Европа
(Од минута во минута) Заврши третата рунда преговори, Русија: Очекувањата не се исполнети, Украина: Продолжуваат консултациите за прекин на огнот и безбедносни гаранции
Денес е 12-ти ден од руската инвазија на Украина.
Клучни настани:
Додека војната во Украина продолжува, светот денеска ги чека преговорите меѓу руската и украинската делегација.
Според Високиот комесаријат на ОН за бегалци (УНХЦР), повеќе од 1,5 милиони луѓе ја напуштиле Украина од почетокот на војната. Повеќето избегале во Полска.
Во текот на денот треба да следи отворање на хуманитарни коридори и нова рудна преговори.
Најмалку 1,5 милиони луѓе ги напуштиле своите домови од почетокот на војната.
Од минута во минута :
21.20 Зеленски утре ќе се обрати во британскиот парламент
Украинскиот претседател Володимир Зеленски утре во 18 часот ќе одржи говор пред британските пратеници
20.50 Јасни упатства за жителите на Мариупол: Не излегувајте додека не слушнете порака на разглас
Во пристанишниот град Мариупол на југот на Украина полицијата одела од засолниште во засолниште за да им пренесе едноставна порака на оние што со денови се под земја поради бруталното руско гранатирање во опколениот град со 430.000 жители, пишува „Гардијан“
20.20 Бајден, Макрон, Шолц и Џонсон ја потврдија својата решителност во однос на Украина
Американскиот претседател Џозеф Бајден и лидерите на Франција, Германија и на Велика Британија вечерва на видеоконференција ја потврдија својата решеност да продолжат да ја зголемуваат цената за „неиспровоцираната и неоправдана инвазија на Русија на Украина“, соопшти Белата куќа
20.00 Рускиот преговарач најави четврта рунда преговори: Ќе се одржат многу набргу
Рускиот преговарач најави четврта рунда преговори: Ќе се одржат многу набргу
Четвртата рунда преговори со Украина се очекува во многу, многу блиска иднина, изјави рускиот преговарач, пренесува „Ројтерс“
19.45 Украинскиот преговарач Подољак: Продолжија интензивните консултации за прекинот на огнот
Продолжија интензивните консултации за основниот политички блок регулативи, со прекин на огнот и безбедносни гаранции
19.30 Шефот на рускиот преговарачки тим: Очекувањата не се исполнети
Не се исполнија очекувањата на руската страна од преговорите со Украина во регионот Брест, изјави шефот на руската преговарачка делегација и помошник на претседателот на Русија Владимир Медински
19.20 Заврши третата рунда преговори меѓу Русија и Украина
Третата рунда преговори меѓу делегациите на Русија и Украина заврши вечерва во регионот Брест во Белорусија, соопшти руската амбасада во Минск
18.35 (Видео) Жестоки борби во Миколаев
Си-Ен-Ен јавува дека продолжуваат жестоките борби во Миколаев, град на околу 280 километри јужно од Киев
18.20 (Видео) Запросување во воениот пекол – како украински војник запроси девојка!
Украинските медиуми објавија видео од запросување, кое никого не остави рамнодушен
18.00 Украинците објавија фотографија од заробени руски војници – добредојдовте во пеколот
Украинските вооружени сили објавиле фотографија на „Фејсбук“ од заробени руски војници.
