Европа
(Од минута во минута) Путин ги изнел условите за договор со Украина, Зеленски: Војната мора да заврши
Денеска е 24. ден од руската инвазија на Украина.
Клучни податоци:
– Украинците тврдат дека убиле уште еден руски генерал, според нив, ова е петти загинат генерал од руска страна, од почетокот на воениот судир
– Зеленски испрати порака до Москва, го покани Путин на разговор
– Украинското Министерство за одбрана соопшти дека Русите го прекинале пристапот до Азовското Море
– Украински официјален претставник изјави дека Русите гранатирале воена база во Миколајив, десетици загинати и ранети
– Џо Бајден и Шји Џјинпинг разговараа вчера, кинескиот претседател рече дека Кина не ја поддржува кризата во Украина
21:50 Британски полковник: Ако Русите користат хемиско оружје, играта е завршена
Полковникoт Боб Стјуарт, изјави дека моралот на руските војници е ужасен, но дека тие имаат огромна сила на своја страна. „Недостигот на морал беше една од причините зошто генералите на руската армија можеби мораа да дојдат на линијата на фронтот. Можеби затоа што нормалните војници велат – ние не сакаме да го правиме тоа“, рече Стјуарт.
20:40 Украинска телевизија: Наша новинарка исчезна, веруваме дека ја држат Русите
Украинската телевизија Хромадске објави дека нивната новинарка Викторија Рошчина исчезнала на југоистокот на земјата. Тие веруваат дека ја држат руските сили. Последен пат беше слушнато за неа на 12 март, ден откако објави напис од градот Енерходар, кој беше окупиран од Русија, изјавиле тие.
Британскиот премиер Борис Џонсон во својот говор на Пролетната конзервативна конференција во Блекпул ја спореди руската инвазија на Украина со гласањето на британското население за напуштање на Европската Унија.
19:40 Киев и порача на Кина: Осудете го варварството во Украина
Украинското претседателство денеска ја повика Кина да му се придружи на Западот и да го осуди руското варварство, имајќи предвид дека Пекинг никогаш официјално не го критикувал рускиот напад врз Украина.
19:16 Русија предупредува: Украинските мини слободно пловат во Црното Море, можат да стигнат до Медитеранот
Русија денеска предупреди на мини поставени од украинските сили во Црното Море по почетокот на руската офанзива врз Украина, кои би можеле да испливаат до Босфорот, па дури и до Средоземното Море.
19:00 Пекинг го повика НАТО да го одржи ветувањето дека нема да се шири на исток
Кинескиот заменик-министер за надворешни работи Ле Гученг денеска наложи НАТО да се држи до, како што го нарече, „ветувањето дека нема да се шири на Исток“. Кинескиот функционер ги критикуваше далекусежните санкции на Западот против Русија поради инвазијата на Украина и рече дека главната причина за војната лежи во менталитетот на Студената војна и политичарите на моќ, објавија агенциите.
17:50 Околу 1,5 милиони деца ја напуштиле Украина од почетокот на руската инвазија, соопшти УНИЦЕФ
Околу 1,5 милиони деца ја напуштиле Украина од почетокот на руската инвазија и се изложени на висок ризик од трговците со луѓе, соопшти УНИЦЕФ. Илјадници други деца се раселени во земјата, додаваат тие.
17:30 Зеленски: Ако не ја запрете Русија сега, други агресори ќе започнат други војни
Претседателот на Украина, Володимир Зеленски, на својот официјален фејсбук профил објави шокантни слики од земјата
17:05 Трагедија во Луганск: Во нападите загинаа мајка и две деца
Според украинските медиуми, по гранатирањето во градот Рубижне во областа Луганск, загинала мајка со две деца. Третото дете е извлечено од урнатините и е во стабилна состојба.
16:45 Лавров: Тешко е сериозно да се сфати Зеленски, едно зборува, а друго прави
Рускиот министер за надворешни работи Сергеј Лавров изјави дека политичките активности на украинскиот претседател Володимир Зеленски тешко е да се сфатат сериозно, бидејќи, како што вели, неговите зборови се разликуваат од неговите дела.
16:25 Путин постави шест услови за почеток на преговори за завршување на војната
Рускиот претседател Владимир Путин во разговор со турскиот претседател Реџеп Таип Ердоган изнел неколку услови за постигнување договор со Украина за прекин на огнот, изјави портпаролот на Ердоган, Ибрахим Калин во интервју за турскиот весник Хуриет, пренесува Си-Ен-Ен.
