Свет
(Од минута во минута) Тензично во Азовското Море, воена состојба во Украина, војската на готовс
Ден по инцидентот меѓу Русија и Украина во Азовското Море, кога Русија заплени три украински брода со употреба на оружје, состојбата во теснецот е стабилна, но расне напнатоста на политички терен.
22:05 Трамп: Не ми се допаѓа ситуацијата помеѓу Москва и Киев
Претседателот на САД, Доналд Трамп изјави дека не му се допаѓа она што се случува помеѓу Русија и Украина, ден откако Русија заплени украински бродови во близина на Крим.
„Не ми се допаѓа ова што се сучува. Се надеваме дека тоа ќе биде решено“, изјави Трамп пред новинарите, пренесе „Ројтерс“.
21: 10 Парламентот го подджа Порошенко: Воена состојба од 30 дена во Украина
Украинскиот парламент ја поддржа одлуката на претседателот на земјата, Петро Порошенко за воена состојба во рок од 30 дена поради инцидентот во керчската теснина.
Седницата на која требаше да биде одобрен указот за прогласување на воената состојба претходно беше одложена и започна со доцнење поради барања на дел од пратениците за детална дискусија пред да се пристапи кон гласањето, јавија локалните медиуми.
21:00 Руската служба за безбедност: Бродовите делувале по наредба на Киев
Руската Федерална служба за безбедност (ФСБ) објави вечерва преглед на настаните во керчската теснина, истакнувајќи дека трите бродови на Украина влегле во територијалните води на Русија, по директна наредба од страна на Киев.
ФСБ соопшти дека трите брода на украинската морнарица ги прекршиле членовите 19 и 21 од Конвенцијата на Обединетите Нации за поморски права, ја преминале границата на 25 ноември и влегле во привремено затворено подрачје на територијалните води на Русија. Тие се движеле од Црното море кон керчската теснина, се наведува во соопштението на ФСБ.
20:22 Сенатор побара дополнителна помош за Украина
Американскиот сенатор, Роберт Менендез апелираше од претседателот на САД, Доналд Трамп да пружи дополнителна помош за Украина како одговор на руската акцијаво близина на Крим.
20:03 Русите ги испитувале притворените украински морнари
Руската федерална безбдносна служба (ФСБ) соопшти дека ги испитала украинските морнари притворени по инцидентот во керчската теснина.
ФСБ објави видео од сослошувањето, пренесе руската новинска агенција „ТАСС“.
20.00 Одложена седницата за воената состојба во Украина
Украинскиот парламент ја одложи седницата на која треба да биде одобрен указот за предлогот за воената состојба во земјата, што го потпиша украинскиот претседател, Петро Порошенко.
Како што пренесуваат медиумите, членовите на неколку парламентарни партии на почетокот на едницата побарале детална дискусија за моменталната ситуација, по инцидентот во керчската теснина.
19:20 Советот за безбедност не го усвои предлогот на Русија
Седум членки на Советот за безбедност на Обединетите Нации гласаа против рускиот предлог да се свика итна седница посветена на инцидентите во керчската теснина.
Кина, Русија, Казахстан и Боливија го поддржаа рускиот предлог, а четири земји беа воздржани, пренесе руската новинска агенција „ТАСС“.
18: 51 Столтенберг ја повика Русија да ги ослободи морнарите и бродовите
Шефот на НАТО, Јенс Столтенберг ја повика Русија да ги ослободи украинските морнари и бродови, оценувајќи дека не постои оправдување за постапките на Москва.
„Она што го видовме вчера беше многу сериозно“, изјави Столтенберег на прес-конференција за новинарите по вонредниот состанок на Алијансата по барање на Украина.
18:43 Ники Хејли ја предупреди Русија за состојбите во Украина
Американската амбасадорка при Обединетите Нации, Ники Хејли ја предупреди Русија дека запленувањето на трите воени брода претставува срамно нарушување на суверенитетот на украинската територија и дека се работи за арогантен чин што меѓународната заедница мора да го осуди.
18:03 Порошенко ја намалува воената состојба на 30 дена
Претседателот на Украина, Петро Порошенко соопшти вечерва дека ќе предложи до парламентот во земјата, воената состојба да трае 30, наместо претходно најавените 60 дена, јави украинската амбасада во Белград.
16:20 Хан бара ослободување на украинските морнари
Европскиот комесар, Јоханес Хан, побара од Русија да ги ослободи морнарите и бродовите што вчера беа запленети во близина на теснината Керч.