Легендарниот напаѓач на Украина и на „Милан“, Андриј Шевченко, гостуваше во италијанската државна телевизија РАИ, каде што зборуваше за ситуацијата во Украина, која трпи жестока агресија од Русија. Шевченко низ солзи им кажа на Италијанците дека дел од неговото семејство е во родната земја
17.30 Трудо најави нови санкции против 10 лица од Русија
Канадскиот премиер Џастин Трудо денеска најави нови санкции против 10 лица за кои рече дека биле соучесници во неоправданата инвазија на Украина
17.15 Јапонија ги повлекува вработените од Амбасадата во Украина
Јапонија утрово соопшти дека привремено ќе ги исели сите членови на својата амбасада во Украина
17.00 (Видео) Камион ги урна портите на руската амбасада во јужен Даблин
Голем камион денеска ги урнал портите на руската амбасада во Даблин. Еден човек е уапсен и одведен во станицата Ратфарнам Гарда
16.45 Карл Нехамер: Австрија ќе остане неутрална во однос на рускиот напад врз Украина
Австрискиот канцелар Карл Нехамер изјави дека има намера да работи за да ја задржи својата земја неутрална во светло на војната и рускиот напад врз Украина
16.30 Велика Британија ги отфрли барањата безусловно да ги пушти луѓето од Украина во земјата
Премиерот Борис Џонсон ги отфрли барањата за Британија да ги олесни визните барања за украинските бегалци што бегаат од конфликтот велејќи дека Британија е дарежлива земја, но мора да продолжи да проверува кој влегува во неа
Поранешниот командант на НАТО, Џејмс Ставридис, смета дека рускиот претседател Владимир Путин можеби е најдоброто нешто што ѝ се случило на западната воена алијанса
16.00 Луѓето на Путин минатата година: Сѐ ќе почне во Украина и ќе заврши со нуклеарна војна со НАТО
Дека Русија се подготвува за војна со Украина, минатата година сугерираа руски медиумски пропагандисти и државни функционери. Тогаш рекоа дека борбата ќе почне во Украина, но дека ќе се прошири многу повеќе
15:45 Москва: Војната можеме да ја прекинеме веднаш, но ова се нашите услови
Портпаролот на Кремљ, Дмитриј Песков, изјави дека Русија е подготвена да ја прекине операцијата против Украина во секој момент доколку Киев ги прифати условите од Москва.
„На Украинците им беше кажано дека сето ова може да се заврши во секој момент“, рече Песков
14:40 Путин: Главна закана се националистите, кои користат терористички тактики под маската на населението
Рускиот претседател Владимир Путин разговараше со претседателот на Европскиот совет, Шарл Мишел, и го презентираше ставот на Русија за специјалната операција во Украина. Тој ја повика Европската Унија да даде вистински придонес за спасување животи, притискајќи ги властите во Киев и принудувајќи ги да го почитуваат хуманитарното право.
Discussed with President @KremlinRussia_E the unfolding tragic situation in #Ukraine
The EU condemns in the strongest possible terms Russia’s aggression against Ukraine.
— Charles Michel (@eucopresident) March 7, 2022
Литванскиот претседател Гитанас Наузеда денеска го предупреди министерот за надворешни работи на САД, Ентони Блинкен, дека неуспехот да се запре руската агресија во Украина ќе доведе до глобален конфликт.
12:25 Берлускони уште во 2014 знаел што ќе се случи
Поранешниот италијански премиер Силвио Берлускони имаше јасни идеи за меѓународната политичка сцена и нејзината иднина уште во 2014 година.
12:20 Русија објави листа со непријателски земји – на неа и Македонија
Владата на Руската Федерација денеска го одобри списокот на странски земји и територии кои, како што се наведува, претставуваат непријателски дејствија против Русија, нејзините компании и граѓани. На списокот се наоѓа и Македонија, а други земји од регионот се Црна Гора и Албанија
11:58 Кличко: Русите го убија мојот колега додека делеше леб на луѓето
Градоначалникот на Киев, Виталиј Кличко, во видеонајава на Телеграм рече дека Киев ќе се брани од рускиот окупатор.
11:54 Украина: Русија продолжува со ракетните напади од белоруската граница
Украинскиот Генералштаб објави дека Русија продолжува со ракетните напади од границата со Белорусија.
11:50 Руската делегација пристигна во Белорусија, наскоро почнуваат преговорите
Не е соопштена точната локација на третата рунда преговори, како и времето кога се планира да се одржи средбата.
11:30 Австријците стравуваат од нуклеарна војна
Во Австрија растат стравувањата дека украинскиот конфликт би можел да се прошири, како и дека може да се користи нуклеарно оружје, покажуваат најновите истражувања, пренесуваат тамошните медиуми.