15:32 Путин е сосема здрав и во форма, Западот зборува глупости, порача Лукашенко
„Тој и јас не само што се среќаваме како шефови на држави, туку сме и во пријателски односи“, изјави белорускиот претседател. „Апсолутно сум запознаен со сите детали, колку што е можно, државни и лични“, додаде тој.
15:10 Се води голема битка за фабриката за челик
Има спротивставени извештаи за статусот на еден од клучните индустриски погони во Украина – фабриката за челик Азов во Мариупол.
Доцна во петокот, советник на украинската влада рече дека фабриката е во руски раце. Но, утринава баталјонот Азов, кој се бори во Мариупол, соопшти дека фабриката останала во нивни раце.
„Непријателот не стигна толку далеку во градот. [Украинската] морнарица, заедно со баталјонот Азов, заедно со полицијата, продолжуваат да го бранат градот и неговите цивили“, изјави членот на баталјонот Владислав Соболевски за украинската телевизија.
„Денес фабриката ‘Азов Стил’ е под наша контрола“, посочи тој, додавајќи дека низ градот во тек се воздушни напади.
Големата фабрика за челик се наоѓа веднаш источно од центарот на градот.
14:30 (Видео) Русите објавија снимка од уништувањето на подземен бункер со суперсоничен проектил
Руската армија денеска објави дека за првпат употребила суперсонични ракети во Украина, среде глобалната трка за набавка на вакво оружје, кое рускиот претседател Владимир Путин го нарекува непобедливо.
▫️Destruction of a weapons depot of the Armed Forces of Ukraine by high-precision missile weapons strike. We can see the exact hit of an underground hangar with weapons and ammunition. pic.twitter.com/sKTF46Tdb0
— Минобороны России (@mod_russia) March 19, 2022
14:10 ОН потврдија дека се убиени најмалку 816 украински цивили
Според Канцеларијата за човекови права на ОН, потврдено е дека вкупно 816 украински цивили се убиени, а 1.333 се повредени од почетокот на руската инвазија на 24 февруари.
Но, ова се бројки до кои дојде персоналот на ОН, преку различни проверки. Се стравува дека бројот на загинати е многу поголем. Украинските власти соопштија дека илјадници луѓе биле убиени во војната.
13:40 Полска повикува на целосна блокада на трговијата со Русија
Полскиот премиер, Матеуш Моравјецки, ја повика ЕУ да воведе целосна забрана за трговија со Русија.
Моравјецки вели дека треба да се направи трговска блокада по морски и копнен пат што е можно поскоро, пишува „Ројтерс“.
13:00 Лукашенко: Направив сè за да спречам војна, но Западот ја принуди Украина
Белорускиот претседател Александар Лукашенко денеска изјави дека западните земји ја турнале украинската влада во војна, додавајќи дека Минск бил подготвен да испрати граничари на границата меѓу украинскиот регион Донбас и Русија, но Украина ја отфрлила иницијативата.
12:50 Деветмина загинати во гранатирање на предградијата на Запорожје
Девет лица загинаа, а 17 се ранети во петокот во гранатирање на предградијата на Запорожје во јужна Украина, изјави заменик-градоначалникот Анатолиј Куртиjев.
„Оттогаш, војската прогласи 38-часовен полициски час во Запорожје, кој беше нападнат од руските сили со минофрлачи, тенкови, хеликоптери и ракетни системи“, објави Куртиjев на својата веб-страница.
„Не излегувајте во ова време!“, предупреди тој. Претходно месецов беше гранатирана нуклеарната централа во близина на Запорожје, потсети заменик-градоначалникот.
12:43 Мариупол: Жестоките борби го отежнуваат спасувањето на луѓето скриени во разрушениот театар
Градоначалникот на Мариупол, Вадим Бојченко, рече дека уличните борби во центарот на градот го отежнуваат спасувањето на стотици луѓе заробени во подрумот на театарот што властите велат дека руската војска го гранатирала во средата.
„Има тенкови, артилериски оган и пукање од секакво оружје. Нашите сили прават се што можат за да ги задржат позициите во градот, но непријателските сили за жал се побројни од нашите“, нагласи тој.
Во меѓувреме, украински пратеник ги опиша условите во опколениот град како „средновековни“.
12:00 Да се прогласи Путин за лудак е банализирање на војната, велат психолози
Од почетокот на руската инвазија на Украина, многу медиуми и објави на социјалните мрежи го доведуваат во прашање психолошкиот профил и менталното здравје на рускиот претседател Владимир Путин како можни клучеви за разбирање на одлуките и потезите на официјална Москва.
