Европа
(Од минута во минута) Путин возврати за протерувањето руски дипломати, Зеленски: Путин би можел да употреби нуклеарно оружје
Специјалната операција на руската армија во Украина денеска влезе во 51. ден
Клучни настани
Зеленски ги предупреди сите земји во светот дека Путин може да употреби нуклеарно оружје
Путин возврати на протерувањето руски дипломати – сега тој протера 18 членки на претставништвото на ЕУ во Москва
Зеленски: Преживеавме 50 дена под руски напад
Притисок врз Шолц – да се испрати повеќе оружје во Украина
Експлозии во Киев
Русија би можела да употреби нуклеарно оружје
Од минута во минута:
21:49 Захарова: Се надеваме дека здравиот разум ќе победи во Молдавија
Москва го повика Кишињев да се воздржи од чекори кои им штетат на билатералните односи, изјави денеска портпаролката на руското Министерство за надворешни работи, Марија Захарова откако Молдавија го забрани емитувањето на руските телевизиски канали, но и јавното прикажување на руската Ѓурѓовска лента.
21:34 Зеленски побарал од Бајден да ја прогласи Русија за државен спонзор на тероризмот
Украинскиот претседател Володимир Зеленски неодамна директно побарал од американскиот претседател Џо Бајден да ја означи Русија како држава што го спонзорира тероризмот, објави „Вашингтон пост“, цитирајќи извори запознаени со нивниот разговор.
20:52 САД: Рускиот воен брод „Москва“ беше погоден од два украински проектили
САД веруваат дека рускиот воен брод „Москва“ што потона бил погоден од двe украински ракети, изјави висок американски функционер, пренесува Би-би-си.
20:46 Расте притисокот врз Шолц да испрати тешко оружје во Украина
Германија не смее да ја остави Украина на цедило и мора да ѝ испорача повеќе оружје, изјави министерот за економија и вицеканцелар од Партијата на зелените, Роберт Хабек.
Канцеларот Олаф Шолц е под зголемен притисок, надворешен и внатрешен, порешително да ја поддржи Украина во нејзината одбрана од Русија.
20:11 Зеленски: Путин би можел да употреби нуклеарно оружје
Претседателот на Украина, Володимир Зеленски, денеска изјави дека сите земји во светот треба да бидат подготвени за можноста рускиот претседател Владимир Путин да употреби тактичко нуклеарно оружје во војната против Украина.
19:33 Путин возврати на протерувањето на руски дипломати
Русија прогласи за персона нон грата 18 членки на претставништвото на Европската унија во Москва, соопшти руското Министерство за надворешни работи.
18:51 Москва соодветно ќе одговори на протерувањето руски дипломати од Скопје
Портпаролката на руското МНР Марија Захарова изјави дека Москва „соодветно ќе одговори“ на денешната одлука на Скопје за протерување руски дипломати.
Претходно денеска македонските власти прогласија уште шест руски дипломати за непожелни и им дадоа рок од пет дена да ја напуштат земјата.
14:40 Кремљ по трет пат објави нова главна цел на инвазијата на Украина
Главната цел на специјалната воена операција, како што Москва ја нарекува инвазијата на Украина, е уништување на националистичките баталјони во Украина, изјави денеска портпаролот на Путин, Дмитриј Песков.
„Главната цел е ослободување на Украина од националистичките баталјони. Операцијата продолжува, поставените задачи се добро познати. Тие мора да се завршат и ќе се завршат, нема сомнеж во тоа“, рече Песков.
Шефот на американската дипломатија, Ентони Блинкен, им рекол на европските сојузници дека Америка верува оти руската инвазија на Украина може да трае до крајот на 2022 година, изјавија двајца европски претставници за Си-ен-ен.
И европските и американските претставници проценуваат дека брз крај на војната во Украина не е на повидок.
13:44 Шефот на ЦИА: Путин е очаен
Шефот на ЦИА, Вилијам Барнс, рече дека руската закана за потенцијална употреба на нуклеарно оружје во Украина не може да се сфаќа лесно, но и дека ЦИА не видела многу докази за да ја зголеми загриженоста.
Говорејќи пред студентите и професорите на Технолошкиот институт Џорџија, тој зборуваше за потенцијалниот очај и неуспеси со кои се соочува рускиот претседател Владимир Путин, чии сили претрпеле, како што рече, големи загуби и биле принудени да се повлечат од делови на Украина откако не успеале да го заземат Киев.
12.45 Владимир Путин одржа состанок на Советот за безбедност на Русија
Претседателот на Русија, Владимир Путин, денеска одржа оперативен состанок со постојаните членки на Советот за безбедност на Русија, изјави за новинарите портпаролот на Кремљ, Дмитриј Песков
12:30 (Видео) Финска министерка: Голема е веројатноста да влеземе во НАТО
Финската министерка за европски прашања, Тити Тупураинен, даде интервју за „Скај њуз“ и зборуваше за евентуалниот влез на Финска во НАТО по руската инвазија на Украина.
