Свет
Тенгел: Наместо да се смеетe на шведскиот модел, научете нешто од нас
Наместо да се смеете на нашиот модел на борба против Ковид-19, подобро би било да научите нешто од нашето искуство, вели шведскиот епидемиолог Андре Тенгел.
Тој во отворено писмо вели дека карантинот и другите ограничувања што ги вовеле сите европски земји може да функционираат само во кус период, а на долг период подобар е шведскиот модел.
Шведската влада не воведе рестриктивни мерки, туку само им даде упатства на граѓаните како да се однесуваат, што како последица има голем број заразени и починати од коронавирус отколку во земјите што воведоа карантин.
Во писмото се објаснува дека шведскиот модел не е исто она што го примениле во САД и Бразил, ниту е модел секој да се грижи за себе, туку е модел сите за сите.
„Шведскиот модел на одбрана од коронавирусот има историски корени и се базира на идејата дека секој треба да учествува во одбраната (не само од заразата, туку и во други ситуации) и секој да даде свој придонес. На долг рок ќе се покаже дека шведскиот модел е подобар бидејќи строгите мерки, црваната зона и карантинот може да се применат само краткотрајно, тврди тој.
„Да се спротивставиш на кризата што трае долго или се враќа во бранови е можно само со одговорно учество и однесување на сите граѓани“, пишува во писмото од Стокхолм, кое го објави онлајн-магазинот „Политико“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лукашенко: Исходот од претседателските избори во Русија е сериозен сигнал за Западот
Претседателот на Белорусија Александар Лукашенко ги коментираше резултатите од претседателските „избори“ во Русија.
„Исходот од претседателските избори во Русија е сериозен сигнал за Западот, кој сметаше на протресување на ситуацијата во Русија одвнатре. Тие не можеа да го направат тоа на првата линија, па се обидоа да го направат тоа одвнатре, но и тие не успеаја“, рече Лукашенко, цитиран од државната агенција „БелТА“.
Лукашенко рече дека никој не може да ги принуди луѓето на Белорусија и Русија на ништо.
Тој се пофали како изборниот процес во Русија е добро организиран. „Природно, претседателот Путин мораше да работи многу, видовте. Тој неуморно патуваше низ цела Русија, посетуваше различни места и одговараше на виталните прашања на рускиот народ.
Процесот на планирање и селекција беше совршен. Има многу да се научи. Сите беа мобилизирани и консолидирани. Луѓето се патриоти и резултатот е совршен. Ова е лекција за нас“, рече претседателот на Белорусија.
Свет
Драма на лет за Лондон: Патник се обидел да се убие во тоалетот на авионот
Пилотот на авионот принудно слетал откако патник наводно се обидел да се самоубие за време на летот.
Патувањето од Бангкок до Лондон завршило драматично, откако стјуардесите наишле на страшна сцена. Наводно патникот бил пронајден во тоалетот во моментот кога се обидувал да стави крај на животот, пренесуваат медиумите.
Британскиот таблоид „Сан“ наведува дека на помош на патникот дошле стјуардесите и докторот кој се затекнал на летот. На мажот му била укажана прва помош по слетувањето и итно бил пренесен во болница на понатамошно лекување.
Компанијата „ЕВА“ потврди дека инцидентот се случил на летот „БР67 Бангкок-Лондон“.
Не е познато на кој аеродром во Лондон слетал авионот.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.