11:00 Украина очекува отворање на 10 хуманитарни коридори
Хуманитарен коридор за евакуации во Луганската област ќе биде отворен денеска, најави регионалниот гувернер Серхиј Гаидај.
„Договорен е хуманитарен коридор, денеска ќе се обидеме да ги евакуираме луѓето и да донесеме храна“, рече тој.
Всушност, станува збор за еден од десетте хуманитарни коридори за евакуација на граѓаните, за кои Украина се надева дека ќе бидат отворени денеска.
Ова го најави вицепремиерката, Ирина Верешчук.
10:03 Русите тврдат дека користеле хиперсонично оружје
Русија соопшти дека користела хиперсонично оружје за да уништи подземно воено складиште во западна Украина. Хиперсоничните проектили се брзо оружје што може да избегне откривање oд системите за противракетна одбрана.
09:36 Украинците тврдат дека убиле уште еден руски генерал
„Како резултат на нападот на непријателот, загина командантот на 8-та армија на Јужниот воен округ на вооружените сили на Руската Федерација, генерал полковник Андреј Мордивчев“.
Оваа информација не е потврдена, а ја објави украинската армија на својот официјален профил на „Твитер“.
?Внаслідок нанесення вогневого ураження по противнику, знищено командувача 8-ї загальновійськової армії Південного військового округу збройних сил російської федерації генерал-лейтенанта Андрія Мордвічева. ? pic.twitter.com/gNfSCMIpkw
— Генеральний штаб ЗСУ (@GeneralStaffUA) March 19, 2022
09:17 Британски разузнавачки извештај: Русите се изненадени, принудени се на нова стратегија
Во последното ажурирање на разузнавачките информации, Министерството за одбрана на Велика Британија вели дека Русија била принудена да го промени својот оперативен пристап и сега спроведува стратегија за исцрпување.
Latest Defence Intelligence update on the situation in Ukraine – 19 March 2022
Find out more about the UK government’s response: https://t.co/iXd9G8IiA0
?? #StandWithUkraine ?? pic.twitter.com/6fYJwelqMP
— Ministry of Defence ?? (@DefenceHQ) March 19, 2022
09:10 Најмалку 40 украински војници убиени во Миколајив
Најмалку 40 украински војници загинаа по руски воздушен напад врз касарна во Миколајив, јавуваат локалните медиуми, на кои се повикува агенцијата АФП.
Градоначалникот на Миколајив, Александар Сенкевиќ, во петокот на „Фејсбук“ објави дека неколку села во регионот се окупирани и дека градот е под силен оган, нарекувајќи го тежок ден.
09:07 Поранешен британски премиер: На Путин треба да му се суди како на нацистите во Нирнберг
Поранешниот британски премиер, Гордон Браун, изјави дека Владимир Путин треба да се соочи со меѓународен суд за неговите постапки во Украина.
09:00 Зеленски до Русите: Замислете 14.000 мртви тела на стадион во Москва
Украинскиот претседател Володимир Зеленски утринава одговори на појавувањето на рускиот лидер Владимир Путин на стадионот во Москва со испраќање на мрачна порака.
Toj воедно истакна дека е време да се седне и разговара.
„Сакам сите да ме слушнат сега, особено во Москва. Време е да се сретнеме, да разговараме, да ги вратиме територијалниот интегритет и правдата за Украина, или Русија ќе се соочи со такви загуби што следните неколку генерации нема да можат да го поправат тоа“, порача Зеленски на „Фејсбук“, а пренесува Си-ен-ен.
Според него, акциите на руската армија ја влошуваат ситуацијата, а искрените разговори без одлагање се единствениот начин да се запре натамошната штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Се шири снимка од Русија: Униформирани тинејџери во црква со автоматски пушки
На социјалните мрежи циркулира видео од Русија на кое се гледа група униформирани малолетници како ракуваат со автоматско оружје во православна црква.
Според украинските медиуми, видеото е снимено во селото Обухово во Московскиот регион, каде што руската православна црква организирала обука за огнено оружје за тинејџери.
🥴A military performance was held in a 🇷🇺Russian Orthodox Church temple involving teenagers in uniform armed with Kalashnikov rifles. pic.twitter.com/IW7u7XoK3E
— 🪖MilitaryNewsUA🇺🇦 (@front_ukrainian) February 19, 2026
Снимката прикажува малолетници како ги демонстрираат своите вештини со автоматски пушки во црковната сала под надзор на инструктори. Во позадина се видливи икони и други религиозни симболи.
