Свет
Пакистанец убил маж со кујнски нож во трамвај во Загреб, осуден на 12 години
![](https://makfax.com.mk/wp-content/uploads/2023/11/fffb.jpg)
Пакистанец убил маж со кујнски нож во трамвај во Загреб. Високиот кривичен суд ја потврди пресудата на Жупанискиот суд во Велика Горица, со која пакистанскиот државјанин Мухамед С. (27) е осуден на 12 години за убиството на Синиша В. (52) во загрепскиот трамвај број 6 во септември 2021 година. Според обвинението, на 18.9.2021 година, околу 9 часот, додека се возел на трамвајската линија, Мухамед С. се расправал со патникот Синиша В. по што расправијата прераснала во физички конфликт.
Во еден момент Мухамед С. извадил кујнски нож и со него во пределот на вратот го пробол Синиша В., кој починал на самото место. Пакистанскиот државјанин потоа излегол од трамвајот и истиот ден отпатувал за Италија, каде што два месеца подоцна бил уапсен по потерница по него.
Уапсен е во Фиренца, а полицијата го открила преку неговиот мобилен телефон. Мухамед С. дошол во Хрватска во 2017 година како илегален имигрант, а при влегувањето во Хрватска паднал под воз и ја загубил ногата.
ВКС прецизира дека Мухамед С. изразил жалење, а претходна неосудуваност, неговиот претходен живот, многу тешките услови за живеење, фактот што останал без нога и дека тој бил жртва на психичко и физичко насилство, биле соодветно ценети како ублажување во пресудата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.