Свет
Окасио-Кортез и нејзините колешки од „одредот“ повторно во Конгресот
Александрија Окасио-Кортез од Њујорк и Илхан Омар од Минесота, двете членки на прогресивниот дел на демократите, ги вратија своите места во Конгресот, пренесува „Гардијан“. Други две познати конгресменки, Ајана Пресли од Масачусетс и Рашида Тлејб од Мичиген, исто така се враќаат во Конгресот. Овие четири политичарки, сите Афроамериканки, се прославија пред сè поради нивните остри настапи против Доналд Трамп. И тие неформално се нарекуваат „одред“.
Our sisterhood is resilient. pic.twitter.com/IfLtsvLEdx
— Ilhan Omar (@IlhanMN) November 4, 2020
„Нашето сестринство е издржливо“, напиша Омар на „Твитер“.
„Служењето во Њујорк 14 и борбата за работничките семејства во Конгресот беше најголема чест, привилегија и одговорност во мојот живот. Благодарам на Бронкс и Квинс што ме избраа и ми доверија да ги застапувам повторно и покрај милионите потрошени против нас“, рече Окасио-Кортез, која ги критикуваше недоволните напори на демократите да освојат латино-гласови.
„Постои стратегија и насока, но не е направен потребниот напор. Имаме уште работа“, додаде таа.
На гласачите им се обрати и Пресли.
„Ние се организиравме. Се мобилизиравме. Ние ги легитимиравме нашите вредности. Горда сум што сум ваш конгресмен и работен партнер. Верувам во нашата сила. И ние само што започнавме“, напиша Пресли.
Тлејб, која заедно со Омар е една од првите две муслиманки во Конгресот, и` напиша честитка на Пресли.
„Одредот е голем“, напиша таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Северна Кореја испраќа војници во руската армија
Украинскиот претседател, Володимир Зеленски, денеска ја обвини Северна Кореја дека испраќа војници во руската армија за да ја нападне Украина.
„Гледаме растечки сојуз меѓу Русија и режими како Северна Кореја. Повеќе не се работи само за трансфер на оружје. Се работи за испраќање луѓе од Северна Кореја во окупаторските вооружени сили“, рече тој.
Свет
САД му испраќаат на Израел голема помош: „Го правиме тоа за да го одбраниме“
Соединетите Американски Држави најавија дека ќе испратат напреден противракетен систем до Израел и американски војници да управуваат со него, во обид да ја зајакнат воздушната одбрана на земјата по ракетниот напад од Иран.
Американскиот претседател, Џо Бајден рече дека го испраќа системот за да го одбрани Израел.
Портпаролот на Пентагон, Пат Рајдер, рече дека распоредувањето на системот за одбрана ќе го зајакне интегрираниот израелски систем за воздушна одбрана.
„Ова е дел од поширокото прилагодување на американската војска во последните месеци за поддршка на одбраната на Израел и заштита на Американците од нападите на Иран и проиранските милиции“, рече Рајдер.
Претходно во неделата, иранскиот министер за надворешни работи Абас Аракчи ги предупреди Соединетите држави дека ги загрозуваат животите на нивните војници со тоа што „ги испраќа да управуваат со американските противракетни системи во Израел“.
„Иако направивме неверојатни напори во изминатите неколку дена за да спречиме војна од целосен обем во нашиот регион, јасно ќе кажам дека немаме црвени линии во одбрана на нашиот народ и интереси“, објави Аракчи на „Икс“.
Иран истрела проектили и беспилотни летала кон Израел во април. На 1 октомври повеќе од 180 балистички ракети беа истрелани кон Израел поради ескалацијата на борбите меѓу Израел и Хезболах во Либан. Многумина беа пресретнати, но некои ја пробија одбраната.
Свет
(Видео) „Ова е сосема лудо!“ – „Старшип“ на Илон Маск изведе неверојатна мисија
Компанијата „Спејс Икс“ на милијардерoт Илон Маск денеска изврши успешна пробна летачка мисија со системот „Старшип“, петта по ред, со успешно враќање на Земјата на првата етапа од вселенскиот систем.
Пробната мисија имаше за цел да презентира можност првата етапа, ракетата „Супер хеви“ да се врати на Земјата неоштетена. Таа слета директно во клештите на лансирната рампа од каде што претходно беше лансирана. Ова предизвика радосни извици и аплаузи во вселенскиот центар на компанијата во јужен Тексас.
Watch Starship’s fifth flight test https://t.co/LVrCnTv797
— SpaceX (@SpaceX) October 12, 2024
„Ова е сосема лудо!“ врескаше инженерката на „Спејс Икс“, Кејт Тајс за време на преносот во живо.
Ова претставува голем чекор напред кон главната цел на „Спејс Икс“, „Старшип“ да стане вселенско летало за повеќекратна употреба. На веб-страницата на „Спејс Икс“ се вели дека тоа е „вселенски брод за целосно повеќекратна употреба“ и втора етапа од системот „Старшип“ .