Свет
Прекинот на огнот во Сирија главно се почитува трет ден по ред
Авионите на сириската влада извеле во неделата неколку воздушни удари, а во некои делови од земјата и натаму се водат судири со низок интензитет, но прекинот на огнот договорен со посредство на Русија и Турција, главно се почитува трет ден по ред.
Авионите нападнале кај селата Кафр Кар, Минтар и околината на градот Банан во јужниот дел на покраината Алепо, соопшти опозициска Сириска опсерваторија за човекови права (SOHR) со седиште во Лондон.
Владините сили, исто така, во текот на ноќта кон неделата напредувале во битката против бунтовниците во Источна Гута, крај главниот град Дамаск, заземајќи 10 фарми во близина на градот Дума, додаваат набљудувачите.
Но во другите делови од земјата било мирно и опозициските групи не ја оствариле заканата дека ќе се откажат од прекинот на огнот, што буди надежи во скорешен кај на судирот кој трае речиси шест години.
Мохамед Рашид, портпарол на опозициската група Џаиш ал-Наср, којашто дејствува во западната покраина Хама, изјавил за Reuters дека во таа област е главно мирно., Судир со мал интензитет се забележани во Вада Баради, крај Дамаск, но воздушните напади престанале, додал.
Прекинот на огнот, од кој се исклучени џихадистичките групи Исламска држава и Џехат ал-Фатах ал-Шам, поранешната Џебхат ан-Нусра сириското крило на Ал Каеда, треба да биде вовед во мировните преговори предвидени за крајот на јануари во Казахстан под покровителство на Русија и Иран кои го поддржуваат сирискиот претседател Башар ал-Асад, и Турција која е негов противник и ја поддржува сунитската опозиција.
Примирјето во Сирија, во која во шесте години војна од март 2011 година загинале повеќе од 300.000 луѓе, а милиони се бегалци и внатрешно раселени, во саботата едногласно беше поддржано и од Советот за безбедност при ОН./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полски МиГ-ови пресретнаа руски извидувачки авион
Полските борбени авиони МиГ-29 пресретнале руски авион Ил-20, кој извршувал извидувачка мисија во меѓународниот воздушен простор над Балтичкото Море без поднесен план за лет и со исклучен транспондер, објави денес полската армија.
„Полските борбени авиони пресретнаа авион Ил-20 кој извршуваше извидувачка мисија во меѓународен воздушен простор, без поднесен план за лет и со исклучен транспондер“, соопшти армијата, објавија регионалните медиуми.
Авионот не го нарушил полскиот воздушен простор, се наведува во соопштението за медиумите.
„Благодарение на високата борбена готовност, професионализмот на пилотите и ефикасното функционирање на системот за противвоздушна одбрана, мисијата беше извршена брзо, ефикасно и безбедно.
Заштитата на полското небо не е само обврска, туку и секојдневна мисија на нашите војници кои ја чуваат безбедноста на нашата земја со целосна посветеност.
Вооружените сили на Република Полска остануваат во постојана готовност за да одговорат на секоја закана и да го заштитат суверенитетот на полскиот воздушен простор“, се вели во соопштението.
Регион
Комбе излета од автопат во Србија: едно дете загина, седум се повредени
Едно дете загина, а седум други се повредени, како и возачот на комбе, во тешка сообраќајна несреќа што се случи околу 3:30 часот наутро на автопатот Нови Сад-Белград, објавија регионалните медиуми во среда.
Детето родено во 2009 година почина на местото на настанот од повредите здобиени во несреќата, објави Радио телевизија Србија (РТС).
Седум други деца, родени помеѓу 2009 и 2012 година, се здобиле со тешки повреди и се пренесени во Детската болница во Нови Сад.
Возачот, исто така, е тешко повреден
Возачот на комбето, маж роден во 1982 година, исто така е тешко повреден и е пренесен во Ургентниот центар на Клиничкиот центар на Војводина.
Несреќата се случила кога комбето во кое се превезувале децата излетало од патот, пробило ограда и паднало во канал, објави Радио телевизија Војводина (РТВ).
фото: архива
Свет
(Фото) Трамп доби златна круна во Јужна Кореја
На претседателот на САД, Доналд Трамп, денес во Националниот музеј во Гјонгџу му беше врачен Големиот орден на Мугунгва и златна круна на кралството Сила од страна на јужнокорејскиот претседател Ли Џае-Мјунг.
Претседателот Трамп доби реплика од историската златна круна во Јужна Кореја, најновиот во низата импресивни подароци што ги добил за време на неговата посета на Азија.

Трамп рече дека подарокот е „многу посебен“.
Симбол на света власт и апсолутна моќ
Репликата е базирана на златната круна на древното кралство Сила, кое го симболизирало „светата власт и апсолутната моќ“ на кралевите и владејачката класа, според Националниот музеј на Кореја.

Златните круни од кралството Сила прикажуваат дрво со гранки што се шират нагоре, за кое музејот вели дека „значи небесен мандат на кралот“.
фото: принтскрин

