Европа
(Од минута во минута)Меѓународен суд на правдата: Русија мора да ги прекине воените операции,Зеленски: Одлуката на Меѓународниот суд на правдата е победа за Украина
Денес е 21-виот ден од руската инвазија на Украина
Клучни информации:
НАТО подготвува нов план. Задачата за изработка на нов план за заштита од Русија денеска ќе им биде доделена на воените команданти, а плановите треба да вклучат повеќе војници и ракетна одбрана во Источна Европа.
Градоначалникот Виталиј Кличко објави 35-часовен полициски час во главниот град, предупредувајќи дека ситуацијата е тешка и опасна.
Премиерите на Чешка, Полска и Словенија се сретнаа со украинскиот претседател Зеленски во Киев. „Не сте сами“, им рекол Јанез Јанша на Украинците.
Преговорите ќе продолжат. Украинскиот претседател Зеленски рече дека разговорите стануваат пореални, а Путин рече дека ќе се држи до претходните позиции.
ЕУ воведува дополнителни санкции кон Русија, а Британија воведе санкции за уште 350 лица.
Од минута во минута:
22.00 Кремљ реагираше откако Бајден го нарече Путин воен злосторник
Откако претседателот на САД, Џо Бајден изјави дека смета дека Владимир Путин, лидерот на Руската Федерација е воен злосторник, не требаше многу да дојде реакција од Кремљ.
21.45 Бајден го нарече Путин „воен злосторник“
Американскиот претседател Џо Бајден денеска го нарече својот руски колега Владимир Путин „воен злосторник“ поради неговата крвава инвазија на соседна Украина
21.30 Зеленски и Ердоган: Продолжувањето на војната не е во ничија корист
Украинскиот претседател Володимир Зеленски преку својот твитер-профил објави дека остварил телефонски разговор со неговиот турски колега Реџеп Таип Ердоган.
21.15 Претставници на НАТО тврдат: Ова беше планот на Путин кој пропадна, сега тој бара засилување
Високи воени претставници на НАТО изјавија дека рускиот претседател Владимир Путин очигледно досега не ги постигнал своите воени цели во Украина и „веројатно нема да ги постигне“, пренесува Би-би-си
21.00 Подољак: Единствените работи што ги потврдуваме се прекин на огнот, повлекување на војници и безбедносните гаранции
Михаил Подољак, советник на украинскиот претседател Володимир Зеленски и главниот преговарач на Украина, напиша на Твитер за наводниот план меѓу Русија и Украина
Театарот во Мариупол, кој се користеше како засолниште за голем број граѓани, денеска беше бомбардиран и тешко оштетен
20.00 Руските власти ја блокираа веб-страницата на Би-би-си, Захарова: Ова е само почеток
Руските власти денеска го блокираа сајтот на британскиот јавен сервис Би-би-си, изјави портпаролката на руското Министерство за надворешни работи, Марија Захарова
19.30 Претставници на НАТО тврдат: Ова беше планот на Путин кој пропадна, сега тој бара засилување
Високи воени претставници на НАТО изјавија дека рускиот претседател Владимир Путин очигледно досега не ги постигнал своите воени цели во Украина и „веројатно нема да ги постигне“, пренесува Би-Би-Си.
Михаил Подољак, советник на украинскиот претседател Володимир Зеленски и главниот преговарач на Украина, напиша на Твитер за наводниот план меѓу Русија и Украина
Театарот во Мариупол, кој се користеше како засолниште за голем број граѓани, денеска беше бомбардиран и тешко оштетен
17.40 Руските власти ја блокираа веб-страницата на Би-би-си, Захарова: Ова е само почеток
Руските власти денеска го блокираа сајтот на британскиот јавен сервис Би-би-си, изјави портпаролката на руското Министерство за надворешни работи, Марија Захарова.
17.20 Зеленски: Одлуката на Меѓународниот суд на правдата е победа за Украина
Меѓународниот суд на правдата и нареди на Русија да ги запре воените дејствија што започнаа во Украина на 24 февруари
17.00 Меѓународен суд на правдата: Русија мора да ги прекине своите воени операции во Украина
Врховниот суд на Обединетите нации, Меѓународниот суд на правдата (МСП), донесе одлука за итно барање од Украина Русија да ја запре својата инвазија
16.40 Шолц ја отфрли идејата за мировна мисија на НАТО во Украина
Портпаролот на германската влада Штефен изјави дека германскиот канцелар Олаф Шолц е силно против какво било учество на НАТО во војната во Украина.