15:55 Претставник на украинската амбасада повикан на разговор во руското МНР
Претставник на украинската амбасада повикан на разговор во руското МНРОбјавено пред 1 минута – 26 ноември, 2018Од Макфакс
Заменик-секретарот на украинската амбасада во Москва, Руслан Нимчиски, пристигна во руското Министерство за надворешни работи, само неколку часа откако Москва објави дека ќе ги покани претставниците на Украина да разговараат за инцидентот во Керч, пренесува ТАСС.
15.10 Воведена воена состојба во Украина
Указот за одлуката на Советот за национална безбедност и одбрана за воведување на воена состојба во Украина, која денеска ја потпиша претседателот Петро Порошенко, ќе биде на сила се до 25 јануари 2019 година, беше објавено на веб-страницата на украинскиот претседател.
14.45 Климкин: Украина го задржува правото да се одбрани од Русија
Украинскиот министер за надворешни работи Павло Климкин изјави дека Украина го задржува правото да се одбрани од Русија. Тој не ја исклучува можноста дека Москва ќе продолжи со агресивни чекори и на копно и на море.
14.00 Европската комисија побара од Русија да ги ослободи украинските бродови
Европската комисија побара од Русија да ги ослободи трите украински брода што беа запленети во неделата во близина на полуостровот Крим, кој беше припоен кон Русија во 2014 година.„Ројтерс“ објави дека портпаролката на Европската комисија истакнала дека ЕУ не го признава руското припојување на Крим и изјавила дека Русија е должна итно да го одблокира теснецот Керч.
Денеска украинскиот парламент треба да го разгледа барањето на претседателот Петро Порошенко за воведување вонредна состојба.
Украинската морнарица изјави дека шест морнари биле повредени во неделата кога руската крајбрежна стража во близина на теснецот Керч отвори оган врз три украински брода, а потоа и ги заплени. Киев тврди дека украинските бродови ги почитувале правилата на меѓународниот поморски закон кога се упатиле кон Азовското Море.
13.30 Москва се закани: Киев ќе се соочи со последици по инцидентот кај Керч
Официјална Москва упати предупредување до Киев за можни последици со кои ќе се соочи по обидот за провоцирање конфликт, откако украински бродови нелегално влегоа во руските територијални води, пренесе „Раша тудеј“. Русија се закани дека силно ќе одговори со слични провокации.
12.45 Украинската амбасада во Скопје: Кремљ почна нова борба со Украина
По окупацијата на Крим и вооружената агресија на истокот на Украина, Кремљ почна нова фаза на борба со Украина – се спроведува економска блокада на украинските пристаништа во Азовското Море и на секој начин се комплицира морепловството во Црното Море, велат од Амбасадата на Украина во Скопје, еден ден по инцидентот кога Русија заплени три украински брода со употреба на оружје.
12.40 Украинскиот парламент ќе го разгледува барањето за воведување вонредна состојба
Украинскиот парламент денеска треба да го разгледа барањето на претседателот Петро Порошенко за воведување вонредна состојба.Претходно Министерството за одбрана на Украина соопшти дека војската е во состојба на највисока борбена готовност, по одлуката на Советот за национална безбедност и одбрана на Украина за воведување воена состојба во земјата, пренесува „Спутник“.
Претседателот на Украина, од друга страна, пак, побара од Русија веднаш да ги ослободи украинските морнари и бродови што беа запленети во Црното Море.
Тензиите меѓу Русија и Украина се засилија по ситуацијата во Азовското Море. Бродови на руската крајбрежна стража запленија три воени украински брода во Црното Море кај Крим, кои се обиделе да преминат низ теснецот Керч. Руската страна употребила оружје за да ги принуди да запрат, а во инцидентот се ранети тројца украински војници, наведе Федералната служба за безбедност на Русија.
12.30 Лавров: Намерна провокација од Украина
Провокацијата во теснецот Керч очигледно е дека е изведена под директна наредба на украинските власти, изјави рускиот министер за надворешни работи, Сергеј Лавров.
„Нема сомнежи дека е направено намерно и под директна наредба на раководството“, изјавил Лавров, коментирајќи го вчерашното впловување на украинските бродови во руските територијални води, пренесе ТАС. Тој истакнал дека украинската страна, кога ја планирала оваа провокација, сигурно пресметала дополнителна корист што сакала да ја извлече од оваа ситуација, очекувајќи САД и Европа слепо да ја поддржат, како и секогаш.
