Свет
Одбиена жалбата на Асанж за одлуката за екстрадиција во САД
Британскиот Врховен суд денеска одби да ја разгледа жалбата од основачот на „Викиликс“, Џулијан Асанж, против одлуката со која може да биде екстрадиран во САД, каде што треба да се соочи со обвинение за шпионажа. Судот „ја отфрли жалбата со образложение дека не е законски основана“, рече портпаролот.
Владата на САД сака на 50-годишниот Австралиец да му се суди по 18 точки поврзани со објавувањето на серија тајни американски воени податоци и дипломатски телеграми од страна на „Викиликс“, тврдејќи дека тоа ги загрозило животите на многумина. Оваа одлука ги исцрпува правните можности на Асанж во Обединетото Кралство да избегне судење во САД за серија обвиненија поврзани со објавување тајни документи пред повеќе од една деценија.
Неговиот случај сега ќе биде вратен на британската министерка за внатрешни работи Прити Пател. Асанж се наоѓа во лондонскиот затвор Белмарш од 2019 година, кога беше уапсен поради кршење на условното ослободување во посебен правен случај. Пред тоа, тој помина седум години во амбасадата на Еквадор во Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.