Свет
По пожарот на Хаваите една куќа остана недопрена додека се’ околу неа е пеплосано

Само една куќа во станбен блок во Западен Мауи необјасниво преживеа и остана главно недопрена, додека речиси секоја зграда во областа изгоре до темел по минатонеделните разорни шумски пожари.
Новите фотографии ја прикажуваат двоспратната куќа со бели ѕидови и црвен покрив која е останата речиси иста, среде апокалиптичната сценографија што ја опкружува.
Градината на куќата покрај океанот, исто така, се чини дека задржала привид на зеленило за разлика од пепелта и јагленосаните дрвја од околината.
Red house is a champ – survived Maui fire. Metal roof, newer construction, empty lot to the south. Who built this thing and what are the walls made of?
Metal roofs are clutch if you live in a fire zone. Seen this before. pic.twitter.com/pdULd68O8D
— Compass | The Weatherman (@PlotACourse) August 16, 2023
Корисниците на социјалните мрежи ја нарекоа куќата покрај океанот „Црвената куќа што ги преживеа пожарите на Хаваи“.
Очигледно се работи за зграда од понова градба, но сите се прашуваат од што биле нејзините ѕидови, кога успеале да се спротивстават на пламените јазици кои зафатиле се’ околу неа.
Сцената потсетува на католичката црква Марија Ланакила во центарот на Лахајна, која сè уште стои меѓу урнатините.
Католичката црква која постои од 1846 година, може да се види на видео објавено на „Тик-ток“ како стои со витражот и структурата на кулата додека земјата се окоу неа пеплосува. Членовите на црковната заедница се огласија на Фејсбук за да изразат благодарност што зградата е спасена.
Се чини дека пожарите ги преживеало и 150-годишното банијан дрво во Лахајна. Сè уште не е познато дали дрвото, кое било увезено од Индија во 1873 година, ќе продолжи да вирее бидејќи е прилично јагленосано.
Бројот на загинатите во пожарот во моментов е 111, а повеќе од 1.000 жители се уште се водат за исчезнати. Се стравува дека бројот на жртви ќе биде многу голем.
Официјални лица во Мауи досега идентификувале само пет жртви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Пленковиќ: Хрватска не тргува со оружје и воена опрема со Израел

Хрватскиот премиер, Андреј Пленковиќ, денеска негираше дека Хрватска тргува со оружје со Израел, одговарајќи на барањето на хрватскиот претседател Зоран Милановиќ до владата да престане да тргува со оружје и воена опрема со таа земја.
Кога беше замолен да ја коментира изјавата на Милановиќ, Пленковиќ рече дека „нема трговија со оружје и воена опрема со Израел“, пренесува ХИНА.
Хрватското Министерство за одбрана во саботата објави дека официјален Загреб во моментов не набавува оружје за хрватската армија од Израел.
Свет
Силна бура погоди неколку области на Кина

Поројни дождови и бури погодија неколку области на Кина во текот на викендот, предизвикувајќи евакуација на над 300 жители во областите на градот Жаокинг во јужната покраина Гуангдонг и уривање на десетици патишта, објавија денеска кинеските медиуми.
Во таа област се урнаа 54 патишта, а издадени се предупредувања за зголемен ризик од поплави, објави агенцијата Синхуа.
Според метеоролозите, во градскиот округ Нанфенг се забележани рекордни врнежи од дожд од 258,7 милиметри.
Свет
Полска ги продолжи граничните контроли со Литванија и Германија до 4 октомври

Полска ги продолжи граничните контроли со Германија и Литванија за уште два месеци, до 4 октомври, и во петокот ја информираше Европската комисија за тоа, објави денес министерот за внатрешни работи и администрација Марчин Кервињски.
„Фактот дека нашата гранична ограда е 98 проценти ефикасна ги принуди белоруските и руските служби и службите за нелегална миграција да се префрлат на други рути. Денес, главната задача не само за нас, туку и за нашите партнери во Европската Унија е да ја блокираме, ако можам така да кажам, рутата што е префрлена на Литванија и Латвија“, изјави Кервињски пред новинарите.
Министерот за внатрешни работи потсети дека дури и во времето кога беа обновени контролите на тие две граници на Полска со нејзините соседи од Шенген зоната, се очекуваше тие да бидат продолжени иако првично беа воведени само за еден месец.
„Во септември, врз основа на податоците од Граничната стража, армијата и полицијата, ќе донесеме одлука дали ќе преземеме нови чекори или не“, рече Кервињски.
Во текот на четирите недели, колку што траат контролите, Полска одби да прифати 124 лица на границата со Германија, 61 на границата со Литванија, додека досега прифати да прифати 81 странец на границата со Германија, депортирани назад во Полска во согласност со европските прописи.
Најновите податоци до крајот на јули покажаа дека полските граничари на границата со Германија и Литванија провериле 328.000 луѓе и речиси 160.000 возила.
За време на контролите, на границата со Литванија беа уапсени 12 шверцери на луѓе, а од почетокот на годината, на источните граници на Полска беа уапсени вкупно 316 организатори на нелегални гранични преминувања.
Граничните контроли воведени од Германија кон крајот на 2023 година и од Полска од 7 јули се официјален одговор на Берлин и Варшава на домашната политичка криза кога радикалната десница и екстремистите, во Германија AfD и во Полска целата опозициска десница, со сесрдна поддршка од претседателот во заминување и новоизбраниот врз основа на кампањата на американскиот претседател Доналд Трамп, го користат спектарот на нелегални мигранти за да предизвикаат политичка криза и недоверба во владата.
Со контролите на границата со Литванија, проевропската центристичка влада на премиерот Доналд Туск реагира на промената на рутата на нелегалната миграција низ Русија и Белорусија, бидејќи владата на Туск дополнително обезбеди граница и ограда висока 5,5 метри на источната граница, а сега мигрантите влегуваат во Европската Унија преку балтичките земји.
Полските власти неколку пати најавија дека контролите на западната граница ќе останат сè додека не бидат укинати од Германија.