Свет
Првпат по седум години се извини за убиството на ученик: го моли судијата да му ја намали казната
Напаѓачот во училиште Џеси Озборн, кој издржува доживотен затвор без можност за условно ослободување за убиство на ученик на игралиште во Јужна Каролина кога имал 14 години, го моли судијата да му ја намали казната за да може еден ден да излезе од затвор.
Неговиот адвокат побара од судијата да ја преиспита неговата казна, кој сега има 21 година, да има одредена слобода до 50-тите или 60-тите години.
Адвокатот Френк Епс рече дека судијата не го разгледал целосно извештајот на психологот дека Озборн нападнал поради злоупотреба и дека може да биде рехабилитиран.
„Дајте му на Џеси малку надеж со која може да живее“, рече Епс.
Самиот Озборн побарал шанса за живот надвор од затворската ќелија, извинувајќи му се на семејството на шестгодишниот Џејкоб Хол, кого го убил, и на сите што тој ден биле во училиштето.
„Само сакам да им се извинам на секој од нив. Затоа што моите злобни постапки ги повредија нивните животи“, рече Озборн.
Но, наставникот чиe одделение беше на одмор во дворот на училиштето, родителот на рането дете, таткото на ученик кој славел роденден, управникот кој го видел крвавиот тепих во училницата и директорот на училиштето, на сослушувањето во окружниот суд изјавиле дека никогаш не сакаат да го види Озборн надвор од затвор.
Озборн отслужува две доживотни затворски казни откако се изјасни за виновен. Пред да отвори оган во училиштето на 28 септември 2016 година, тој пукал и го убил својот татко додека спиел, а потоа го украл возилото на неговиот татко и се упатил кон поранешното основно училиште.
Тој го удрил возилото во оградата и пукал во првачињата кои славеле роденден. Хол искрвари до смрт од рана на ногата. Повредени беа уште двајца ученици и еден наставник.
Обвинителите рекоа дека Озборн сакал да убие десетици, но носел погрешна муниција и пиштолот му се заглавувал по секој истрел.
Голем број деца по пукањето никогаш не се вратија на училиште, некои воопшто не се вратиле во ниту едно училиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.