Свет
(Видео) Раселените Палестинци бегаат од медицинскиот комплекс на болницата „Насер“
Раселените Палестинци бегаат од медицинскиот комплекс на болницата „Насер“ во Кан Јунис по нападот на израелската армија по повеќенеделната опсада. Тоа е најголемата медицинска установа во јужниот дел на Газа, пренесува „Ал Џезира“.
Израел објави соопштение во кое се вели дека спроведува „прецизна и ограничена“ рација во болницата „Насер“, и дека одлуката да се направи тоа се заснова на информациите дека борците на Хамас се кријат и држат затвореници во објектот.
Портпаролот на Хамас ги негираше обвинувањата, нарекувајќи ги „лаги“. Во соопштението групата рече дека нападот врз болницата е продолжение на израелската „војна за истребување“.
طائرات الاحتلال الإسرائيلي تستهدف النازحين بعد خروجهم قسرا من مستشفى ناصر في خان يونس #حرب_غزة #فيديو pic.twitter.com/UMdNmRc74s
— الجزيرة فلسطين (@AJA_Palestine) February 15, 2024
Министерството за здравство во Газа соопшти дека војската извршила рација во породилиштето и уништила две амбулантни возила. Се додава дека животот на пациентите на интензивна нега е во голема опасност.
Портпаролот на Министерството за здравство во Газа, Ашраф ал-Кудра, рече дека израелските војници принудуваат 95 медицински лица, 191 пациент и 165 раселени лица во зградата на стариот медицински центар да бидат во „тешки услови“ без храна или млеко за децата.
„Медицинскиот комплекс „Насер“ е сведок на катастрофална, загрижувачка ситуација поради намалениот медицински капацитет, бидејќи се очекува да снема гориво во следните 24 часа, што директно ги загрозува животите на пациентите, вклучително и шестмина на вентилатори на интензивна нега и три деца во инкубатори“, се вели во соопштението на Ал Кудра.
„Ал Џезира“ објави видео од луѓе кои бегаат од овој медицински комплекс под закана од израелската армија.
Докторката Амира Ал-Асули објави видео на Инстаграм на кое се гледа како израелски тенк влегува во комплексот и создава димна завеса за да го покрие неговото движење.
Медицинската хуманитарна организација „Лекари без граници“ го повика Израел веднаш да го прекине нападот врз болницата. Тие изјавија дека еден член на персоналот исчезнал за време на рацијата, а друг бил уапсен на контролен пункт за време на евакуацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пелегрини за Фицо: Лекарите не планираат нови операции, тој останува на интензивна нега
Лекарскиот совет во болницата во словачкиот град Банска Бистрица, најверојатно, ќе се состане в понеделник кога треба да одлучи за понатамошното лекување на премиерот Роберт Фицо, врз кој беше извршен атентат во средата, изјави новоизбраниот претседател Петер Пелегрини.
Словачкиот премиер Роберт Фицо ќе остане на интензивна нега, соопшти денеска владата на земјата, пренесува „Ројтерс“.
Тој во четвртокот го посети Фицо по што изјави дека лекарите што се грижат за него не планираат нови операции, пренесува словачкиот портал „Правда“.
Регион
Томислав Николиќ имаше сообраќајна несреќа
Томислав Николиќ, поранешен претседател на Србија и директор на Националниот совет за координација со Руската Федерација и Народна Република Кина, утрово доживеа сообраќајна несреќа.
Несреќата се случила утрово околу 9.15 часот, а Николиќ бил во службеното возило „ауди А8“, пренесува српски „Курир“.
Автомобилот го управувал возачот на Николиќ. Во несреќата нема повредени.
Свет
(Видео) Украинците објавија снимки од жестоки улични борби за важен град на северот
Украинската гранична стража објави снимка од жестоки борби за стратешки важниот град Вовчанск на североистокот на земјата, во областа Харков.
Борбите за овој град траат веќе една недела откога руските сили почнаа ненадејна копнена офанзива преку границата. Во него тие зазедоа десетина села во регионот на Харков, но градот Вовчанск, кој беше речиси целосно евакуиран, сè уште се држи.
Русите тврдат дека во градот влегле од два правци за да воспостават позиции, а Украинците тврдат дека ги туркаат назад и го стабилизираат фронтот. Очигледно, најголем дел од борбите се водат во областа Вовчанск.