Украина и Русија подготвија пилот мировен план кој вклучува прекин на огнот и повлекување на Русија доколку Киев прогласи неутралност и ги прифати ограничувањата на своите вооружени сили, пишува Фајненшл тајмс, повикувајќи се на три извори вклучени во преговорите
16.00 САД и Русија воспоставија прв контакт на високо ниво од почетокот на инвазијата на Украина
Американскиот советник за национална безбедност Џејк Саливан разговараше со генералот Николај Патрушев, секретар на рускиот Совет за безбедност
15:40 (Видео) Германска телевизија објави снимка од руски војници кои убиваат цивил што се предава
Германскиот јавен сервис ЗДФ, во емисијата „Фронтал“ објави видео снимено со дрон на кое се гледа како во предградие на Киев руски војници убиваат украински цивил кој се обидел да се предаде. ЗДФ наведува дека станува збор за воено злосторство.
— frontal (@ZDFfrontal) March 16, 2022
15:54 Путин: Западот ги турка властите во Киев во крвопролевање
Рускиот претседател, Владимир Путин, изјави дека воената операција во Украина била успешна. Говорејќи на состанокот за мерките за поддршка на отцепените региони, Путин рече дека Западот ќе се обиде да го загрози територијалниот интегритет на Русија, но нема да успее.
Путин изјави дека нема да дозволи Украина да стане отскочна даска за закани кон Русија, пренесува руската агенција РИА Новости.
Рускиот претседател рече дека Западот ги турка властите во Киев во крвопролевање снабдувајќи ги со оружје и платеници.
15:00 (Видео) Американскиот Конгрес со аплауз го поздрави обраќањето на Зеленски
Украинскиот претседател Володимир Зеленски го отвори своето обраќање пред американскиот Конгрес, пофалувајќи ја храброста на украинскиот народ и рече дека судбината на неговата земја се решава токму сега – среде руската инвазија.
Во пресрет на неговото обраќање, тој беше пречекан со аплауз од американските пратеници.
14:46 (Видео) Русите убија 10 цивили кои стоеја во ред за леб, тврдат украински медиуми
„Руските окупатори денеска нападнаа луѓе кои стоеја во ред за леб во Чернигов, убивајќи најмалку десетмина од нив“, пишува „Суспилне“ и на „Твитер“ објави видео од местото на настанот, но неговата автентичност и натаму не е официјално потврдена.
#Ukraine Unimaginable. In Chernihiv, 10 people waiting in line for bread were shot dead.
Ukrainian Suspilne reported that it happened this morning in one of the sleeping areas of the city. pic.twitter.com/ikoQCu3UTd
— Hanna Liubakova (@HannaLiubakova) March 16, 2022
14:41 (Видео) Зеленски се обрати пред американскиот Конгрес, побара да се затвори небото над Украина
Претседателот на Украина Володимир Зеленски се обрати пред американскиот Конгрес, барајќи да се затвори небото над Украина.
Тој, исто така, побара од американскиот Конгрес да и’ обезбеди на Украина С-300 и други системи за противвоздушна одбрана како алтернатива за воспоставување зона на забранети летови.
14:00 (Видео) Хакери ја емитувале пораката на Зеленски за капитулација
Каналот „Украина 24“ објави изјава во која украинскиот претседател Володимир Зеленски, наводно, ја повикал армијата да го остави оружјето.
13:50 Украина не го прифаќа рускиот предлог за австриски модел на неутралност
Михаило Подољак, член на преговарачкиот тим на Украина, за локалните медиуми изјави дека секој мировен договор мора да биде под украински услови кои го штитат суверенитетoт на земјата.
13:25 Во наредните денови ќе се одлучува за судбината на Русија, вели шефот на руската шпионажа
„Се решава судбината на Русија и нејзиното идно место во светот“, рече Сергеј Наришкин, кој ја предводи руската разузнавачка служба СВР.