11.50 Ситуацијата кај Керч се смирува, Русија го отвори преминот
Русија го отвори теснецот Керч во близина на Крим, објави агенцијата „РИА Новости“. Теснецот е отворен откако руската крајбрежна стража заплени три украински брода во Црното Море во близина на Крим во неделата и употреби оружје за да ги принуди да запрат. Во овој момент ситуацијата е нормализирана, изјави генералниот директор на пристаништата на Крим, Алексеј Волков.
„Пловидбата низ каналот Керч е повторно воспоставена… нормално функционира”, рече Волков, јавува ТАС. Русија го блокираше теснецот Керч во неделата и притоа заплени три украински брода за кои изјави дека илегално влегле во територијалните води на Русија.
Воена состојба во Украина, војската на готовс
Министерството за одбрана на Украина соопшти дека војската е во состојба на највисока борбена готовност, по одлуката на Советот за национална безбедност и одбрана на Украина за воведување воена состојба во земјата, пренесува „Спутник“.
„Засилени се контраразузнавачките мерки со цел да се спречат други провокации од разузнавачките служби на Русија на територија на Украина и дестабилизација на ситуацијата во земјата“, соопшти Министерството.
Тензиите меѓу Русија и Украина се засилија по ситуацијата во Азовското Море. Бродови на руската крајбрежна стража запленија три воени украински брода во Црното Море кај Крим, кои се обиделе да преминат низ теснецот Керч. Руската страна употребила оружје за да ги принуди да запрат, а во инцидентот се ранети тројца украински војници, наведе Федералната служба за безбедност на Русија.
Украинската воена морнарица соопшти претходно дека испратила два мали алртилериски брода и еден брод што се користи за влечење на други пловни објекти од Одеса кон Мариопуљ, за што е потребно да се помине низ Црното Море околу Крим низ теснецот Керч во Азовското Море. Москва соопшти и дека над теснецот патролираат авиони Су-25. Поради ваквата состојба, Русија закажа вонредна седница на Советот за безбедност на Обединетите нации за 11 часот по локално време.
Kharkiv: protesters light flares at Russian consulate https://t.co/cL7ePHK20k pic.twitter.com/Z0VzmKxYfi via @itsector #Ukraine
— Liveuamap (@Liveuamap) November 26, 2018
11. 30 Порошенко бара ослободување на украинските морнари
Претседателот на Украина, Петро Порошенко, побара од Русија веднаш да ги ослободи украинските морнари и бродови кои беа запленети во Црното Море.Порошенко на состанокот на Националниот совет за безбедност побара и смирување на кризата поврзана со Крим.
Денеска украинскиот парламент треба да го разгледа и барањето на Порошенко за воведување вонредна состојба.Украинската морнарица изјави дека шест морнари биле повредени во неделата кога руската крајбрежна стража во близина на теснецот Керч отвори оган врз три украински брода, а потоа и ги заплени.Киев тврди дека украинските бродови ги почитувале правилата на меѓународниот поморски закон кога се упатиле кон Азовското Море.
11.00 Драма пред рускиот конзулат во Харков
Пред рускиот конзулат во Харков група демонстранти запалила факели, а како што може да се види на фотографиите и снимките на местото на настанот, во дворот на конзулатот се случил и мал пожар.
Ukraine’s President Poroshenko demands release of 23 captured Ukrainian sailors and three Navy vessels seized by Russia, "as a first step, and de-escalation in other directions." https://t.co/L0eEGEAuwc
— Christopher Miller (@ChristopherJM) November 26, 2018
10.53 Украинскиот вршител на должноста повикан во Министерството за надворешни работи на Русија
Вршителот на должноста во Амбасадата на Украина во Москва, Руслам Нимчински, е повикан во Министерството за надворешни работи на Русија во врска со „провокативните акции на Киев во Азовското Море”, изјави портпаролката на Министерството, Марија Захарова.
Video from FSB helicopter showing Russian ships harassing Ukrainian boats this morning https://t.co/hsrXMuUWAk pic.twitter.com/MRZnm1TX6M
— Liveuamap (@Liveuamap) November 25, 2018
10.30 Турција загрижена, Полска со осуда до Русија
Турција утрово соопшти дека е загрижена поради последните случувања меѓу Русија и Украина, додека Полска го осуди „агресивното однесување на Русија”, објави „Ројтерс“. Турското Министерство за надворешни работи соопшти дека не треба да има сообраќајна опструкција во теснецот Керч, што го поврзува Црното Море со Азовското Море.
