Свет
Путин прави чистка: отпуштил шест генерали, меѓу кои и Месарот од Сирија
Рускиот претседател Владимир Путин отпуштил шест генерали поради лошите резултати од борбените операции во Украина, јавуваат светските медиуми.
Според информациите, ваквата одлука е донесена во моментот кога во Украина наводно бил убиен потполковникот Николај Горбан (36), кој ги предводел специјалните сили „Спецнац“.
„Дејли мејл“, повикувајќи се на сознанијата на британските разузнавачки служби, генерал-потполковникот Александар Чаико и генерал-потполковникот Александар Журавлев се меѓу лицата што ќе ги загубат своите позиции, а причина за промената се големите загуби и недостигот на напредокот на силите во Украина.
На местото на Журавлев наводно ќе дојде генерал-полковникот Владимир Кочетков, а според „Дејли мејл“, разрешен е и генералот Александар Владимирович Двонирков кого западните медиуми го нарекуваат Месарот од Сирија. Тој, наводно, е сменет бидејќи во април беше назначен за командант на целата операција во Украина, соопшти британското Министерство за одбрана.
Разрешен е и генералот Генадиј Валериевич Жидко, кој беше командант на силите на југот, а за негова замена беше назначен генералот Сергеј Суровкни.
„Слабите резултати на руските сили за време на војната во Украина го чинеа военото раководство многу како резултат на што беа сменети најмалку шест руски генерали. Овие промени беа придружени со фактот дека најмалку 10 руски генерали беа убиени во борбените операции во Украина. Ова имаше голем ефект врз тактичките и оперативните проблеми на руската армија во Украина“, вели извор од Министерството за одбрана, цитиран од „Дејли мејл“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ја откажа посетата на Германија поради ураганот Милтон
Американскиот претседател Џозеф Бајден го одложи планираното патување во Германија и Ангола за да остане во Белата куќа поради ураганот Милтон на брегот на заливот на Флорида, соопшти денеска Белата куќа.
Портпаролката на Белата куќа Карин Жан-Пјер рече дека промената е неопходна „со оглед на проектираниот пат и силата“ на бурата.
Таа не прецизираше кога патувањето би можело да биде презакажано. Бајден претходно вети дека ќе оди во Африка за време на неговиот мандат, кој завршува во јануари.
Свет
(Видео) Напaднат унгарскиот премиер Виктор Орбан
Членот на Унгарската демократска коалиција Мартон Џекички денеска го нападна унгарскиот премиер Виктор Обран за време на прес-конференција во Европскиот парламент.
На видеото објавено од Corriere della Sera се гледа како човек, кој обезбедувањето го крева од подот, му вика на премиерот.
🔵#Strasburgo Protesta solitaria durante la conferenza stampa del premier ungherese. Pochi minuti dopo l’inizio, un giovane ha fatto irruzione in sala, si è avvicinato a #Orban urlando parole in ungherese e gettandogli addosso fogli e cartacce. L’uomo è stato subito immobilizzato pic.twitter.com/ajmNhPFQVu
— Rai Radio1 (@Radio1Rai) October 8, 2024
Орбан не е повреден во инцидентот, а обезбедувањето брзо го совлада Џекички и го фрли на подот, по што беше изнесен од собата.
„За колку ја изневери државата, премиере?“, го праша Џекички Орбан додека неговите телохранители го водеа надвор од салата.
Орбан по инцидентот коментираше дека „унгарскиот е директен јазик и дека комуникацијата може да биде груба“, пренесува унгарски Телекс.
„Кога еден политичар ќе му каже на друг дека е негативец, во нашата култура тоа значи „не се согласувам со тебе“, рече Орбан.
Како што потсетува Телекс, Џекички фрлал монети кон Орбан за време на инцидентот во Кеч на почетокот на септември во знак на протест.
Свет
Во експлозија во Пакистан загинаа двајца кинески инженери кои работеа на електрана
Двајца кинески државјани, кои во неделата загинаа во експлозија во близина на меѓународниот аеродром во Карачи, работеле во електрана, соопштија денеска властите.
Ројтерс објави дека тоа е еден од најсериозните напади врз кинески државјани во Пакистан откако бомбаш самоубиец уби пет кинески инженери кои работеа на хидроелектричен проект во март, што го натера Пекинг да го повика Исламабад да преземе построги безбедносни мерки.
Кинеската амбасада во Исламабад и пакистанското Министерство за надворешни работи ја опишаа неделната експлозија како „терористички напад“.