РЕ-Топ Вести
СЗО: Луѓето земаат антибиотици кога не треба, тоа ќе доведе до многу смртни случаи
![](https://makfax.com.mk/wp-content/uploads/2023/11/hg.jpg)
Прекумерната употреба на антибиотици опасно ја поткопува нивната ефикасност што може да биде одговорна за 10 милиони смртни случаи годишно во светот до 2050 година, предупреди европскиот разгранок на Светската здравствена организација (СЗО).
„Развојот и ширењето на супербактериите се забрзуваат со злоупотреба на антимикробни лекови, што го отежнува ефикасното лекување на инфекциите“, се вели во соопштението на СЗО Европа, која вклучува 53 земји и се протега до Централна Азија.
„Сите земји во нашиот регион имаат регулативи што штитат од злоупотреба на антибиотици. Спроведувањето на овие регулативи ќе ги реши повеќето проблеми со злоупотребата на антибиотици“, истакна Роб Батлер, раководител на одделот за заразни болести. Организацијата на ОН проценува дека, без итна интервенција, отпорноста на антибиотици може да предизвика до 10 милиони смртни случаи годишно до 2050 година.
Истражувањето спроведено во 14 земји од регионот, лоцирани во Источна Европа и Централна Азија, покажува дека причините наведени како оправдување за земање антибиотици во 24 отсто од случаите се настинка проследена со симптоми на грип (16 отсто), болки во грлото (21 отсто) и кашлица (18 проценти).
„Оваа ситуација е загрижувачка бидејќи овие симптоми често се предизвикани од вируси против кои антибиотиците не дејствуваат“, се вели во соопштението. Главен извор на загриженост за здравствените власти се рецептите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
РЕ-Ново
Маск има нов план: Сака да го урне „Јутјуб“
![](https://makfax.com.mk/wp-content/uploads/2024/03/хх.jpg)
Илон Маск откри дека нов формат на видеосодржина доаѓа набргу на платформата X.
Милијардерот и сопственик на X откри дека оваа платформа набргу ќе овозможи видеосодржини со долга форма на паметните телевизори.
Одговарајќи на барање на корисник, Маск го потврди пристигнувањето на видео со долга форма на паметните телевизори.
Coming soon https://t.co/JlnlSL7eS9
— Elon Musk (@elonmusk) March 9, 2024
Изворите сугерираат дека апликацијата X TV ќе личи на апликацијата „Јутјуб“ за ТВ, што укажува на амбициите на Маск услугата да стане конкурент на платформата на „Гугл“.
Платформата X додава многу нови функции во последните месеци, а Маск веќе ја изрази својата намера да го претвори X во супер апликација, која може да направи сè – испраќање пораки, плаќање, но и гледање видеосодржини во долга форма.
РЕ-Топ Вести
Во Велика Британија компаниите тестираа работна недела од четири дена
![](https://makfax.com.mk/wp-content/uploads/2022/02/bigZGT1FSTrip_Top_Putovanja_-_Velika_Britanija_-_London_-_Big_Ben.jpg)
Конечно е завршено испитувањето за ефикасноста на четиридневната работна недела во Велика Британија. Многу компании учеснички им дозволија на вработените да продолжат да работат помалку, а повеќе од половина ја направија промената трајна.
Помеѓу јуни и декември 2022 година работниците во 61 компанија во Обединетото Кралство работеа 80 отсто од своето нормално работно време за иста плата, додека ветуваа дека ќе завршат 100 отсто од нивната доделена работа.
Најмалку 89 отсто од тие фирми ја задржаа таа политика, а најмалку 51 отсто ја направија четиридневната работна недела постојана до крајот на 2023 година, се наведува во извештајот.
Студијата беше објавена на 21 февруари од Autonomy.
Ефектите од намаленото работно време беа исклучително корисни за персоналот и нивните компании, се вели во извештајот.
На крајот од студијата вработените пријавиле подобро физичко и ментално здравје, подобра рамнотежа помеѓу работата и животот и целокупно задоволство.
РЕ-Топ Вести
Арктикот би можел да доживее денови без мраз во следните неколку години
![](https://makfax.com.mk/wp-content/uploads/2024/03/17.jpg)
Арктикот би можел да ги доживее своите први летни денови без мраз во следните неколку години, најавија научниците, а пренесува германската новинска агенција dpa.
Арктичкиот мраз се топи во текот на летните месеци намалувајќи ја површината на замрзнатиот океан, а потоа повторно се зголемува во текот на зимските месеци.
Но, ледената покривка се намалува како резултат на глобалното затоплување, па се направени процени кога Арктичкиот Океан би можел да биде без мраз во септември кога ќе го достигне својот минимален обем на крајот на летото.
Тоа не значи дека нема да има мраз, но научниците ја дефинираат како област со помалку од еден милион квадратни километри ледена покривка, што е само 20 отсто од просечната минимална покривка во 80-тите.