10.00 НАТО ја следи ситуацијата
НАТО преку социјалната мрежа „Твитер“ објави дека постојано го следи развојот на ситуацијата во Азовското Море и теснецот Керч и дека е во контакт со властите на Украина, чијшто територијален интегритет го поддржува.Портпаролката на НАТО, Оана Лунгеску, на својот „Твитер“ додаде дека алијансата повикува на воздржаност и деескалација на конфликтот.
9.00 Протести пред руската амбасада во Киев
Неколку стотици демонстранти се собраа синоќа пред зградата на руската амбасада во Киев.Тие пред зградата на руската амбасада, како што објави Би-би-си, оставиле бротчиња направени од хартија. Според руските медиуми, тие пред оградата исто така поставиле гуми што се обиделе да ги запалат, но полицијата реагирала и ги спречила да го сторат тоа.
10.00 – Берлин повикува на смирување на ситуацијата
Заменикот на германскиот министер за надворешни работи, Михаел Рот, ги повика Русија и Украина да ги смират тензиите по инцидентот на Црното Море. Рот рече дека ова прашање е многу сериозно и дека ескалацијата на односите меѓу Русија и Украина е последна работа што ни е потребна.
9.57 Запален руски дипломатски автомобил во Киев
Во близина на Амбасадата на Русија во Киев, пред која синоќа беа палени факели и димни бомби, изгоре автомобил со руски дипломатски таблички. Најверојатно станува збор за руско дипломатско возило.
Russian embassy in Kyiv now: tires and paper boats https://t.co/Q3DhkqNGLJ pic.twitter.com/f8mLVs92i4 via @Kateryna_Kruk #Ukraine
— Liveuamap (@Liveuamap) November 25, 2018
Уште два украински воени брода се упатија од Бердјанск кон областа во која претходно три украински бродови веќе влегоа во руски територијални води, а пограничната стража на руската Федерална служба за безбедност (ФСБ) презема чекори со цел да се спречи нова провокација, соопшти прес-службата на ФСБ.
Граничната служба на руската ФСБ претпладне по локално време увидела дека уште два оклопни артилериски брода го напуштиле пристаништето во Бердјанск и потоа со максимална брзина се упатиле кон теснецот Керч, односно кон зоната на провокацијата што Украина ја извела претходно денеска.
Претходно, граничната служба на руската ФСБ во Крим објави дека три украински воени брода илегално ја минале границата на руската држава и влегле во нејзини територијални води, притоа изведувајќи опасни маневри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Детали за убиството во Мостар: убиената девојка претходно добивала закани од нејзиното поранешно момче
Во Мостар, 33-годишниот Анис Калајџиќ ја убил својата поранешна девојка, 32-годишната Алдина Јахиќ од Калесија. На трагедијата ѝ претходеле повеќекратни закани кои, за жал, не биле пријавени во полицијата, пишува Аваз.
По завршувањето на истрагата, дежурната окружна обвинителка на Обвинителството на Херцеговачко-неретванскиот кантон, Весна Прањиќ, потврди дека убиената девојка претходно добивала закани од нејзиното поранешно момче.
https://t.co/ulFqWb6hu6 na mjestu događaja 👇#ubojstvo #mostar pic.twitter.com/FWzPuQWAfI
— Bljesak.info (@Bljesak) November 16, 2025
„Според досега собраните информации, несреќната девојка претходно добивала закани од А. К., инаку нејзино поранешно момче, кои, за жал, не ги пријавила од причини што ѝ се познати, веројатно мислејќи, како што навела, дека ќе завршат со закани“, рече Прањиќ.
Таа го опиша и моментот на нападот.
„Сепак, вечерва кога таа замина на тренинг, тој ја пречека и физички ја нападна, по што извади пиштол. Таа истрча кон хотелот обидувајќи се да се спаси, но тој влезе и ја уби“, рече обвинителката.
Neslužbeno se također navodi da je nakon ubojstva pokušao počiniti samoubojstvo, no metak se navodno zaglavio u cijevi. #Mostar pic.twitter.com/aFWhetgwcF
— Bljesak.info (@Bljesak) November 16, 2025
На прашањето дали напаѓачот се обидел да се самоубие, таа одговори дека информацијата засега е непотврдена. „Без докази, не можам ништо да кажам за тоа“, рече Прањиќ, апелирајќи до медиумите одговорно да известуваат за овој случај.
Министерот за внатрешни работи Маријо Мариќ, исто така бил на местото на настанот, кој потврди дека се преземени обемни истражни мерки под надзор на дежурниот обвинител. „Осомничениот е лишен од слобода за само неколку минути, тој е под полициски надзор. Ова е навистина трагичен случај и ја користам оваа можност да изразам сочувство до семејството“, рече Мариќ.