12:12 Британска анализа на состојбата во Украина: Човечките загуби се сериозен проблем за Русија
„Русија ги прераспоредува силите дури и од нејзиниот Источен воен округ, Пацифичката флота и Ерменија. Исто така, сè повеќе се обидува да користи нерегуларни извори како што се приватни воени компании, сириски и други платеници“, се наведува во британскиот разузнавачки извештај.
11:48 Кремљ со одговор: Понудата на Киев е компромис
Според Кремљ идејата на Киев за демилитаризацијата на Украина според австриската или шведската верзија, со зачувување на сопствената армија, без присуство на странски воени бази, е компромис.
Според портпаролот на Кремљ, Дмитриј Песков, таквата понуда може да се смета за компромис.
Песков ги нарече дејствијата на Западот против руските бизнисмени бандитизам.
11:35 Украина: Оружје скриено во сандаци за хуманитарна помoш
Работниците на цивилниот аеродром Галилео Галилеј во Пиза не информираа за многу сериозна работа: „Хуманитарните карго летови од цивилниот аеродром треба да се полнат со намирници за измаченото украинско население. Но, тоа не е така“, велат од синдикатот во Ливорн.
11:18 Киев нуди австриска или шведска верзија на неутралност за Украина
Помошникот на рускиот претседател Владимир Путин, Владимир Медински рече дека Киев нуди австриска или шведска верзија на неутралност за Украина.
Тоа е модел на демилитаризирана држава со своја армија. Тој истакна дека се разгледуваат голем број прашања поврзани со големината на украинската армија.
„ Украина нуди австриска, шведска верзија на неутрална демилитаризирана држава, но во исто време и држава со своја војска и морнарица. Сите овие прашања се дискутираат на ниво на раководствата на министерствата за одбрана на Русија и Украина“ изјави Медински.
11:06 Украинската војска: Убивме околу 13.800 руски војници, уништивме 108 хеликоптери
Украинските вооружени сили објавија нови податоци за руските загуби.
Според нив, од 24 февруари до 16 март, руските сили изгубиле приближно: околу 13.800 војници, 430 тенкови, 1.375 оклопни транспортери, 190 парчиња артилерија, 70 MLRS, 43 парчиња противвоздушно оружје, 84 авиони, 108 хеликоптери, 819 борбени возила, три брода и 60 цистерни за гориво.
10:36 Украинците тврдат: Го убивме четвртиот руски генерал
Украински официјални лица тврдат дека нивната војска го убила четвртиот руски генерал. Тоа е знак, велат тие, дека руската армија е принудена да испраќа генерали на линијата на фронтот за да спроведуваат операции.
10:17 Столтенберг: НАТО мора да се рестартира
НАТО денеска ќе им каже на своите воени команданти да направат планови за нови начини за одвраќање на Русија по нападот на Украина и да размислат за распоредување дополнителни војници и поставување противракетна одбрана во Источна Европа, пишува „Ројтерс“, цитирајќи неименувани официјални лица и дипломати.
Министрите за одбрана ќе се состанат денеска во седиштето на НАТО, нешто повеќе од една недела пред лидерите на сојузниците, вклучително и американскиот претседател Џозеф Бајден, да се соберат во Брисел на 24 март.
„ Мораме да ја рестартираме нашата воена позиција за оваа нова реалност“, изјави вчера генералниот секретар на НАТО, Јенс Столтенберг, додавајќи дека министрите ќе започнат важна дискусија за конкретни мерки за зајакнување на безбедноста на членките на НАТО на долг рок и во сите домени.
Рускиот министер за надворешни работи, Сергеј Лавров, изјави дека преговорите со Украина се насочени кон обезбедување на нејзиниот воено неутрален статус.
09:26 Зеленски составува закон против Русија: Ги поканува сите пријатели да го посетат Киев
Претседателот на Украина, Володимир Зеленски, синоќа потпиша закон со кој се забранува негирање или оправдување на руската агресија врз Украина.
„Володимир Зеленски потпиша закон со кој се забранува производство и дистрибуција на информативни производи насочени кон промовирање на акциите на државата агресор“, се вели во соопштението на Комитетот за хуманитарна и информативна политика на Украина.
