Европа
Поради грешка ампутирани рацете и нозете на девојче во Британија
На британската девојка на која и беа ампутирани рацете и нозете откако по грешка беше отпуштена од болница и беше доделена отштета од повеќе милиони долари.
Девојчето било пренесено во ургентен центар со знаци на менингитис и сепса. Имала висока температура, забрзано чукање на срцето, болки во нозете, поспаност и повраќање.
И покрај знаците за предупредување, и бил препишан парацетамол и отпуштена од болница. Неколку часа подоцна, нејзините родители ја вратиле во болница откако добила осип и треска, кога и била дијагностицирана менингококна сепса.
Девојчето било префрлено на одделот за интензивна нега на блиската педијатриска болница каде доживеала откажување на повеќе органи и биле потребни неколку процедури за лекување на инфекцијата.
Подоцна нфекцијата се проширила и морале да и бидат ампутирани сите екстремитети – ампутации на двете нозе над колената и двете раце над лактите, пренесува „Индипендент“.
Семејството на девојчето поднело тужба против болницата, тврдејќи дека би ги избегнале ампутациите доколку и пружеле соодветна нега.
Болницата ја призна одговорноста на сослушувањето во Високиот суд во Лондон во петокот. Судијата Каспар Глин одобри спогодбата која изнесуваше околу 39 милиони фунти (44 милиони евра) – делумно да биде платена паушално, а остатокот во годишни исплати до крајот на животот на девојчето.
„Парите не можат да ви го вратат вашето девојче, но можат да и обезбедат иднина“, му рекол судијата на семејството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.