Словачката полиција на својот Фејсбук објави приказна за 11-годишно момче од Запорожје, кое бегајќи од војната, без придружба пристигнало во Словачка преку граница.
Подоцна по него дошле роднините на момчето, а сето тоа благодарение на бројот испишан на неговата рака.
10:50 Смртта на украинскиот член на делегацијата се уште мистерија
Михаил Подољак, советник на началникот на кабинетот на украинскиот претседател Володимир Зеленски, изјави дека убиството на Киреев нема никаква врска со работите на делегацијата, пренесува „Телеграф“.
„ Пукањето нема врска со работата на делегацијата. Беше надвор од преговарачкиот процес, беше во Киев и таму избувна еден вид конфликт“ рече Подољак, кој не објасни за каков конфликт се работи.
#BREAKING: Denis Kireev, a member of Ukraine’s negotiating team with Russia, who was killed today, was a Ukraine intel officer and was killed during an operation – Ukraine’s military intelligence https://t.co/9LRvHpcH30 pic.twitter.com/0X9W8EX2GT
— Amichai Stein (@AmichaiStein1) March 5, 2022
10:35 Мајки му порачаа на рускиот гувернер: Ги праќаш нашите деца како топовско месо
На социјалните мрежи се појави видео на кое се тврди дека мајките на руските војници му поставуваат прашања на Сергеј Цивиљев, гувернерот на руската област Кузбас во јужен Сибир.
10:40 Колку изнесува платата на војниците кои заминаа да војуваат во Украина?
Конфликтот во Украина и сè што се случува во таа земја веќе ги отвори вратите за странските борци, но и за странските платеници.
За денот на војување или „извлекување цивили“, како што официјално се нарекува работата, на која може да се пријават заинтересираните, земале плата од 1.000 до 2.000 долари, јавуваат хрватските медиуми. Платата зависи од локацијата на работното место, а има и различни бонуси.
10:30 Зеленски до руските војници: „Ќе ве гониме до гроб“
Украинскиот претседател Володимир Зеленски ги предупреди руските војници дека неговите сили ќе го „бркаат до гроб“ секој војник што ќе изврши воени злосторства на територијата на Украина, јавуваат агенциите, повикувајќи се на Би-би-си.
10:00 Украинa: Најмалку осум лица загинаа во Харков во последните 24 часа
Најмалку осум лица загинаа во руското бомбардирање на станбена зона во североисточниот град Харков во последните 24 часа, соопшти украинската служба за итни случаи.
09:20 Украинска армија: Битката за Киев ќе биде клучна, Русите се движат кон освојување
Генералштабот на украинските вооружени сили утринава соопшти дека руските сили се подготвуваат да го нападнат Киев обидувајќи се да ја преземат целосната контрола врз градовите Ирпин и Буча, недалеку од Киев, и со приближување до главниот град преку источните предградија.
09:00 Шифрирани разговори меѓу Бајден и Зеленски
Соединетите Американски Држави му дадоа на украинскиот претседател Володимир Зеленски шифрирана комуникациска опрема, што му овозможува да го контактира американскиот претседател Џо Бајден преку безбедна телефонска линија, пишува „Њујорк тајмс“.
08:40 Пристанишниот град Миколаев повторно под силен напад
Градот Миколаев повторно под силен напад на руските сили, јавуваат агенциите.
Бомбардирањето на овој пристанишен град започна околу 5 часот наутро по локално време.
08:05 Русија најави отворање на хуманитарни коридори во неколку градови во Украина
Русија денеска ќе отвори нови хуманитарни коридори низ неколку украински градови, со цел да се овозможи евакуација на цивили, јавува Би-би-си.
Најмалку 1,5 милиони луѓе ги напуштиле своите домови од почетокот на војната
Десетици илјади луѓе се заробени во Мариупол, Киев и други градови кои наскоро би можеле да бидат во руската околина.