09:23 Украинска новинарка на „Фокс њуз“ загина во Киев
Загина украинската новинарка Олександра Кувшинова во истиот инцидент во кој животот го загуби и камерманот на телевизијата „Фокс њуз“, Пјер Закржевски, објави синоќа американската телевизиска мрежа.
Олександра „Саша“ Кувшинова (24), која работела како независен консултант за „Фокс њуз“, била убиена заедно со снимателот Закржевски, откако нивното возило било погодено во вкрстен оган, објави американската ТВ мрежа на својата веб-страница, пренесува „Ројтерс“.
09:16 Џонсон: Нема шанси Украина наскоро да се приклучи на НАТО
Британскиот премиер Борис Џонсон ја коментираше изјавата на Зеленски и прашањето за влезот на Украина во НАТО.
„ Вчера повторно разговарав со Володимир и секако разбирам што кажа за НАТО и реалноста на сегашната позиција. Сите отсекогаш велеле, а ние јасно му ставивме до знаење на Путин, дека нема шанси Украина наскоро да влезе во НАТО“, додаде тој.
09:15 Си-Ен-Ен: Нордиските земји се прашуваат дали се следните на листата на Путин
Руската инвазија на Украина ја обедини Европа повеќе од кој било друг настан од крајот на Втората светска војна.
Неутралните држави испратија оружје во Украина, членките на НАТО поодговорно пристапија кон своите обврски кон алијансата, а земјите со силни економски врски со Русија и воведоа строги санкции.
Поради единството на Западот во однос на воените и политичките акции и санкциите, многумина станаа пооптимисти за одржување на безбедноста во Европа. Ова особено се однесува на трите нордиски нации – Норвешка, Шведска и Финска – кои се најдоа во центарот на вниманието поради руската инвазија поради нивната единствена врска и односи со остатокот од Европа и Русија.
09:12 Г7 ќе одржат онлајн состанок за Украина
Групата од седум најразвиени земји во светот, Г7, денеска ќе одржи онлајн состанок во врска со руските акции во Украина, најави јапонскиот министер за финансии Суничи Сузуки, пренесува „Ројтерс“.
Сузуки не прецизира дали на состанокот ќе учествуваат финансиските лидери на земјите од Г7 или други претставници.
09:02 Бајден најавува уште 800 милиони долари помош за Украина
Американскиот претседател Џо Бајден денеска ќе објави дека САД ќе испратат нови 800 милиони долари нова воена помош за Украина, изјави претставник на Белата куќа.
Се очекува Бајден детално да го претстави планот за време на неговиот говор за ситуацијата во Украина, пренесува агенцијата АП.
Според прелиминарните проценки, ќе бидат потребни 565 милијарди долари за обнова на Украина по војната со Русија, изјави украинскиот премиер Денис Шмихал.
Тој го изјави ова по средбата со полските премиери Матеуш Моравјецки, Петер Фиал од Чешка и Јанез Јанша од Словенија и вицепремиерот на Полска Јарослав Качински, пренесува Укринформ.
„Прелиминарните проценки велат дека директните еднократни загуби за Украина во моментов се проценуваат на 565 милијарди долари. Всушност, тоа се средствата што ќе бидат потребни за обнова на нашата држава“, рече Шмихал.
08:55 Американскиот Сенат: Путин е воен злосторник
Американскиот Сенат едногласно усвои резолуција со која се осудува рускиот претседател Владимир Путин како воен злосторник и се осудува руската акција во Украина.
Текстот на резолуцијата ги осудува „Руската Федерација, рускиот претседател Владимир Путин, членовите на руската делегација во Советот за безбедност, руските вооружени сили и руските воени команданти за флагрантни акти на агресија и други злосторства кои достигнуваат злосторства против човештвото и воени злосторства против народот на Украина и другите“, пренесува Тасс.
08:46 Небензја: Воената операција ќе заврши кога ќе ги исполниме целите
Руската специјална воена операција во Украина ќе биде завршена кога ќе се постигнат нејзините цели, изјави за новинарите постојаниот претставник на Русија во ОН, Василиј Небензја.
„ Кога ќе се постигнат целите на специјалните воени операции, тие ќе престанат“, нагласи Небензја, пренесува Тасс.
