Џекички фрлал монети кон Орбан за време на инцидентот во Кеч на почетокот на септември во знак на протест.
Свет
Во експлозија во Пакистан загинаа двајца кинески инженери кои работеа на електрана
Двајца кинески државјани, кои во неделата загинаа во експлозија во близина на меѓународниот аеродром во Карачи, работеле во електрана, соопштија денеска властите.
Ројтерс објави дека тоа е еден од најсериозните напади врз кинески државјани во Пакистан откако бомбаш самоубиец уби пет кинески инженери кои работеа на хидроелектричен проект во март, што го натера Пекинг да го повика Исламабад да преземе построги безбедносни мерки.
Кинеската амбасада во Исламабад и пакистанското Министерство за надворешни работи ја опишаа неделната експлозија како „терористички напад“.