Западните разузнавачки претставници очекуваат Русија да го зголеми темпото и силата на нападите врз клучните центри, вклучувајќи го и главниот град Киев.
#Mykolaiv: People are looking at what's left of their houses. pic.twitter.com/kfeoP6fcIj
— NEXTA (@nexta_tv) March 7, 2022
Министерството за одбрана на Русија тврди дека Службата за безбедност на Украина подготвува провокација со екстремистите „Азов“ со можно радиоактивно загадување на животната средина во областа Харков.
Украинската војска вели дека битката за Киев ќе биде клучна.
Генералштабот на украинските вооружени сили утринава соопшти дека руските сили се подготвуваат да го нападнат Киев обидувајќи се да ја преземат целосната контрола врз градовите Ирпин и Буча, недалеку од Киев, и приближувајќи се кон главниот град преку источните предградија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Италија одржува референдум за државјанство и работнички права, Мелони повика на бојкот
Италијанците денеска и утре гласаат на референдум за ублажување на правилата за државјанство и зајакнување на законите за труд, а владата на Џорџија Мелони се спротивставува на обете промени и ги повикува луѓето да се воздржат.
Референдумот има за цел да ги олесни правилата за државјанство, при што возрасните жители кои не се членки на ЕУ ќе можат да аплицираат за државјанство по пет години живеење во Италија, доколку биде одобрено.
Возрасен жител кој не е член на ЕУ и нема брак или крвни врски со Италија мора да живее во земјата 10 години пред да може да аплицира за државјанство – процес кој потоа може да трае со години.
Предлогот за референдум, поттикнат од кампања на локално ниво предводена од невладини организации, би го скратил ова на пет години, ставајќи ја Италија на исто ниво со Германија и Франција.
Активистите велат дека околу 2,5 милиони луѓе би можеле да имаат корист од реформата, која ја поддржува централнолевичарската Демократска партија.
Мелони, чија крајно десничарска партија „Браќа на Италија“ даде приоритет на намалувањето на нелегалната имиграција, дури и додека го зголемува бројот на легални работни визи за мигрантите, е силно против тоа.
Таа во четвртокот изјави дека сегашниот систем „е одличен закон, меѓу најотворените, во смисла дека со години сме меѓу европските нации што доделуваат најголем број државјанства секоја година“.
Повеќе од 213.500 луѓе добиле италијанско државјанство во 2023 година, што е двојно повеќе од бројот во 2020 година и една петтина од вкупниот број во Европската Унија, според статистиката на ЕУ.
Мелони и нејзините коалициски партнери ги охрабрија гласачите да го бојкотираат референдумот, кој ќе биде валиден само ако учествуваат 50 проценти од гласачите со право на глас плус еден.
Дури и ако помине, реформата нема да влијае на законот за миграција што многумина го сметаат за најнеправеден, односно дека децата родени во Италија од странски родители не можат да побараат државјанство додека не наполнат 18 години.
Интереси на работниците
Гласачкото ливче вклучува и четири други прашања за зголемена заштита на работниците кои се отпуштени, во несигурни ситуации или вклучени во несреќи на работното место.
Предлозите се иницирани од левичарскиот синдикат CGIL.
„Сакаме да ја смениме културата што ги стави интересите на бизнисот пред оние на работниците“, рече лидерот на CGIL, Маурицио Ландини.
И покрај тоа што самата Демократска партија учествувала во донесувањето на дел од спорните закони, таа сега ги поддржува реформите, надевајќи се дека ќе придобие дел од работничката класа, особено во услови кога поддршката за партијата изнесува околу 23%, според анкетата на SWG, зад „Браќата на Италија“ со 30%.
Европа
Захарова: Убедени сме дека Србите се свесни за ризиците поврзани со продажбата на оружје на Украина
Москва ги зеде предвид коментарите на српскиот претседател Александар Вучиќ за ревизијата на одредбите за српското воено производство по објавувањето на податоците од страна на Руската служба за надворешно разузнавање (СВР), потврди портпаролката на руското Министерство за надворешни работи, Марија Захарова.
