Свет
Сопругата на Асанж: Ќе умре ако биде екстрадиран во Америка, ментално е многу лошо
Последниот обид на основачот на Викиликс, Џулијан Асанж да ја запре неговата екстрадиција од Велика Британија во САД е прашање на живот и смрт, изјави денеска неговата сопруга Стела.
Асанж (52) се бара во САД по 18 обвиненија поврзани со објавување на огромни количини доверливи американски воени и дипломатски извештаи на Викиликс.
Велика Британија ја одобри неговата екстрадиција во 2022 година, која неговите адвокати ќе се обидат да ја оспорат следната недела пред Високиот суд во Лондон.
Говорејќи на брифинг со новинарите, Стела Асанж рече дека нејзиниот сопруг нема да преживее ако замине во САД.
„Неговото здравје е нарушено, физички и психички“, рече таа. „Неговиот живот е загрозен секој ден што го поминува во затвор, а доколку биде екстрадиран, ќе умре“.
Во јануари 2021 година, судијата одлучи дека Асанж не треба да биде екстрадиран бидејќи, поради неговото ментално здравје, може да изврши самоубиство доколку биде притворен во најстрог затвор.
Високиот суд ја поништи таа одлука по жалбата на американските власти, кои дадоа гаранции дека медицински ќе го третираат.
Стела Асанж изјави дека ќе поднесе жалба до Европскиот суд за човекови права доколку не успее да ја поништи екстрадицијата.
Асанж помина седум години во амбасадата на Еквадор во Лондон пред да биде затворен во 2019 година поради прекршување на условите за кауција. Оттогаш тој е во строг затвор во Лондон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кејт Мидлтон миленичка на британската јавност: по популарноста го надмина и принцот Вилијам
Последната анкета на јавното мислење во Велика Британија, објавена денеска, покажа дека принцезата од Велс, Кејт Мидлтон го надмина принцот Вилијам по популарност.
Во истражувањето спроведено од агенцијата за истражување на јавното мислење „Savante for the Independent“, Кејт (42), која моментално се лекува од неодреден облик на рак, ја поддржуваат 62 отсто од испитаниците, додека принцот од Велс (41) е фаворизиран од 61 отсто од британските испитаници.
Принцот Ендру (64), по дружењето со осудениот педофил Џефри Епштајн, е избран за најмалку омилен член на кралското семејство – го поддржуваат само 14 отсто од испитаниците.
Принцот Хари и Меган Маркл, исто така се соочуваат со недостаток на популарност. Хари (39) го поддржуваат само 29 отсто од испитаниците, додека неговата сопруга Меган (42) е уште помалку популарна со само 25 отсто поддршка од испитаниците, пренесува Танјуг.
Свет
ОН: Израелскиот копнен напад врз Рафах може да доведе до масакр
Израелскиот копнеен напад врз Рафах ќе ги доведе во опасност животите на стотици илјади жители на Газа и ќе им нанесе огромен удар на хуманитарните напори низ палестинската енклава, соопшти Канцеларијата на ОН за координација на хуманитарни прашања (OCHA).
Израел се заканува дека ќе изврши копнен напад врз Хамас во Рафах, каде што се засолниле речиси милион луѓе.
„Тоа би можело да биде масакр на цивили и неверојатен удар за хуманитарните операции во целиот појас, бидејќи тие се управуваат претежно од Рафах“, рече портпаролот на OCHA, Јенс Лаерке на брифингот во Женева.
Хуманитарните активности од Рафах вклучуваат медицински клиники и пунктови за дистрибуција на храна и центри за неухранети деца, рече тој.
Претставник на Светската здравствена организација (СЗО) на истиот брифинг изјави дека е подготвен план за копнен напад, кој вклучува нова полска болница, но предупреди дека тоа нема да биде доволно за да се спречат големиот број на жртви.
„Тоа апсолутно нема да спречи значителни дополнителни смртни случаи“, рече Рик Пиперкорн, претставник на СЗО за палестинските територии.
Тој додаде дека е „многу загрижен“ што нападот ќе го затвори граничниот премин Рафах меѓу Појасот Газа и Египет, кој се користи за увоз на лекови и медицинска опрема.
Свет
(Видео) Камион без возач прегази најмалку 29 ученици на фестивал во Киргистан
Камион без возач прегази 29 ученици на фестивал во Киргистан.
Камионот што го користел продавач на сладолед ненадејно тргнал по удолницата и прегазил голем број ученици, од кои многумина биле свртени со грб.
Многумина успеале да побегнат, но 29 лица биле прегазени.
Осумнаесет деца на возраст од девет до 16 години се хоспитализирани, додека кај седум има опасност по живот.
Инцидентот го снимила камерата на дронот која го снимила моментот кога децата го држат големото знаме на Киргистан.
На видеото се гледа како камионот ненадејно се движи по удолницата и минува низ групи деца.
Полицијата покренала истрага, а според една од пријавите, возачот заборавил да ја повлече рачната сопирачка.