Свет
Полскиот министер Шикорски: Бараме објаснување како руските ракети влегуваат во нашиот воздушен простор

Шефот на полската дипломатија Радослав Шикорски денеска изјави дека ќе побара од рускиот амбасадор во Варшава, кој беше повикан во Министерството за надворешни работи, да објасни како руските крстосувачки ракети насочени кон Украина влегле во полскиот воздушен простор.
„Веќе не знам кој по ред е таквиот инцидент. Ова е апсолутно неприфатливо. Ќе бараме објаснување, но секако ќе добиеме некаква демагогија“, изјави Шикорски за полските медиуми.
Во неделата руска крстосувачка ракета насочена кон областа околу Лавов, во близина на границата на Украина со Полска, навлегла на полска територија 39 секунди, околу два километра.
Министерот за одбрана, Владислав Кошњак-Камиш, рече дека биле активирани сите системи за противвоздушна одбрана и дека летот на ракетата бил следен од радари, како и од пар полски и сојузнички борбени авиони на должност.
„Секој инцидент го разгледуваме поединечно. На секое навестување дека ракетата е насочена кон која било цел во Полска, секако дека би уништиле таков проектил“, изјави министерот за одбрана на новинарите во неделата.
Воените експерти не го исклучуваат фактот дека Русија со правење грешки и наводно ненамерно нарушување на воздушниот простор на Полска и другите членки на НАТО, всушност ги тестира нивните реакции на можен напад.
„За тоа ќе разговараме денеска во Владата, ќе разговарам и со генералниот секретар на НАТО“, рече Шикорски.
Покрај протестната нота за ракетата, Шикорски пред концертот во Красногорск има намера да му изрази сочувство на рускиот амбасадор до семејствата на жртвите од терористичкиот напад.
„Секако дека ќе изразиме сочувство и до семејствата на жртвите. Но, во исто време предлагаме, наместо да сее терор во Украина, Русија да се справи со теророт дома“, рече Шикорски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Свет
Белата куќа: Секоја земја која неправедно се однесува кон САД ќе биде цел на дополнителни царини

Секоја земја што неправедно се однесува кон САД треба да очекува дека ќе биде цел на дополнителни царини, соопшти денеска Белата куќа, два дена пред американскиот претседател Доналд Трамп да ги објави, како што рече, сеопфатните, реципрочни царини.
„Секоја земја што се однесуваше неправедно со американскиот народ треба да очекува да добие царина во среда како реципрочна мерка“, им рече на новинарите портпаролката на Белата куќа Каролин Левит, одбивајќи да даде дополнителни детали, според Ројтерс.
На прашањето дали ќе има исклучоци за земјоделците, таа рече дека „во овој момент нема исклучоци“.
Свет
Силен земјотрес ја погоди Индонезија, се стравува од повредени

Земјотрес со јачина од 6 степени според Рихтеровата скала е регистриран во 17:54 часот во Индонезија.
Според достапните податоци, епицентарот на земјотресот бил лоциран во областа со географски координати на географска ширина -10,1246 и географска должина 119,0393.
Хипоцентарот на земјотресот, според Европско-медитеранскиот сеизмолошки центар, се наоѓал на длабочина од приближно 37 километри под површината на земјата во близина на островот Сумба.
Засега нема извештаи за материјална штета или повредени, а надлежните служби ја следат состојбата.
Во Мјанмар минатата недела беше регистриран разорен земјотрес со јачина од 7,7 степени.