Според истиот извор, ова е дел од програма што е претставена како „курс за млади војници“ и се одржува во просториите на црквата. Видеото прикажува инструктори како ги надгледуваат младите луѓе додека држат и креваат оружје.
Ваквите активности се поврзани со активностите на таканаречените воено-патриотски клубови, кои често работат со поддршка на одредени црковни структури.
Европа
Анкета: Четвртина од Унгарците веруваат дека поразот на Орбан би ја турнал земјата во војна
Речиси една четвртина од Унгарците, поточно 23 проценти, веруваат дека победата на главната опозициска партија Тиса над владејачката партија Фидес на Виктор Орбан на изборите би ја фрлила земјата во војна, според анкета на институтот 21 Kutatóközpont.
Резултатите, собрани кон крајот на јануари откриваат длабока поларизација во унгарското општество. Само 54 проценти од испитаниците веруваат дека такво сценарио не може да се случи, додека преостанатите 23 проценти немаат јасен став за ова прашање.
Анализата на одговорите според партиските преференции покажува дека дури 58 проценти од поддржувачите на владејачките партии веруваат во главната порака на кампањата, според која влада предводена од Тиса би ја вовлекла Унгарија во војна. Само 15 проценти од гласачите за владејачката партија не го делат ова мислење, а 28 проценти се неодлучни. Меѓу непартиските испитаници, 17 проценти веруваат дека победата на Тиса би донела војна.
Институтот 21 Kutatóközpont прашува дали 23 проценти од целото население и 58 проценти меѓу гласачите за владејачката партија се многу или малку. „Ако го гледаме како процент на луѓе кои се согласуваат со главната порака на кампањата на Фидес, уделот може да изгледа релативно мал. Меѓутоа, ако ја земеме предвид тежината и вистинското значење на тврдењето, тогаш овој број е исклучително висок“, се наведува во анализата.
„Ако речиси два милиони луѓе можат да замислат дека Тиса би предизвикала таква штета, се поставува прашањето каде е границата и во што повеќе не може да биде убедена оваа група гласачи? Исто така, што сметаат дека е прифатлива цена за Фидес за да се спречи сценарио кое, според нив, би довело до масовно крвопролевање? Ретко некое прашање ја одразува толку добро поларизацијата на општеството.“
Анализата додава дека силата на владината комуникација е очигледна во фактот дека, покрај 23 проценти од испитаниците кои се согласуваат со тврдењето, речиси една четвртина од општеството не е имуно на него.
„Значителен дел од нив нема да излезат на гласање, но сепак дури 46 проценти од вкупното население не го смета обвинувањето за војна против Тиса за целосна бесмислица“, се истакнува во него.
Европа
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што моментално ги контролира. Изјавата доаѓа во време кога разговорите со посредство на САД за ставање крај на руската инвазија се во застој поради територијални прашања пред четвртата годишнина од војната, објави „Киев Индепендент“.
„Донбас е наш народ, не само територија“
„Илјадници, десетици илјади Украинци се убиени бранејќи го тој дел од Украина“, рече Зеленски во интервју водено од Пирс Морган. „Мора да разбереме дека Донбас е дел од нашата независност. Тој е дел од нашите вредности. Не станува збор за земја. Не станува збор само за територии. Станува збор за луѓе“.
Зеленски рече дека преговарачите постигнале поголем напредок во техничките дискусии, како што е тоа како да се следи потенцијалното примирје, отколку во политичките прашања. Тој нагласи дека секое трајно решение бара силни безбедносни гаранции и европска вклученост.
„Кога зборуваме за безбедносни гаранции, мислиме на цврсти гаранции дека остатокот од светот – или барем некои земји – ќе бидат подготвени да одговорат ако Путин се врати со својата агресија“, објасни Зеленски. Тој ја отфрли идејата за лична доверба во рускиот претседател Владимир Путин, велејќи дека на Украина ѝ се потребни „институционални“ гаранции.
Тој ги опиша Украинците како исцрпени по речиси четири години војна, но нагласи дека земјата останува обединета. Како примери ги наведе националната мобилизација за време на зимските енергетски напади и брзите поправки во Киев и другите градови. „Најтешката ситуација беше во Киев по сите овие напади врз енергетската мрежа“, рече тој, додавајќи дека „240 бригади дојдоа од сите региони за да ја обноват клучната инфраструктура во Киев“.