Тој додаде дека Обвинителството ќе одлучи за квалификацијата на кривичното дело. „Што се однесува до квалификацијата на кривичното дело, Обвинителството ќе одлучи во која насока да се движи, се чини дека засега има многу докази“, заклучи министерот.
Да потсетиме дека осомничениот Анис Калајџиќ прво пукал во 32-годишна жена на автобуската станица, по што таа избегала. Ја следел и ја стигнал, по што ја убил со пиштол. Според неофицијални информации, Калајџиќ е фудбалски судија со долгогодишно судиско искуство во Првата лига на Федерацијата на Босна и Херцеговина и син на тренер и поранешен фудбалер на ФК Вележ.
Тој ја добил дозволата за оружје пред еден месец, по што набавил пиштол бидејќи добивал закани како фудбалски судија.
фото: принтскрин
Свет
Трамп: Подготвуваме санкции за сите земји што соработуваат со Русија
Американскиот претседател Доналд Трамп објави дека републиканците во Конгресот подготвуваат закон со кој ќе се воведат санкции за сите земји што соработуваат со Русија. Трамп додаде дека новите мерки би можеле да се однесуваат и на Иран, клучен воен сојузник на Москва, пишува „Киев Индепендент“.
„Секоја земја што соработува со Русија ќе биде санкционирана многу строго“, изјави Трамп за новинарите во Палм Бич, Флорида.
Претстојното законодавство се темели на низа мерки преземени од администрацијата на Трамп во последните месеци. Во октомври беа објавени првите санкции против Москва, насочени кон двете најголеми руски нафтени компании – „Роснефт“ и „Лукоил“ – заедно со нивните подружници.
Сепак, Министерството за финансии на САД неодамна ги одложи санкциите за „Лукоил“, кои првично требаше да стапат на сила на 21 ноември, за да ѝ се даде време на компанијата да ги продаде своите странски средства.
Порано оваа година, Вашингтон, исто така, воведе тарифи од 50% за стоки од Индија, еден од најголемите увозници на руска нафта. Причината беше упорноста на Њу Делхи во купувањето и покрај предупредувањата дека би можеле да следат секундарни санкции доколку Москва не покаже напредок во мировните напори во Украина.
Иако Трамп не понуди дополнителни детали за законот што се подготвува, тој рече дека Иран веројатно ќе биде меѓу целите. Од почетокот на руската инвазија на Украина, Иран се појави како клучен сојузник на Кремљ, снабдувајќи ги воените напори на Москва со оружје и воена опрема.
Фото: принтскрин
Свет
Газа на работ на нова катастрофа: Бурата ги уништи камповите на раселените
Раселените Палестинци во централна Газа ги спасија своите работи и ги потпреа оштетените шатори во неделата откако силните ветрови и дождот ги уништија нивните импровизирани шатори во областа Ал-Заваид.
Џихан Ал-Рифи, мајка на шест деца, за Ројтерс изјави дека шаторот на нејзиното семејство се урна и се поплави за време на ноќната бура, покажувајќи ја штетата нанесена на нејзиното засолниште.
„Не е погоден за живеење. Мислам, дали сакам да останам тука со моите деца, каде би оделе? Го држам со рацете, го поддржувам, но нема начин“, рече Ал-Рифи додека стоеше во својот оштетен шатор.
Палестинците што живеат во овие привремени кампови, исто така, апелираа за нови шатори и церади за да ги заменат нивните искинати засолништа. Огромни делови од Газа се претворија во пустелија од израелското бомбардирање во текот на две години, во кое загинаа околу 68.000 луѓе, според здравствените власти во Газа.
Според проценките на канцеларијата за медиуми на владата во Газа, 93 проценти од сите шатори за раселени лица повеќе не се погодни за живеење.
Агенцијата на ОН за палестински бегалци (UNRWA) во саботата повика на итен внес на материјали за засолниште во Газа, која е погодена од војна, бидејќи обилните дождови ги поплавуваат шаторите на раселените цивили.
„Зимата пристигна во Газа. Зимските дождови ги прават условите уште поочајни. Семејствата се засолнуваат каде што можат, вклучително и во импровизирани шатори“, соопшти UNRWA на X.
Фото: принтскрин
Што по падот на Покровск?
Додека Русија фокусира огромни сили врз Покровск во обид конечно да го освои рударскиот град во источна Украина, расте неизвесноста...
