Европа
Тинејџерка и мајка избодени пред ресторан, поранешното момче ги нападналo на Флорида

Матурантката од Флорида, Медисон Шемиц (17), била избодена со нож заедно со мајка си Џеки Роџ по вечерата пред ресторан.
Сторителот на ова злосторство е поранешното момче на ќерката, Спенсер Рос Пирсон.
Според полицијата, инцидентот се случил на паркингот на ресторанот на плажата Понте Ведра. Очевидци на настанот рекоа дека ги виделе мајката и ќерката како трчаат кон нивното возило за да избегаат од манијакот.
An 18-year-old boy, Spencer Pearson, has st@bb3d his 17-year-old ex-girlfriend, Madison Schemitz, 15 times and proceeded to sI!t his own thro@t afterwards
Schemitz had recently broken up with him, and he had thr3@tened her with violence over several months.
He also st@bb3d her… pic.twitter.com/xejTmRpfYB
— Instablog9ja (@instablog9ja) June 6, 2023
Роџ претходно побарала забрана за приближување од полицијата бидејќи Спенсер почнал да ја следи и малтретира Медисон.
„Пирсон ја избол поранешната девојка 15-ина пати, а кога мајка ѝ се обидела да интервенира, Пирсон ја избол во челото и ногата. Тој ранил и случаен минувач, кој притрчал да им помогне на мајката и ќерката“, соопшти полицијата.
Madison Schemitz and her mother, Jacki Roge, were hospitalized and are now recovering. https://t.co/QJKulNocvj
— Radar Online (@radar_online) June 7, 2023
Пирсон почнал сам да си го сече грлото, но бил запрен и хоспитализиран.
Шемиц е во критична состојба во болницата во Џексонвил и се вели дека има „долг пат до закрепнување“.
Тинејџерката има тешка повреда на ‘рбетниот мозок. „Таа е борец, продолжете молете се за неа“, вели мајката, која и самата чека операција поради раните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.