Свет
Озлогласениот командант на Путин, кој го надгледуваше масакрот на украинските војници, пронајден мртов
Смртта на еден од најозлогласените команданти на руската армија, потполковникот Дмитриј Лисицки, предизвика многубројни контроверзии. Имено, додека извори од Русија тврдат дека се самоубил со ловечка пушка, Киев наведува дека бил убиен од украинските вооружени сили за одмазда за злоделата што војската на Путин под негова команда ги направила при повлекувањето од т.н. Иловајски котел во 2014 година.
Неговата смрт прв ја пријави украинскиот новинар Јуриј Бутусов, кој тврди дека киевските сили „повторно го одмаздиле Иловајск со ликвидирање на Дмитриј Лисицки“, пишува „Јутарњи лист“.
Од друга страна, Москва тврди дека Лисицки ги презел работите во свои раце по неколкумесечна борба со депресијата, што следуваше по критиките во јавноста за неговото незаконско постапување со воениот персонал за време на војната во Украина.
Инаку, Лисицки беше награден со највисоките руски одликувања, меѓу кои и Орденот на херојот на Русија, и беше командант на првиот јуришен баталјон во 247. полк.
Неговиот полк претрпе тешки загуби додека Русија се повлекуваше од Харков минатата година, а како што тврди украински новинар, „ликвидацијата на Лисицки сериозно ќе ја ослаби борбената готовност на полкот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.