Таа рече дека Финска е многу веројатно да аплицира за членство во НАТО, додавајќи: „Се чини дека народот на Финска донесе одлука“.
“The people of Finland, they seem to have already made up their mind.”@TyttiTup says it is “highly likely” Finland will join NATO, adding that the “brutal” Ukraine war has been “a wake-up call to us all”.
Latest: https://t.co/7zetOBz8Tc
? Sky 501, Virgin 602 and Freeview 233 pic.twitter.com/96lBVZknqr
— Sky News (@SkyNews) April 15, 2022
11.30 Загина капетанот на руската морнарица
Украинците соопштија дека нивниот капетан Антон Валеријвич загинал во нападот на рускиот воен брод „Москва“
11.10 Руски сенатор откри кога ќе заврши специјалната операција во Украина
Рускиот сенатор Андреј Климов изјави дека руската специјална воена операција во Украина „наскоро ќе заврши“. Како што рече, штом ќе ја направат Украина безбедна за Русија и ќе ја осигураат безбедноста на нуклеарните постројки, ќе заврши воената фаза – рече Климов, напоменувајќи дека тоа ќе се случи во блиска иднина
11:02 Русија тврди дека зазела фабрика во Мариупол
Руските вооружени сили ја окупираа фабриката „Илјич“ во Мариупол, соопшти портпаролот на Министерството за одбрана на Русија, Игор Конашенков.
11.00 Русија: Украина изврши четири напади на наша територија, рането е едно дете
Руското Министерство за одбрана соопшти дека украинските сили вчера во четири наврати ја гранатирале руската територија на границата со Украина
10.15 Русија предупредува: Ќе ги засилиме нападите врз Киев
Портпаролот на руското Министерство за одбрана Игор Конашенков ја предупреди Украина дека нападите врз Киев ќе се интензивираат доколку се изврши каков било напад врз Русија.
09.55 Гувернерот на Луганск: Евакуирајте се додека можете, изберете живот
Гувернерот на украинската област Луганск на истокот на земјата ги повика жителите на таа област да се евакуираат.
09:40 Во Украина денеска се отвораат девет хуманитарни коридори, објавени се детали
За денеска е договорено отворање на 9 хуманитарни коридори, соопшти вицепремиерката на Украина, Ирина Верешчук.
Оние кои сакаат да се евакуираат од градовите Мариупол, Бердјанск, Токмак и Енерходар во Запорожје, тоа можат да го сторат со автомобил, рече Верешчук на апликацијата Телеграм.
09.35 Украински оклопен транспортер уништи руски тенк
Генералштабот на украинските вооружени сили сподели ново видео од војната во Украина. Според нив, на видеото се гледа како украински оклопен транспортер уништува руски тенк.
09.30 Украинско обвинителство: Евидентирани неколку илјади злосторства
Канцеларијата на државниот обвинител на Украина ги објави досега собраните податоци за извршените воени и други злосторства во Украина од почетокот на руската агресија врз оваа земја
08.40 Експлозии во Киев – сирени за опасност се слушаат низ целата земја
Во Киев рано утринава се слушнале силни експлозии, а ширум земјата се огласиле и сирени за воздушна опасност
Институтот за проучување на војната во својот последен извештај рече дека способноста на Украина да гаѓа воени бродови може да ги промени моделите на дејствување на Русија, принудувајќи ги да распоредат дополнителни средства за одбранбените точки на Црното Море или да ги повлечат бродовите од позициите во близина на украинскиот брег
#Moskva Update:#Ukraine's possibly demonstrated ability to target warships in the Black Sea may change #Russian operating patterns, forcing them to deploy additional air and point-defense assets to the Black Sea or withdraw vessels from near the coast.https://t.co/Rbmx2DM6xV
— ISW (@TheStudyofWar) April 15, 2022
08.20 Коалицијата врши притисок врз Шолц – сакаат да испратат повеќе оружје во Украина
Коалициските партнери на германскиот канцелар Олаф Шолц не се задоволни од неговото лидерство во украинската криза, а овој раскол ризикува да го поткопа единството на Западот против Русија
08.10 Директорот на ЦИА: Русија би можела да употреби нуклеарно оружје
Директорот на ЦИА, Вилијам Барнс, изјави дека Русија потенцијално би можела да користи тактичко или нуклеарно оружје со ниски перформанси во Украина и дека таквата закана не смее да се игнорира, и дека истата ја зголемува загриженоста.
CIA Director William Burns stated today, Due to the Failures and Desperation that the Russian Military is now facing in Ukraine there is worries from U.S Intelligence/Defense Officials that Russia could possibly use a Low-Yield or Tactical Nuclear Weapon against Ukrainian Forces. pic.twitter.com/LxA6na8aKo
— OSINTdefender (@sentdefender) April 15, 2022
08.00 Зеленски: Преживеавме 50 дена под руски напад, а окупаторите ни дадоа најмногу пет дена
Не знаеја колку сме храбри ние Украинците, колку ја цениме слободата и можноста да живееме како што сакаме. Во текот на 50-те дена од оваа војна, Украина стана херој за целиот слободен свет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.