08:45 Во гранатирање на зграда во Киев повредени најмалку две лица
Станбена зграда од 12 ката во близина на центарот на Киев беше погодена од руско гранатирање рано во средата, предизвикувајќи пожари на неколку ката, се наведува во соопштението на Украинската државна служба за вонредни состојби, пренесува Си-Ен-Ен.
Зградата во областа Шевченко се наоѓа на само неколку километри од центарот на главниот град на Украина.
08:10 Нови напади врз Украина, експлозии во Одеса и Запорожје
Рано утринава, на социјалните мрежи имаше непотврдени информации за експлозии во јужните градови Одеса и Запорожје.
Оливер Керол, дописник на „Економист“, напиша дека слушнал гласни звуци во Одеса, кои би можеле да бидат системи за противвоздушна одбрана што соборуваат проектили.
Loud in Odesa at the moment — likely anti-air systems engaging
— Oliver Carroll (@olliecarroll) March 16, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците нападнаа уште една рафинерија во Русија
Нафтена рафинерија во рускиот град Славјанск на Кубан во Краснодарската област беше потресена од силни експлозии синоќа. Се верува дека украинските сили ја нападнале со беспилотни летала. Речиси истовремено, непосредно пред полноќ, беше пријавен и напад со беспилотни летала во Саратовската област, објавува „Киев Индепендент“.
Славјанск на Кубан се наоѓа во јужна Русија, недалеку од Азовското и Црното Море, додека Саратовската област во својата најблиска точка е на околу 330 километри од североисточната украинска граница. Киев сè уште не ги коментирал нападите, а информациите сè уште не се независно потврдени.
Украина редовно извршува напади врз руската воена и енергетска инфраструктура со цел да ја ослабне борбената моќ на Москва во тековната војна. Бидејќи рускиот енергетски сектор директно ги финансира воените напори на Кремљ, Киев ги смета енергетските објекти за легитимни воени цели.
Овие напади следат по големиот напад на украинските сили врз руските воени и нафтени објекти на 14 декември, погодувајќи цели низ Русија и на окупираните територии, вклучувајќи го и Крим, како што објави Генералштабот на Украина. Само два дена претходно, на 12 декември, беше потврден и нападот врз рафинеријата „Славнефт-Јанос“ во Јарослављ, една од петте најголеми во Русија.
Во меѓувреме, гувернерот на Белгородската област, Вјачеслав Гладков, на 14 декември тврдеше дека украинскиот ракетен напад врз градот Белгород предизвикал „сериозна штета“ на локалната инфраструктура.
Европа
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако Вашингтон му понуди на Киев безбедносни гаранции по моделот на НАТО. Трамп, исто така, изрази увереност дека Москва ќе прифати таков договор, објави „Ле Монд“.
Трамп откри дека имал „многу долги и многу добри“ разговори со својот украински колега Володимир Зеленски, како и со лидерите на НАТО и европските земји како што се Велика Британија, Франција и Германија.
„Се обидуваме да го разработиме тоа и мислам дека сега сме поблиску“, им рече Трамп на новинарите во Овалната соба. „Имавме бројни разговори со претседателот Путин на Русија и мислам дека сега сме поблиску од кога било досега, па ќе видиме што можеме да направиме“.
REPORTER: An Article 5-like deal seems to be emerging without NATO membership for Ukraine. If such a security guarantee is offered, what incentive is there for Ukraine to give up any sort of territory?
US PRESIDENT TRUMP: Well, they've already lost the territory, you know, to be… pic.twitter.com/99sx8a6f03
— Status-6 (Military & Conflict News) (@Archer83Able) December 15, 2025
На прашањето дали неодамна разговарал директно со Владимир Путин, Трамп одговори остро: „да, разговарав“, без да навлегува во детали.
Сепак, Трамп се чини дека сугерираше дека во замена за безбедносни гаранции, Украина ќе мора да се согласи да отстапи делови од источниот регион Донбас што сè уште се контролирани од Киев – можност што Зеленски претходно силно ја отфрли.
На прашањето каков поттик ќе има Украина за да се откаже од територија, Трамп одговори: „Па, искрено, тие веќе изгубија територија“.
Тој додаде дека Европа, која и покрај противењето на Русија повторно предложи испраќање мултинационални мировни сили, ќе биде „голем дел“ од секоја безбедносна гаранција.
