Европа
Од петок задолжителна онлајн регистрација пред влегување во Австрија
Од петок на австриските граници ќе се применува уште построг режим на влез. Соодветната уредба ќе биде донесена деновиве, а министерот за надворешни работи, Александар Шаленберг, веќе ги извести Австријците во странство за новата мерка.
Тековната мерка за задолжителен десетдневен карантин за сите што доаѓаат во Австрија од ризични региони и земји е продолжена до ново известување. Карантинот може да се прекине со негативен тест само по пет дена изолација.
Дополнително, се воведува обврска за онлајн регистрација пред влегување во земјата. Регистрацијата е задолжителна не само за странци, туку и за австриски државјани.
Како и досега, преку новата мерка се изземени прекуграничните работници, транзитниот сообраќај, како и лицата кои мораат да одат во Австрија поради итни семејни обврски, како и лицата кои се на службено патување, кои нема да треба да одат во карантин или да се регистрираат.
При онлајн регистрацијата, лицето не само што ги наведува името и презимето, како и информациите за контакт, туку и каде престојувало пред патувањето. Така, австриските власти сакаат да обезбедат, на пример, некој што патува од Шведска во Финска, и оттаму во Австрија, да не избегнува карантин, бидејќи Финска е на „зелената листа“ на земји од кои патниците не треба да бидат ставени во карантин.
Покрај тоа, мора да се наведе адресата во Австрија, како и должината на престојот во земјата.
Формуларот што треба да се пополни може да се најде на веб-страницата www.oesterreich.gv.at на германски и англиски јазик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.