Прес-уредот на Руската служба за надворешно разузнавање минатата недела објави дека српските воени компании ги снабдуваат Вооружените сили на Украина со муниција и покрај декларираната неутралност на Белград.
„И покрај ‘неутралноста’ декларирана од српските власти, српските воени компании продолжуваат да ја снабдуваат Украина со муниција. Покривањето на ова е шема што користи лажни сертификати на крајни корисници и земји посредници. Кога сме кај вторите, најчесто се споменуваат земјите од НАТО, имено Чешка, Полска и Бугарија“, нагласија тогаш руските разузнавачи.
Коментирајќи ги обвинувањата од Русија, српскиот претседател Александар Вучиќ изјави дека приватно разговарал за ова прашање со рускиот претседател Владимир Путин. Тој додаде дека е формирана комисија за да се испита веродостојноста на обвинувањата.
„Ги забележавме јавно изјавените уверувања на српските државни раководители дека ќе биде поведена ревизија на воено-техничката соработка на Белград со странски партнери, со цел да се идентификуваат измами со сертификати за крајни корисници. Претпоставуваме дека најавените мерки ќе овозможат навремено евидентирање и прекинување сомнителни извозни трансакции и ќе спречат испраќање воени производи на погрешна адреса“, рече Захарова.
Според Захарова, Русија е убедена дека „Србија е добро запознаена со сите ризици поврзани со паѓањето на производите од националниот воено-индустриски комплекс во рацете на режимот во Киев и ќе преземе ефикасни и доволни мерки за да се осигури дека ништо нема да фрли сенка врз добрите односи меѓу Москва и Белград“.
Европа
Зеленски: Русите го реструктуираа целото општество за да може да убиваат неказнето
Украинскиот претседател Володимир Зеленски синоќа реагираше на социјалните мрежи на ветувањето на рускиот лидер Владимир Путин дека ќе одговори на неодамнешниот напад на Киев врз руските воени аеродроми.
„Путин многу цврсто рече дека ќе мора да одговори на неодамнешниот напад врз аеродромите“, напиша американскиот претседател Доналд Трамп во објава на социјалните мрежи по телефонскиот разговор со Путин вчера.
Трамп делумно се осврна на нападот со беспилотни летала наречен „Операција Пајажина“ врз руските воени аеродроми во неделата, за кој се проценува дека уништил авиони и опрема во вредност помеѓу 4 и 6 милијарди евра. Белата куќа наводно не била информирана однапред за нападот од Украина.
„Многумина разговарале со Русија на различни нивоа. Сепак, ниту еден од овие разговори не донел сигурен мир ниту ја запрел војната“, одговори Зеленски во својата објава.
„За жал, Путин се чувствува неказнето. Дури и по сите ужасни руски напади, тој наводно подготвува повеќе таканаречени „одговори““, се вели во постот.
„Ова значи дека со секој нов напад, со секое одложување на дипломатијата, Русија покажува среден прст кон целиот свет – кон сите оние кои сè уште се двоумат да го зголемат притисокот врз неа“, забележа украинскиот претседател. „Сепак, Русија треба да бара мир. Токму во Москва мора да почнат да чувствуваат дека војната има цена, висока цена, а агресорот треба да ја плати највисоката цена“.
Зеленски изјави дека од почетокот на 2025 година, руската војска извршила напади врз Украина користејќи речиси 27.700 воздушни бомби, речиси 11.200 Шахед (дронови), речиси 9.000 други ударни дронови и повеќе од 700 ракети, вклучувајќи балистички ракети.
„Ова е темпото на руските напади, а тие намерно го поставија уште од првите денови од целосната војна. Русија ја реструктуираше целата своја држава, општество и економија за да може масовно и неказнето да убива луѓе во други земји“, напиша Зеленски.
