Свет
ОН се обидуваат да го спречат гладот во Газа: „Постојано некои нови проблеми“
Обединетите нации(ОН) се уште се борат да се обидат да го спречат гладот во Појасот Газа. Иако има одредено подобрување во координацијата со Израел, испораката на помош во енклавата продолжува да се соочува со тешкотии, изјави вчера висок претставник на ОН.
Шефот на Канцеларијата на ОН за координација на хуманитарни прашања на окупираната палестинска територија, Андреа Де Доменико, рече дека испораката на помош во Газа се соочува со значителни одложувања на контролните пунктови и дека минатата недела 41 отсто од барањата на ОН за испорака на помош во северна Газа биле одбиени.
„Танцуваме танц каде што правиме еден чекор напред, два чекора назад, или два чекора напред, еден чекор назад, што во основа секогаш не остава на иста точка. За секоја нова можност што ќе ни се појави, ќе има уште еден предизвик за да се справиме, ни е навистина тешко да стигнеме до местото каде што би сакале да бидеме“.
ОН долго време се жалат на пречките во испораката на помошта и нејзината дистрибуција низ Газа. Но, глобалниот гнев поради хуманитарната криза во енклавата со 2,3 милиони луѓе ескалира откако израелските воздушни напади ги убиваа хуманитарните работници во Светската централна кујна на 1 април.
Израел оттогаш го одобри повторното отворање на преминот Ерез во северниот дел на Газа и привременото користење на пристаништето Ашдод во јужен Израел, откако американскиот претседател Џо Бајден повика на чекори за олеснување на хуманитарната криза во Газа, велејќи дека може да се постават услови за американската поддршка за Израел доколку нема да дејствува.
„Постојано се зголемува бројот на камиони кои влегуваат“, рече Де Доменико, додавајќи дека ОН не знаат колку приватна испорака на помош Израел дозволил во северниот дел на Газа. Но, тој исто така рече дека фокусот мора да биде и на подобрување на пристапот до помош во Газа.
„Проблемот не е само во храната. Проблемот е што гладот е многу покомплексен, тој е многу поголем од едноставниот внес на брашно. Водата, санитарните услови и здравјето се клучните услови за борба против гладот“, рече тој.
Американските власти забележаа постојан напредок во износот на помошта што оди во Газа, соопшти во вторникот американскиот Стејт департмент, но тој сè уште не е на посакуваното ниво и Вашингтон работи на негово подобрување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Свет
Русија загуби стратешки важен остров
Украина во неделата објави дека ја вратила контролата врз тактички важниот остров Нестрих. Капетанот Дмитро Плетенчук, портпарол на Јужната оперативна команда на украинските вооружени сили, изјави за украинската радио станица Хромадске Радио дека контролата на островот во реката Днепар во регионот Херсон значително ќе ги зголеми контрадиверзантските мерки на Киев.
Откако рускиот претседател Владимир Путин започна инвазија на Украина во февруари 2022 година, неговите сили брзо зазедоа големи делови од Херсон. Сепак, Украина започна контраофанзива во регионот подоцна истата година во која нејзината армија го ослободи северен Херсон на десниот брег на Днепар. Оттогаш, украинските сили започнаа редовни напади преку реката, вклучително и воспоставување на повеќе мостови на источниот брег во есента 2023 година.
Плетенчук изјави за радио Хромадске дека островот Нестриха, кој се наоѓа на околу 20 километри југозападно од градот Херсон, има „тактичко значење“. Тој додаде дека „битни се сите локации кои го спречуваат непријателот да се приближи до позициите“.
„Со оглед на тоа што непријателот вообичаено користи слични локации (всушност има многу такви острови на реката Днепар) за да се доближи и да постави минофрлачи, тогаш ова е првенствено важно за квалитетот на антидиверзантските мерки“, рече Плетенчук. „Значи, да, ова место е исчистено од непријателско присуство.
Свет
Четворица полицајци убиени во акција во САД, осомничениот пукал во нив
Четворица полицајци загинаа, а уште толку се повредени во престрелка во градот Шарлот во американската сојузна држава Северна Каролина. Според информациите од полицијата, убиен е и напаѓачот.
Началникот на полицијата, Џони Џенингс, на прес-конференција рече дека тројца од убиените полицајци се членови на американската оперативна група за бегалци, која ја сочинуваат полицајци од различни агенции.
„Четвртиот офицер беше Џошуа Ајер, кој служеше во одделот Шарлот-Мекленбург шест години“, рече Џенингс, додавајќи дека градот изгубил „херои кои само сакале да ја заштитат заедницата“.
Полицајците биле убиени додека биле на пат да апсат осуден криминалец.
„Тие стигнале до куќата каде што бил осомничениот, кога тој почнал да пука во нив“, рече Џенингс.
Полицајците возвратиле и осомничениот бил убиен во дворот.
Полицајците потоа отвориле оган во куќата. По тензичен судир, полицијата приведе две лица. Се верува дека најмалку еден од нив пукал кон полицијата.
Покрај четворицата убиени, Џенингс рече дека биле застрелани и четворица полицајци од Шарлот кои биле на местото на злосторството. Еден е во критична состојба, додека тројца се стабилни.