Донесени пресуди за случајот „Премин“, обвинителството најави жалба
Денеска, во Основниот кривичен суд Скопје, беше објавена неправосилна пресуда во предметот со кодно име „Премин“, застапуван од Специјализираното одделение...
Поранешен градоначалник на Росоман исплатил личен долг од 500.000 денари од општинскиот буџет
Полицијата поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената...
Сиљановска – Давкова: Имаме најмало и најстаро владино авионче во регионот, секогаш имам дилема дали да летам со него
Претседателката, Гордана Сиљановска – Давкова, призна дека секогаш има дилема кога треба да се вози со владиниот авион затоа што...
Семејството на Мицкоски никогаш не го користело владиниот авион, ама затоа Заев бил со семејството на одмор во Амстердам, велат од ВМРО-ДПМНЕ
Семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС,...
Кривични против претседатели и вработени во Здружението на инвалиди на трудот – Штип, си присвоиле над 300.000 денари
Полицијата поднесе кривични пријави против поранешни претседатели и вработени во Здружението на инвалиди на трудот – Штип за сторени продолжени...
Сопствениците на кучиња да го почитуваат законот и да ги микрочипираат милениците, апелира АХВ
Агенцијата за храна и ветеринарство (АХВ) апелира до сопствениците на домашни миленици – кучиња за исполнување на законската обврска за...
Николоски: Воведовме 23 нови линии во авиосообраќајот, имаме рекордна бројка на патници, а годинава очекувам да порасне над 4 милиони патници
Од изборот на Владата до денес имаме нови 23 директни летови, охридскиот и скопскиот аеродром поминаа 3,5 милиони патници, оваа...
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што...
(Видео) Дете висеше од ски-лифт на Јахорина па падна, скијачите се обидоа да го фатат
Вчера, дете падна од жичницата на планината Јахорина во Босна и Херцеговина откако некое време висеше држејќи се за седиштето....
Утре прв состанок на Одборот за мир на Трамп
Американскиот претседател Доналд Трамп утре ќе претседава со првиот состанок на Одборот за мир, во сенка на нерешени прашања за...
Една третина од американската морнарица е во близина на Иран: објавено кога би можел да започне нападот
Американската војска е подготвена да го нападне Иран уште овој викенд, иако претседателот Доналд Трамп сè уште не донел конечна...
Сообраќајот на патниот правец Скопје – Велес е нормализиран во двете ленти
Сообраќајот на патниот правец А1 Скопје – Велес е нормализиран во две коловозни ленти, извести АМСМ. Интензитетот на сообраќај на...
(Видео) Една од најсмртоносните лавини во историјата на САД: oсум скијачи загинаа, еден е исчезнат
Осум скијачи загинаа, а еден е исчезнат во лавина во планините Сиера Невада во Калифорнија, соопштија властите во среда, во...
Законот за високо образование нема да биде повлечен, јавнaта расправа продолжува
Министерката за образование и наука Весна Јаневска на пленарна седница изјави дека нема да го повлече нацрт-законот за високо образование....
Гоце Наумовски стана нов уставен судија
Собранието со 63 гласа „за“, седум „против“ и без воздржани го избра професорот Гоце Наумовски за нов уставен судија, по...
Владата нема да купува нов авион: ќе се повлечеме од набавката и ќе се молиме да останеме живи, вели Мицкоски
Владата се откажа од набавка на нов авион на што се одлучи оти стариот е дотрајан и претставува голем трошок...
(Видео) За Мицкоски контролата на цените не е популизам, туку заштита на граѓаните, најави праведност и кон оние што се обидуваат да профитираат од кризите и кон оние што избегнуваат обврски
Денешната конференција за формализирање на неформалната економија не е само експертска расправа. Таа е разговор за праведност во општеството. За...
(Фото) Изгореа викендица и куќа, се запали оџак: три интервенции на струмичките пожарникари
Струмичките пожарникари денеска уште во раните утрински часови имаа три интервенции. Во 06.55 часот, во излетничката населба Суви Лаки, запалена...
„Парите за боледувања доцнат – дали Клековски манипулира дека се редовни или фондот е празен“, прашува Левица
„Изминатиот период сѐ повеќе граѓани нѐ информираат дека одреден период Фондот за здравствено осигурување не врши навремена исплата на средства...
(Фото) На повеќе локации низ Скопје паднаа дрвја, Ѓорѓиевски: Екипите се на терен, реагираме навремено
Поради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Градоначалникот Орце...