Украинскиот претседател нагласи дека ако светот реагира слабо на заканите на Путин, тој го толкува ова како подготвеност да се затворат очите пред неговите постапки. Кога не чувствува сила и притисок, туку чувствува слабост, тој секогаш извршува нови злосторства. Тој го гледа таквиот став како премолчена дозвола: дозвола за нови злосторства, нови напади, нови убиства.
„Затоа ние во Украина сме благодарни на сите во светот кои се обидуваат да ја спречат оваа војна и руските напади. На сите кои му кажуваат на убиецот дека ќе биде повикан на одговорност. На сите кои велат дека руските ракети и бомби мора да престанат да одземаат невини животи“, нагласи Володимир Зеленски.
„И денес, на Денот на сеќавање на украинските деца убиени од руската агресија, ги потсетуваме моќните од овој свет на фактите. Ако моќните не го спречат Путин, тоа значи дека ја делат одговорноста со него. И ако сакаат да го спречат, но не можат, тогаш Путин повеќе нема да ги смета за моќни“, заклучи Зеленски.
Предлогот Азир Алиу да биде министер за здравство утре пред пратениците, Владата од него очекува макотрпна работа и посветеност
Собранието утре треба да го разгледа владиниот предлог Азир Алиу да биде министер за здравство. Во биографијата пишува дека Алиу...
(Видео) Митева: Одморалиштето Пониква се става на располагање за рехабилитација на повредените од Кочани
Владата во текот на следната недела ќе донесе одлука со која одморалиштето Пониква, кое е во сопственост на Министерството за...
(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС
Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки...
(Видео) Кузеска: Масовна и груба партизација, објавуваме список за 50 партиски вработувања во РЕК Осломеј
Владата на ВМРО-ДПМНЕ спроведува масовна, бртутална партизација на институциите преку нова серија вработувања со партиски списоци, рече денеска на прес-конференција,...
(Видео) Аврамовски: Наместо пари за питијади и ајваријади, општините да инвестираат во повеќе јавни паркинзи, зеленило и подобри услови во градинките и училиштата
Либерално-демократската партија (ЛДП) упатува јавен повик до општините ширум државата: да престанат со расфрлање на јавните средства за еднодневни настани...
(Видео) Силен украински напад врз Москва: гори фабрика, затворени се аеродроми
Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија...
(Фото) Трамп испраќа 2.000 војници од Националната гарда во Лос Анџелес поради демонстрантите
Администрацијата на американскиот претседател Доналд Трамп соопшти дека ќе испрати 2.000 војници од Националната гарда во Лос Анџелес по вториот...
Колумбискиот претседателски кандидат Мигел Урибе застрелан на изборен настан
Колумбискиот претседателски кандидат Мигел Урибе се бори за својот живот во болница откако беше застрелан во Богота. 39-годишниот сенатор, кој...
Времето денеска ќе биде сончево и многу топло, од утре засилен северен ветер, пороен дожд и грмежи
Времето денеска ќе биде сончево и многу топло со мала до умерена локална облачност. Ќе дува слаб до умерен ветер...
(Видео) Митева: Нов канал за директна комуникација со повредените во трагедијата во Кочани – 070 355 526
Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...
ИЈЗ издаде препораки за заштита од високите температури
Институт за јавно здравје повикува на почитување на мерките на заштита и претпазливост за време на високи амбиентни температури. „Кога...
(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени
Русија го нападна источниот украински град Харков со беспилотни летала, ракети и бомби, при што загинаа најмалку три лица, а...
ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале
Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично...
ЕУ се согласи да го зголеми времето на доцнење на летовите пред патниците да добијат надомест
ЕУ земјите се согласија да го зголемат времето на доцнење на авионските летови што е потребно за патниците да имаат...
Невреме во Скопје: паднати дрвја, поплавени улици, заглавени возила кај „Мавровка“
Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
Николоски: Позицијата на Македонија станува афирмирана во Европа
Дали Извештајот за Македонија ќе се усвои оваа недела и следната во Европскиот Парламент не менува ништо. Ова се историски...