Европа
Крај на краткорочните изнајмувања станови за туристи во Шпанија, Airbnb казнет
Шпанија го казни Airbnb со огромни 65 милиони евра за рекламирање недвижности за краткорочно изнајмување, без соодветни дозволи. Одлуката доаѓа во време кога расте притисокот врз владата да го ограничи туристичкото сместување во услови на продлабочување на кризата со домувањето, објавува „Евроњуз“.
Шпанското Министерство за заштита на потрошувачите соопшти дека казната е конечна и дека на платформата со седиште во САД ѝ е наредено веднаш да ги отстрани сите нелегални огласи. Официјалните лица изјавија дека повеќе од 65.000 огласи на Airbnb ги прекршуваат шпанските закони за заштита на потрошувачите, вклучително и огласување недвижности, без дозволи или со неважечки броеви за лиценца.
Казната е шестпати поголема од профитот што Airbnb го оствари од спорните огласи помеѓу времето кога властите ја предупредија компанијата и времето кога огласите конечно беа отстранети.
Зошто беше казнет Airbnb?
Според шпанските власти, 65.122 огласи на Airbnb ги прекршиле прописите дизајнирани да ги заштитат закупците и потрошувачите. Многу од овие имоти се наоѓале во региони во кои краткорочните изнајмувања се ограничени или бараат експлицитно одобрение.
Министерството нагласи дека од платформите како Airbnb се очекува да проверат дали имотите рекламирани во Шпанија се во согласност со локалните и регионалните прописи за домување. Кога не го прават тоа, велат, тие изнајмувања остануваат на пазарот подолго отколку што треба намалувајќи го бројот на домови достапни за жителите што бараат долгорочен смештај.
Министерот за права на потрошувачите, Пабло Бустиндуј, рече дека има илјадници семејства што живеат на работ поради кризата со домувањето во земјата, а некои компании профитираат од бизнис-модели што ги принудуваат луѓето да ги напуштат своите домови.
Борбата против нелегалните изнајмувања не е ограничена само на Airbnb. Во јуни Шпанија исто така му наложи на Booking.com да отстрани повеќе од 4.000 нелегални огласи.
Барселона ја предводи борбата против масовниот туризам
Барселона стана епицентар на борбата на Шпанија против краткорочните изнајмувања. Градот оваа година објави планови за постепено укинување на сите туристички станови до 2028 година, со што ефикасно ќе им се забрани на платформи како Airbnb да продаваат приватно сместување во станбени згради.
Градските лидери велат дека краткорочните изнајмувања ги испразнија локалните населби, ги истиснаа жителите од пазарот за изнајмување и ги трансформираа цели населби исклучиво за туризам. Локалните заедници се согласуваат, а протестите – од мирни маршеви до напади со водни топови – се сè почести против масовниот туризам и растечките трошоци за живот.
Другите регионални и национални власти во Шпанија следат сличен пат. Повеќе од 53.000 нелегални туристички станови неодамна беа отстранети од официјалните регистри во целата земја, главно во Андалузија, Канарските Острови, Каталонија и Валенсија.
Шпанија пречека рекордни 94 милиони странски туристи во 2024 година и е на добар пат да го надмине овој рекорд оваа година. Иако туризмот останува клучен економски столб, официјалните лица велат дека построгата регулација на краткорочните изнајмувања е клучна за балансирање на растот на бројот на посетители со квалитетот на животот на локалното население.
(Видео) Украинците нападнаа уште една рафинерија во Русија
Нафтена рафинерија во рускиот град Славјанск на Кубан во Краснодарската област беше потресена од силни експлозии синоќа. Се верува дека...
(Видео) Филипче го соопшти новото раководство на партијата: СДСМ има нов тим, нова сила – нова енергија!
Претседателот на Социјалдемократкиот сојуз на Македонија, д-р Венко Филипче, по завршувањето на вчерашната седницата на Централниот одбор на СДСМ го...
МВР: Шалтер за „Безбеден град“, граѓаните од утре ќе можат да ги променат контакт-податоците
Од Министерството за внатрешни работи известуваат дека граѓаните од утре (17.12.2025), на посебен шалтер во Одделот за граѓански работи, во...