Хрватски навивачи нападнати со шипки во Црна Гора
Група хрватски навивачи вчера вечер беа нападнати на магистралниот пат Цетиње – Будва. Според неофицијални информации од Управата на црногорската...
(Видео) Пет млади лица загинаа во сообраќајна несреќа во Ирска
Тројца млади мажи и две жени на возраст од дваесет години загинаа во ужасна сообраќајна несреќа во округот Лаут, Ирска,...
РТС: Пукано кон српски војници во близина на воена база
Вооружена и маскирана група Албанци отвори оган врз припадници на српската армија во реонот на базата „Дебела Глава“, во близина...
(Видео) Тројца убиени во нов американски воен напад врз брод за шверц на дрога
САД извршија уште еден напад врз брод за кој се тврди дека шверцува дрога во источниот Пацифик, при што загинаа...
Десет ранети, тројца мртви во руски ракетен напад врз Украина
Во руски ракетен напад врз источноукраинскиот град Балаклија загинаа три лица, а десет беа повредени, меѓу кои и три деца,...
Поларен вртлог носи „декември за паметење“
Поради невообичаено рано затоплување на стратосферата, на прагот е да почне значително нарушување на поларниот вртлог. Прогнозите покажуваат дека поларната...
(Видео) Попов: УМС е единствен претставник на младите во општините и парламентот
Македонија повторно стои исправено, а младите гордо и достоинствено го понесоа товарот да ги исправат неправдите кои со години ѝ...
Со нож усмртил жена и телото го закопал во дворот – расчистено свирепо убиство во Штип, поднесена е кривична пријава против едно лице
СВР Штип во соработка со Одделот за криминалистичка полиција при БЈБ поднесе кривична пријава против Д.А (74) од Штип поради...
(Видео) Манасиевски: Реформите и напредокот на СДС се во втор план на Филипче, приоритет му се желбите на Заев
„Реформите и напредокот во СДС, не се во прв план на Филипче. На него во прв план му е реализацијата...
Сиљановска-Давкова: Во предметот Физичко образование да вклучиме и планинарење
Претседателката Гордана Сиљановска-Давкова се обрати на свечената академија по повод 100-годишинината од основањето на Планинарскиот клуб „Љуботен“, одржана под нејзино...
(Видео) Младеновска: Недозволив молк за најстрашниот скандал со операциите, дали власта се обидува да го заташка?
„Поминуваат денови од откривањето на еден од најстрашните скандали во македонското здравство со непотребни операции на срце направени во приватни...
Украина зимава ќе увезува гас од Грција
Украина ќе увезува гас од Грција за да ги покрие потребите за време на зимата, изјави денеска украинскиот претседател Володимир...
(Фото) Блокирани руски воени возови: групата „Атеш“ изврши прецизни ракетни напади
Украинската герилска група „Атеш“ изврши саботажа на железничка пруга во Запорожската област, блокирајќи руските воени возови, кои потоа беа гаѓани...
Спасовски: Буџетот за 2026 е насочен кон регионален развој и големи капитални проекти од суштинско значење за општините
На вчерашната комисиска расправа за Предлог-буџетот за 2026 година, пратеникот од редовите на ВМРО-ДПМНЕ, Емил Спасовски го оцени буџетот како...
(Видео) Масовни протести во Мексико Сити – повредени 120 лица
На антивладините протести што се одржаа во саботата во Мексико Сити повредени се најмалку 120 лица, од кои 100 се...
Сијарто: Брисел сака да ја преплави цела Европа со мигранти
Само патриотска влада може да ја спаси Унгарија од војната во Украина, од нелегалната миграција и родовата идеологија, изјави унгарскиот...
(Фото+видео) „63 сенки ќе ве следат – секој поглед бара правда“ – марш за загинатите во кочанската дискотека
Илјадници граѓани и родителите на жртвите од Кочани денеска маршираа во Скопје. Побараа правда и одговорност. Маршот во организација на...
(Видео) Манасиевски: Наместо свеж кадар и реформи, Филипче прибира негови лојални луѓе по насока на Заев
„Наместо свеж кадар, реформи и фокус на напредок, Филипче по насока на неговиот ментор Заев, го постави Александар Трајановски за...
(Видео) Цветановски: Зошто за шокантниот скандал со операциите веднаш не се поднесени кривични пријави, кој дал индикација?
„Се случи еден од најголемите и најшокантни скандали во здравството, откриени се најмалку 10 непотребни операции на срце. Но се...
