Свет
Примирјето во Сирија се одржува и покрај почетните инциденти
![](https://makfax.com.mk/wp-content/uploads/2016/12/4413146.jpg)
Примирјето меѓу сириската владина армија и бунтовничките рупи кои стапи на полноќ во петокот, во текот на денот се одржува, по претходните изолирани судири, соопштија набљудувачите и бунтовниците.
Прекинот на огнот беше нарушен во неколку покраина во североисточниот дел на Сирија, два часа откако стапи на сила. Меѓутоа, опозициската Сириска опсерваторија за човекови права (SOHR) со седиште во Лондон, повикувајќи се на своите активисти на теренот подоцна објави дека ситуацијата „главно е мирна“.
Претставникот на бунтовничката група Џаиш ал-Наср, за Reuters потврдил дека „во текот на ноќта имаше гранатирања, но денеска престана … ситуацијата засега е добра“.
Националното примирје коешто треба да го запре шестгодишното крвопролевање во четвртокот го објави рускиот претседател Владимир Путин, кој е клучниот сојузник на сирискиот претседател Башар ал-Асад, по договорот со турскиот претседател Реџеп Тајип Ердоган чијашто земја ја поддржува сунитската ткн умерена опозиција, а во договорот е вклучени и Иран, исто така сојузник на сирискиот алавитски (шѓиитски) претседател.
Сириската армија во четвртокот објави дека ги прекинува сите воени операции на територијата на целата земја, а рускиот министер за одбрана Сергеј Шојгу на претседателот Путин му предложи повлекување на значаен дел на руските сили во Сирија, имајќи ја предвид моменталната ситуација.
Од договорот за прекин на огнот се изземени ултрарадикалните сунитски џихадистички групации како Исламска држава и поранешната Џебхат ан-Нусра, сириското крило на Ал Каеда, и бунтовничките групи поврзани со неа.
Портпаролот на бунтовничката групации кои ја сочинуваат Слободната сириска армија (FSA) чијашто командна структура е во егзил во Турција на прес-конференцијата во Анкара изјави дека примирјето не ја опфаќа и курдската милиција Единици за одбрана на народот (YPG), како ниту партијата на Курдите во Сирија (PYD), кои турските власти ги сметаат за блиски на забранетата Работничка партија на Курдистан (PKK), и оти тие нема да учествуваат на мировните преговори.
Бунтовниците се согласија примирјето да го надзираат Русија и Турција, како и во текот на еден месец да започнат политичките преговори, изјавил нивен претставник. Анкара, жесток противник на сирискиот претседател, во меѓувреме го омекна својот став и се согласи на учество на Асад во преодниот период во земјата.
Ова е трето примирје во Сирија постигнато оваа година. Претходните две договорени меѓу САД и Русија пропаднаа по неколку седмици, а страните се обвинуваа дека не ги извршуваат обврските од договорот.
Новиот договор е постигнат без САД и Обединетите нации. Но рускиот министер за надворешни работи Сергеј Лавров изјави дека САД можат да се вклучат во мировниот процес откако избраниот претседател Доналд Трамп на 20-ти јануари ќе стапи на должноста. Додаде и дека сака во процесот да се вклучат и Египет заедно со Саудиска Арабија, Катар, Ирак, Јордан и Обединетите нации./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.