Стојаноски: СДСМ ја напуштија седницата кога требаше да се разговара за Резолуцијата за наводни мигранти
Лицемерието на СДС излезе на виделина, ја напуштија собраниската седница кога требаше да се разговара за Резолуцијата за наводни мигранти,...
Уапсен возачот кој денеска со камион усмрти велосипедист во Гостивар
Полицијата го уапси возачот кој денеска со товарно возило усмрти велосипедист во Гостивар. Според информациите на МВР, денеска (16.12.2025) околу...
(Видео) СДСМ бара оставка од директорката на ГАК по смртта на новороденчето: „Има сомнежи за лекарска грешка“
СДСМ бара оставка од директорката на Клиниката за гинекологија и акушерство по смртта на новороденчето. „Денеска со огорченост стоиме пред...
Јавниот обвинител Љупчо Коцевски поднесе оставка
Републичкиот обвинител Љупчо Коцевски денеска поднесе неотповиклива оставка од функцијата. Тој кажа дека од почетокот тврдел дека евентуалната постапка за...
ДЗР утврди неправилности во финансиското работење на АД „Државна лотарија“ и можни злоупотреби со паричните средства во готово
Со извршената ревизија во АД Државна лотарија за 2024 година, утврдени се сериозни неправилности кои се поврзани со нелогични и...
При претреси во Виница и Виничко пронајдени шест метални детектори, кутија со 43 златни и сребрени монети: петмина уапсени
Вчера полициски службеници од ОВР Виница поради основано сомнение за сторено кривично дело „присвојување на добра под привремена заштита или...
(Видео) Манасиевски: Никој не сака да биде во тимот на Заев и Филипче
„Никој не му се нафаќа на Филипче да му биде дел од тимот, затоа што со Зоран Заев ја држат...
(Видео) Антикорупцискиот тим на СДСМ ја претстави новата платформа против корупција – МИЦКО: Пријавувајте!
„Антикорупцискиот тим на СДСМ, АКТ, ја претставува новата дигитална платформа за борба против корупцијата и криминалот. Македонски истражувачки центар за...
(Видео) Четворица херои се обидоа да ги спречат терористите во Сиднеј, само Ахмед преживеа
Црното знаме на Исламската држава, закачено на шофершајбната на сребрена „хонда“ паркирана покрај пешачкиот мост „Бонди бич“, беше злокобен вовед...
(Видео) Трамп: Искрено, Украина веќе изгуби територија
Американскиот претседател Доналд Трамп синоќа изјави дека договорот за завршување на војната во Украина е „поблиску од кога било“ откако...
(Видео) Државата Вашингтон нареди итна евакуација во три предградија на Сиетл
Властите во американската држава Вашингтон издадоа наредба за итна евакуација за три јужни предградија на Сиетл во понеделник откако попушти...
(Видео) Трамп ја тужи Би-би-си: бара 5 милијарди долари отштета
Американскиот претседател Доналд Трамп поднесе тужба од 5 милијарди долари против Би-Би-Си за манипулирање на неговиот говор на 6 јануари...
(Видео) Синот е одговорен за смртта на Роб Рајнер и неговата сопруга, соопшти полицијата во Лос Анџелес
Ник Рајнер е одговорен за смртта на неговите родители, Роб Рајнер и Мишел Сингер Рајнер, соопшти Полициската управа на Лос...
Австралискиот премиер: „Нападот беше мотивиран од ИСИС“; Сведоците опишуваат детали од ужасот
Новите изјави на австралискиот премиер Ентони Албанез, штотуку објавени од неговата канцеларија, произлегуваат од радио интервју за ABC Sydney. „Се...
Германија има план од 10 точки за Украина, објави „Ројтерс“
Германија ќе ја засили својата поддршка за одбраната на Украина преку план од 10 точки што вклучува заеднички инвестиции, понатамошна...
Светна новогодишната елка! Отворен и Божиќниот маркет во Скопје
Во Скопје вечерва светна новогодишната елка и официјално беше отворен Божиќниот маркет, со што симболично беше означен почетокот на празничната...
Зеленски: Не е постигнат компромис за територијалното прашање за време на преговорите во Берлин
Украинскиот претседател Володимир Зеленски изјави дека позициите на САД и Украина за поделбата на териториите сè уште се разликуваат. Тој...
