Свет
Сириските Курди добија устав за нивниот „федерален регион“

Сириските Курди добија устав за автономниот сојузен регион кој го прогласија во северниот дел на земјата каде следните месеци планираат да спроведат избори.
Курдската заедница во Сирија го искористи хаосот предизвикан од граѓанската војна која се претвори во меѓуконфесионален судир за да ја прошири контролата на некои подрачја на северот и во 2012 година основа три автономни администрации, во Африне, Кобане и Џазира, кои сега имаат сопствени полициски сили и независни училишта.
Во март годинава Курдите започнаа нова етапа и најавија основање федерален регион кој ги обединува трите кантона, а таа иницијатива веднаш ја одбија и владата на сирискиот претседател Башар ал-Асад и сунитската опозиција која ја поддржува соседна Турција.
Уставот го потврди Конститутивното собрание по состанокот на 165 претставници на трите кантона, се наведува во завршното соопштени.
Овој устав предвидува основање законодавно собрание чии членови ќе се избираат на четири години. Основниот закон ја утврдува еднаквоста на сите јазици кои се користат на северот од Сирија и на секоја заедница ѝ дава право да живее и да дејствува на својот јазик.
Сириските Курди сочинуваат до 15 отсто од населението на земјата. Курдската милиција Единици за одбрана на народот (YPG) ја имаат поддршката од САД во борбата против џихадистичката група Исламска држава, но Турција ги смета за терористичка група блиска на забранетата Работничка партија на Курдистан (PKK).
Турција на 24-ти август започна офанзива во северна Сирија, покрај борбата против Исламската држава, и да го спречи напредувањето на курдските сили и ширењето на автономната курдска зона по должина на турско-сириската граница./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Додик се огласи по неколкудневен молк: Пристигнав во Москва

Лидерот на босанските Срби, Милорад Додик, по кој трагаат правосудните органи и полициските агенции во Босна и Херцеговина, вчера вечер соопшти дека пристигнал во Москва. „Пристигнав во Москва“, вели Додик во краткото видео објавено на социјалната мрежа Икс.
Откако ја помина минатата недела во Израел, од каде ненадејно замина во четвртокот кога беше прогласен за непожелен гостин на конференција посветена на борбата против антисемитизмот, Додик престојува на непозната локација. Тој сега посочи дека пристигнал во Русија, илустрирајќи го тоа со видео на кое се прикажани ѕидовите на Кремљ зад него.
➡️ Стигао сам у Москву. Сваки мој боравак овдjе почињем посјетом споменику Незнаном јунаку како бих одао пошту 28 милиона страдалих Руса у Другом свјетском рату.
➡️ Овдjе ћу бити поново 9. маја на позив предсједника Руске Федерације Владимира Путина на обиљежавању 80. гoдишњице… pic.twitter.com/CMd5jqYda8
— Милорад Додик (@MiloradDodik) March 31, 2025
Тој објасни дека прво им оддал почит на Русите кои загинаа во Втората светска војна, а потоа рече дека планира повторно да биде во Москва на 9 мај, кога таму ќе се одбележи годишнината од победата над фашизмот.
Европа
Полска потпиша договор со САД во вредност од 2 милијарди долари

Полска потпиша договор со САД во вредност од 2 милијарди долари за програма за „повеќеслојна противвоздушна одбрана“, соопшти полското Министерство за одбрана.
Варшава презеде неколку мерки за зајакнување на својата национална одбрана од почетокот на руската целосна инвазија на Украина. Земјата редовно ги подигнува своите борбени авиони и ги активира единиците за противвоздушна одбрана поради руските напади во близина на нејзината граница.
Договорот со САД беше финализиран на 31 март и вклучува испорака на опрема за противвоздушна одбрана и логистичка поддршка за системите Патриот, објави полското Министерство за одбрана.
„Потпишувањето на договорот е потврда за долгогодишната и интензивна соработка меѓу Полска и САД на полето на безбедноста“, изјави полскиот премиер Доналд Туск.
Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.